Езџјан Алиоски – Kurir.mk

Алиоски се збогува од Фенербахче: Чест беше да се играм, тешко е секое збогување

Бошко Тасиќ — Sun, 02 Jul 2023 06:46:08 +0000

Македонскиот фудбалски репрезентативец Езџјан Алиоски по една година на позајмица во турскиот гигант Фенербашхе се збогува од истанбулскиот клуб и се враќа во саудиски Ал Ахли. Алиоски ланското лето дојде на едногодишен заем од Ал Ахли откако овој клуб испадна во втората лига, но се врати експресно во елитата, иако прашање е дали Алиоски ќе продолжи пак во Саудиска Арабија или ќе бара друг клуб, зашто се појавуваа изминатиов период низа информации дека сака да остане во Турција и дека има понуди од други клубови од оваа земја. „Секогаш е тешко да се каже збогум, но таков е животот. Благодарам на големата поддршка и ми беше чест да бидам дел од овој голем клуб“, објави Алиоски.

Фенербахче ќе го откупи Алиоски за 2,5 милиони евра

Бошко Тасиќ — Thu, 17 Nov 2022 06:14:11 +0000

Турскиот гигант, Фенербахче комплетно ќе го откупи Езгјан Алиоски од Ал Ахли за сума од 2,5 милиони евра, пишуваат турските медиуми. Алиоски во моментов игра на позајмица во Фенербахче, сите во турскиот клуб се задоволни од влијанието на македонскиот репрезентативец во играта на тимот и го сакаат долгорочно. Тие ќе го отпупат од Ал Ахли и ќе потпишат повеќегодишен договор со Алиоски. Фенербахче во моментов е лидер во турската Суперлигата, а одлично настапува и во Лига Европа.

Алиоски: Во фудбалот не постојат веќе фаворити

Бошко Тасиќ — Tue, 15 Nov 2022 20:38:37 +0000

Џани Алиоски вели дека во модерниот фудбал тоа се само бројки и статистика и најважна е мотивацијата и посветеноста кај играчите.

– Не е лесно да дојдеме после сите натпревари кои ги имавме во нашите клубови. Најважно е да немаме повреди, овие пријателски натпревари се важни за нас и сакаме да ги добиеме. Не е важно дали е пријателска или квалификациски натпревари, најважен е резултатот и играта која ќе ја прикажеме.Ранкингот е само статистика, веќе нема фаворити веќе во фудбалот. Наѓе е да веруваме во себе и да го дадеме најдоброто. Да се стремиме кон подобри резултати бидејќи знаеме каков квалитет поседуваме.Во актуелниот фудбал, секогаш мора да бидете на врвно ниво и сакам да искажам голема почит до сите играчи кои дојдоа тука. Сите се изморени, лесно се заработува повреда и ќе треба да бидеме многу дисциплинирани и мотивирани за да дојдеме до победа. Не е лесно да се играат вакви натпревари после обврските кои ги имавме на клупски план Но, ние го сакаме фудбалот, сме го одбрале ова и затоа сме тука, – изјави Алиоски.

ФОТО: Милевски ги започна подготовките, Елмас и Алиоски со „луда“ фотографија

Ристе Здравков — Mon, 14 Nov 2022 19:05:51 +0000

Македонската А-репрезентација ја очекуваат два пријателски меча со Финска и Азербејџан кој ќе се одиграат на 17. и 20. ноември на Националната арена „Тодор Проески“ во Скопје. Двата дуела ќе се емитуваат на Спортклуб, а селекторот Благоја Милевски од вечерва ги започна подготовките. Во репрезентацијата се врати и Илија Несторовски, поради повредна нема да настапат Аријан Адеми, Александар Трајковски, Тихомир Костадинов, Ердон Даци, Милан Ристовски и Дарко Чурлинов.

Алиоски: Елиф ме убеди да го изберам Фенербахче

Ристе Здравков — Tue, 02 Aug 2022 08:04:06 +0000

Езџјан Алиоски во новата сезона ќе игра во дресот на турскиот Фенербахче. Клубот од Турција беше конкретен, Алиоски сакаше да се врати во Европа, еден од оние кој го мотивирал да дојде во Фенербахче е е Елиф Елмас, и тој настапуваше за овој гигант пред да се пресели во Италија. „Имав и други понуди од клубови од Турција, но и од Европа, можам да кажам дека Елиф ми сугерираше да го изберам Фенербахче, тој ме убеди да дојдам тука“, изјавил кратко Алиоски.

Алиоски: Не доаѓаме да му ја завршиме кариерата на Роналдо, само да си го оствариме сонот!

Ристе Здравков — Sun, 27 Mar 2022 12:26:34 +0000

Македонскиот лев бек Езџјан Алиоски порача дека Македонија не доаѓа во Португалија да му ја заврши кариерата на еден од најголемите фудбалери на сите времиња, Кристијано Роналдо, најдобриот стрелец на сите времиња во светскиот фудбал, туку Македонија да си го оствари сонот за настап на едно Светско првенство. Алиоски беше извонреден во Италија, посебно во моментот кога од никаде го изблокира Доминико Берарди во акцијата на „аѕурите“ кон нашиот гол по што доби бакнежи од голманот Столе Димитриевски, па левиот бек сега порачува дека Македонија сонува за Светско и дека ќе направи сѐ за да дојде до таа цел. „Ништо сѐ уште не сме направиле, убава е таа победа со Италија, тоа чувство дека сте го елиминирале европскиот првак, ама ние на Светско првенство сѐ уште не сме пласирани. Ние сонуваме за Мундијалот и ќе направиме сѐ за да ни се оствари сонот. Јас реков дека можеме да ја победиме Италија, исто е и со Португалија – можеме да ја победиме. Ние вушност со кого и да игра(в)ме во квалификациите бевме аутсајдери, така е и сега со Португалија“, вели Алиоски. Темпераментниот лев бек ќе го чекаат тешки дуели со извонредните индивидуалци од португалскиот напад, ама сите очекуваат најмногу од Роналдо зашто веќе е во години кога неиграњето на Мундијалот би значело полека и привршување на неговата репрезентативна кариера. „Роналдо две децении е на највисоко ниво и ние не сакаме да му ја завршиме кариерата, сакаме само да си го оствариме сонот. Веруваме дека можеме да го направиме последниот чекор во Португалија“, додаде Алиоски.