езеро треска – Kurir.mk

ПОЖАР КАЈ ЕЗЕРОТО ТРЕСКА: Капијата на Комплексот затворена, пожарникарите барале асистенција од полиција- еве ги деталите

Катерина Бојаџиева — Thu, 04 Mar 2021 19:33:55 +0000

Пожар избил попладнево околу 17 часот во комплексот Треска. Горело ѓубриште, трева и суви гранки, информира за КУРИР командантот на противпожарна бригада Скопје Владимир Симоновски. Како што дознава КУРИР, дополнителен проблем се појавил кога пожарникарите кои требале да интервенираат на пожарот во близина на езерото, наишле на затворена капија со катанци и ланци на Комплексот. Бидејќи не можеле веднаш да влезат да го изгаснат пожарот, побарале асистенција од полиција, односно барале полициски службеници да присуствуваат на местото на настанот кога требало да го скршат катанецот. Но, по извесно време се појавил директорот на Комплексот и ја отворил капијата, а пожарникарите влегле и веднаш го изгаснале пожарот кој се проширил на околу 3.000 квадрати.

Советничка група на ВМРО-ДПМНЕ: Шилегов лаже за Езерото Треска кое станува симбол на урбаната мафија

Магдалена Андонова — Sat, 06 Feb 2021 16:19:16 +0000

Градоначалникот Шилегов лаже за Езерото Треска кое станува симбол на урбаната мафија и печат на неговото хаотично и неуспешно водење на градот Скопје. Фејсбук статус на Советничката група на ВМРО-ДПМНЕ.

Нелоски: Власта нема слух за барањата на граѓаните во врска со езерото Треска

Магдалена Андонова — Tue, 02 Feb 2021 16:21:48 +0000

Денеска како ВМРО-ДПМНЕ остваривме средба со претставник од Одборот на кампери во езерото Треска каде што разговаравме за проблемот со кој што тие се соочуваат. Имено сите оние камп приколки кои се наоѓаат на таа локација во овој момент на еден начин насилно се присилени да ги отстранат или пак доколку не ги отстранат до 23 февруари ќе бидат отстранети од страна на институциите, изјави денеска за медиумите Владимир Нелоски, претседател на Градски комитет на ВМРО-ДПМНЕ. - За жал и општина Сарај и градот Скопје, но и владата на Република Македонија сеуште немаат слух за барањата на овие граѓани. Имено веќе неколку пати доставиле барања до Владата на Република Македонија за средба со некој од претставниците од владата и разговар со проблемите со кои се соочуваат, но за жал сеуште нема никаква реакција. Ние како ВМРО-ДПМНЕ денеска поднесовме иницијатива до градот Скопје каде што побаравме да се дискутира на оваа тематика на следната седница на Советот на град Скопје каде што ќе разговараме за ова тема и воедно ќе прашаме до каде е со реализација проектот за ревитализација на езерото Треска, посочи тој. Нелоски вели дека ова е проблем кој што го имаат не само овие кампери туку и сите скопјани бидејќи претставува овој проблем една рак рака на градот Скопје бидејќи и самиот градоначалник Петре Шилегов имаше ветувања на локалните избори во 2018 година дека ќе направи ревитализација на езеро Треска. - За жал денеска гледаме дека таму е планирано една цела бетонизација и одредени бизнис интереси. Го повикуваме и Петре Шилегов, но и владата на Република Македонија и општина Сарај да направат нешто се со цел да се реши проблемот на овие луѓе. Инаку можеби едно од решенијата е да се одлучи одреден простор да се направи како корнер во општина Сарај каде што ќе останат овие камп приколки или пак да владата и градот Скопје најдеа некоја соодветна локација на која што ќе можат да бидат преместени овие приколки бидејќи сепак овие луѓе дваесетина или пак повеќе години со своите приколки се наоѓаат на тој простор во општина Сарај, а ние како ВМРО-ДПМНЕ во наредниот период и преку Собранието на Македонија ќе се обидеме да добиеме одговор од институциите и од Владата до каде се со решавање на проблемот, додаде тој.

