езеро младост – Kurir.mk

Забрана за капење во велешкото езеро „Младост“

Дарко Андоновски — Wed, 16 Aug 2023 14:03:41 +0000

Општина Велес на својата веб страница објави дека од вчера е забрането капење во водите на езеро „Младост“. Од Центарот за јавно здравје Велес, каде континуирано секој месец се врши испитување на водите на езеро „Младост“, потенцираат дека нивните анализи покажуваат дека водите се исправни за капање. Но, по забраната од Општина Велес, тие денеска повторно земале примерок на вода, а утре ќе земат и нивни колеги од Институтот за јавно здравје од Скопје. Инаку, на 3 август била последната анализа направена од ЦЈЗ - Велес, на водата на езерото „Младост“ на двете плажи „Градска плажа1 “ и „Романтик“. Според соопштението од Општина Велес, лабораториските испитувања на квалитетот на водата на езерото „Младост“ извршени од лабораторијата „Фуд лаб“ од Скопје на 11 август годинава покажале надминување на граничните вредности за присуство на цревни ентерококи и ешерихија коли на локациите „Брод Панини“ и Градска плажа. - Поради тоа препорачуваме езеро „Младост“ да не го користат за капење и рекреација, се потенцира во соопштението на Општина Велес. Oд Центарот за Јавно здравје - Велес информираат дека нивна екипа денеска земал примероци од водата на плажите „Градска плажа 1“ и Хотел „Романтик“, а кои тие континуирано ги проверуваат согласно програмата. Воедно, бил извршен и санитарно-хигиенски увид. Тие појаснуваат дека квалитетот на водата ќе се проверува во лабораторијата на Центарот за јавно здравје Велес и во Институтот за јавно здравје Скопје. Тие информираат дека од Институтот за јавно здравје Скопје денеска бил вратен примерокот бидејќи не користеле исти висови на лабораториски епрувети како ЦЈЗ Велес, па екипа од Скопје утре повторни ќе земаат примерок на водата од езерото. Од Центарот за јавно здравје - Велес потенцираат дека сите резултати од нивните испитувања од мај, јуни, јули и заклучно со 3 август годинава покажуваат дека од земените мостри на вода од „Градска Плажа 1“ и пред „Хотел Романтик“ дека водите на велешко езеро „Младост“ се исправни за капење и рекреација.

Познат идентитетот на момчето кое вчера се удави во езерото Младост

Ивона Петрова — Sun, 12 Jul 2020 09:05:19 +0000

Министерството за внатрешни работи денеска го соопшти идентитетот на момчето кое вчера се удави во водите на езерото Младост. Како што информираат од МВР, станува збор за скопјанецот М.С. на возраст од 28 години кој влегол во водата и по кусо време потонал и се удавил. -Телото на М.С. било извадено од водата, а од страна на лекар од Итната медицинска помош била констатирана смрт. Извршен бил увид на местото на настанот од увидна екипа од СВР Велес, а по наредба на Јавен обвинител телото на починатиот е предадено на семејството, велат од МВР.

Трагедија: Се удави момче во езерото „Младост“

Магдалена Андонова — Sat, 11 Jul 2020 19:34:24 +0000

28 -годишно момче се удави попладнево во водите на велешкото езеро „Младост. Несреќата се случила околу 16 часот, кога момчето кое било од Скопје, заедно со неговиот татко и уште неколкумина други луѓе се капеле во езерото, во близина на бродот „Панини“, објави Телма. Во еден момент, момчето потонало, но другите не забележале веднаш дека го нема. По извесно време почнале да го бараат, повикале и полиција, која пак, ја алармирала противпожарната единица до Велес. Телото го пронашле пожарникарите околу 17 часот, а докторите од велешката брза помош ја констатирале смртта. На местото увид прави јавен обвинител, кој треба да одлучи дали ќе издаде наредба за обдукција на телото на удавеното момче.

Општина Велес никако да ја изведе патната инфраструктура во „Сателитската населба“ на езерото Младост

Љупчо Цветаноски — Fri, 19 Jun 2020 10:24:56 +0000

Жителите на т.н. Сателитска населба, лоцирана на Езерото Младост, никако да го добијат патот што им следува. За да стигнат до домовите, морат да возат по несафалтиран и тотално руиниран пат, кој самите го поправаат, а Општина Велес никако да го овозможи она што им следува. Велат дека нема ни тампон, ни тротоари, никаково улично осветлување, а никој не го ни собира сметот. Сите тие имаат уредно платени комуналии, но општинарите до сега само ветуваат, но ништо не изведуваат. „Го разгледавме буџетот за 2020 и е малце разочарувачки каде има одвоено само 3,000,000ден за изградба на неколку патишта вклучувајќи и некој во населбава а одвоено 4,000,000ден за кружен тек, да бидеме начисто ние не бараме услуга ние бараме да се направи тоа што ни следува и веќе сме го платиле“ велат граѓанитево дописот до општина Велес, која псотојано им одговара дека работат на случајот, но никако да го направат она што засконски и правно им следува на жителите на оваа населба. Одговорот од општината на нивните апели е само уште едно ветување, з конкретни адтуми и активности: „Со градежни активности ќе се започне по завршување на тендерската постапка и избор на економски оператор за асфалтерски работи.“ велат од Општина Велес. Граѓаните најавуваат дека, доколку Општината не им излезе во пресерет за она што им следува, ќе преземат и поригорозни мерки за остварување и заштита на своите основни права.

Езеро Младост, ден потоа: Што остави зад себе огнената стихија (ФОТО+ВИДЕО)

Катерина Бојаџиева — Tue, 27 Aug 2019 07:16:54 +0000

По 11 часа дивеење на огнената стихија, доцна синоќа, околу 22:30 часот е изгаснат големиот шумски пожар над велешкото езеро „Младост“. Фотографиите и видеото објавени на Фејсбук групата „ти реков ми рече“ се ден потоа- Еве што остави зад себе огнената стихија.