Трајановски: Власта преку Шилегов сака да го уништи СРЦ Треска

Ивона Петрова — Fri, 29 Jan 2021 08:57:12 +0000

Поранешниот грдаоначалник на Град Скопје, Коце Трајановски денес гостуваше во „Утрински Брифинг“ при што говореше за состојбата на СРЦ Треска и другите неисполнети ветувања на Петре Шилегов. -Вистината е многу јасна, меѓутоа Петре Шилегов секогаш сака да ја префрли топката на некој друг, т.е. на мене или на ВМРО-ДПМНЕ. Меѓутоа треба да се потсетиме дека Петре Шилегов пред почетокот на кампањата за локалните избори 2017-тата година отиде на езерото Треска, таму се сликаше со сите негови соработници или советници што требаше да бидат во Градот Скопје и во кое што многу јасно и чисто кажа дека ако го добие мандатот од граѓаните на Градот Скопје ќе го ревалитизира езерото Треска. И дека после 20 години, не знам колку, езерото Треска повторно ќе биде ставено во функција. Тогаш тој ги знаеше состојбите и под кои и чии ингеренции е, и каква е состојбата со СРЦ Треска, меѓутоа ги излажа граѓаните дека тој ќе го ревалитизира езерото Треска, рече Трајановски. Тој додаде дека Шилегов својата вина почна да ја префрла на ВМРО-ДПМНЕ, во смисол на тоа дека 2011 Градот Скопје донел одлука со која што ја префрла надлежноста од Градот Скопје на Општина Сарај за СРЦ Треска. -Тоа не е точно, нека го извади Шилегов тој документ, нека ја извади таа одлука и нека ја покаже јавно на граѓаните кога со одлука Советот на Град Скопје ја предал надлежноста на СРЦ Треска од Град Скопје на Општина Сарај. Нешто кога ќе ветиш треба да оствариш, или ако не оствариш, тогаш треба да се извиниш и треба да кажеш кои се причините поради кои што тоа не може да се оствари“, нагласи Трајановски. Трајановски посочи дека не може така Шилегов да се однесува. Не може Шилегов да не сака да разговара ниту со камперите, тоа е срамота. Како тоа без разговор и консултација Шилегов оди со булдожери и руши кампови. -Езерото Треска оваа влада го пренамени од земјоделско во градежно земјиште. Тоа јасно зборува дека таму сака да се направи некоја градежна експанзија. Тоа таму да не биде веќе СРЦ Треска, туку таму да има многу објекти односно хотели, индивидуални куќи“, појасни Трајановски. „Денес се наоѓаме во забавниот парк во Скопје, т.е. познат меѓу граѓаните како Луна парк, и може да се види во каква состојба се наоѓа по четири години негова неработа. Јас можам да кажам што ние сме направиле т.е. јас кога бев градоначалник на Градот Скопје значи ние направивме проект, односно направивме партнерно уредување на забавниот парк и тоа може д се види. А, исто така набавивме седум справи кои што три се адреналински, детски справи“, рече Коце Трајановски од ВМРО-ДПМНЕ во своето интервју за „Утрински Брифинг“. Трајановски додаде дека тие справи се набавени уште во 2017-тата година, кои што за жал можеби лежат во некои магацини и уште најстрашно можеби се плаќа лежарина за нив. „Од не знам какви причини Шилегов го стопира или го ставил во фиока овој проект иако неколку години тој го буџетирал буџетот на Градот Скопје, може да видите дека има и во 2020-та, имате и во 2021 година. Па Шилегов предвидуваше некој нов концепт бидејќи не му се допаѓал овој концепт, ама ти тоа не може така да правиш на веќе направен проект, проект кој што е готов, проект кој што требаше во 2018 година да биде ставен во функција со овие седум справи. Овие седум справи во цена на набавка влегуваше да се донесат тие справи, да се направи фундаментот затоа што се многу големи тие фундаменти т.е. постољето, да бидат монтирани, и да бидат пуштени во употреба. Јас ви гарантирам дека со сигурност дека овие справи можеше 2018-тата година да проработат“, нагласи Трајановски. „Универзалната сала е уште една неконзистентност во тврдењата на Шилегов, да не речам лажење на јавноста. Секогаш за било кој проект е претходно направен тој не е добар проект, треба да се прават нови проекти, да се почне се од почеток според Шилегов. Како да Скопје почнува да функционира откако Шилегов е на власт во Градот Скопје, т.е. е градоначалник на Градот Скопје“, појасни Коце Трајановски од ВМРО-ДПМНЕ при своето јавување на „Утрински Брифинг“. Трајановски додаде дека проектот за Универзална сала беше направен 2017-тата година уште во мај/јуни и тогаш бидејќи се уште беше тој градоначалник отишол кај Алаѓозовски кој што беше веќе министер за култура. Му го однел проектот и му кажал на Алаѓозовски дека проектот за Универзална сала може само тој да го реализира бидејќи тој бил во тоа време министер за култура. Но Алаѓозовски ништо од тоа не стори. -Во секој случај на граѓаните на Градот Скопје им се ускрати можноста да имаат Универзална сала“, нагласи Трајановски. Трајановски посочи дека се изгубија три години, а проектот остана во фиока како многуте други проекти на ВМРО-ДПМНЕ. Тие проекти никогаш не се реализираа бидејќи беа предвидени од ВМРО-ДПМНЕ. СДСМ не ги направи за доброто на граѓаните.

Советничка група на ВМРО-ДПМНЕ: Езерото Треска жртва на урбаната мафија заштитена од власта, во целост ги поддржуваме барањата на камперите

Магдалена Андонова — Thu, 28 Jan 2021 09:29:29 +0000

Езерото Треска пред очите на целата јавност станува жртва на урбаната мафија заштитена од власта. Она што се случува во моментот таму е илигален грабеж и руинирање на она што преставува државна сопственост и заедничко добро на сите, стои во соопштението на ВМРО-ДПМНЕ. Градоначалникот Шилегов не ја кажува вистината и лаже кога се обидува таквиот грабеж да го престави како некое ревитализирање. Шилегов да каже од кога тоа корнење канделабри, рушење на објекти и кршење бетон преставува ревитализирање а не грабеж. Во моментот се случува руинирање на општествено добро за кој директна одговорност има Шилегов кој ветуваше враќање на стариот сјај на езерото, велат од партијата. Советничката група на ВМРО-ДПМНЕ и Коалицијата во целост ги поддржува барањата на авто камперите, и бара од градоначалниците на градот Скопје, општината Сарај и Владата решавање на овој прпблем. Воедно во текот на денешниот ден Советничката група ќе побара на тековната седница Советот на град Скопје да расправа во однос на состојбата со Езерото Треска. Уништувањето на Езерото Треска станува неславен заштитен знак на владеењето на Шилегов, се вели во соопштението.

А1он: Пљачка на „Езерото Треска“, ги сечат канделабрите и ги ставаат во комбиња без регистрации (ВИДЕО)

Тале Кристо — Sun, 24 Jan 2021 19:33:24 +0000

Во Спортско рекреативниот центар „Езеро Треска“ викендов се слушаат само моторни пили со кои се сече се што може да биде исечено во некогашните ресторани, бунгалови, кафулиња, гардероби и тоалети, објави порталот А1он.мк. Во комплексот се случува невидена пљачка на државниот имот оти додека на една страна работниците организираат, на друга се откорнува урбаната опрема и се товара во возила без таблички. Повеќе околу оваа тема прочитајте ТУКА

Советничка група на ВМРО-ДПМНЕ на Град Скопје: Шилегов вети враќање, а Скопје доби затворање на езерото, чии бизнис интереси штити најнеспособниот градоначалник

Магдалена Андонова — Thu, 21 Jan 2021 09:57:39 +0000

Пред почетокот на мандатот Петре Шилегов јавно на прес конференција вети возобновување на езерото Треска. 3 години потоа се затвора езерото Треска и тоа замира.Додека во Матка растат дивите платформи, Треска изградена со парите на скопјани целосно се руинира. Вистинското прашање е чиви бизнис интереси стојат зад затворањето на езерото Треска?, се вели во соопштението на советничката група на ВМРО-ДПМНЕ на град Скопје. - Наместо црвена лента за возобновување езерото доби катанец. Ова е доказ за неспособноста и криминогеноста на градоначалникот Шилегов. Тој самиот ветуваше чуда и возобновување, сега сето тоа го заборави и тргна во заштита на бизнис интереси, велат тие. - Шилегов да не се правда дека градот нема надлежности, тоа требаше да го знае уште кога ветуваше на скопјани чуда од езерото. Сега се случува распаѓање на езерото за да тоа припадне на бизнис моќници на власта, посочуваат од советничката група.

Советничка група на ВМРО ДПМНЕ: Шилегов иако вети ревитализација на езерото Треска, три години потоа шајка нема заковано, останува срамен потсетник на неговата неспособност

Ивона Петрова — Mon, 11 May 2020 07:51:02 +0000

Градоначалникот Петре Шилегов вети дека ќе го врател сјајот на езерото Треска. Тоа е ветено во неговата програма за живот во Скопје на страница 28. Пред локалните избори Петре Шилегов вети и напиша "ревитализацијата на комплексот. „Треска“ е истовремено и социјална и културна мерка. Заради подобра достапност на Центарот „Треска“, ќе го интензивираме градскиот јавен превоз на градот." (затворен цитат) Три години потоа езерото Треска е руинирано, зафрлено, и без ниту една инвестиција за негово ревитализација. Срамен потсетник на тоа колку Шилегов е неспособен и лажлив градоначалник. Петре Шилегов единствено се грижи од депонијата „Дрисла“ тендери да земаат роднините на Рашкоски без притоа да инвестира во развојот на животот на Скопјани. Три години по ветувањето за ревитализација на Треска тоа е зафрлен споменик на најнеспособниот градоначалник на Скопје. Шилегов вети враќање на духот на Скопје, но тој го убива духот на градот. Езерото Треска не само што не е чепнато туку е и небезбедно за случајните посетители. Шилегов веднаш да превземе мерки и инцијатива за реализација на ветеното.

Опожарени две камп приколки и еден помошен објект на езерото Треска

Дарко Андоновски — Tue, 24 Apr 2018 13:31:30 +0000

Опожарени се две камп приколки и еден помошен објект на езерото Треска. Случајот бил пријавен во полиција изутрината околу 9 часот. Како што информира МВР, сопственик на едната приколка е С.З. (44) од Скопје, а на другата се уште не се знае сопственикот. Полицијата презема мерки за утврдување на причините за настанување на пожарот како и за висината на материјалната штета.

Уште едно големо лажно ветување на Шилегов: И по 6 месеци власт езерото „Треска“ наликува на големо мочуриште

Дарко Андоновски — Thu, 12 Apr 2018 18:39:49 +0000

Уште едно големо лажно ветување од страна на скопскиот татко Петре Шилегов овие денови излегува на површина. Станува збор за некогашното популарно рекреативно место езерото „Треска“ кое се повеќе наликува на некое напуштено мочуриште среде центарот на Скопје. Иако Шилегов уште во октомври минатата година ветуваше дека по преземање на мандатот веднаш ќе започнат активностите за уредување и на локалитетот Матка и за уредување на спортско- рекреативниот центар „Треска“ од тогаш па до денес сликата на езерото станува се по ужасна. -По преземањето на мандатот, веднаш ќе започнеме активности за уредување и на локалитетот Матка и за уредување на спортско- рекреативниот центар „Треска“, со цел да го направиме попристапен до граѓаните на Скопје, како би можеле ова непроценливо природно богатство да можат да го користат во текот на целата година, во едни нормални услови, во чиста средина, изјави кандидатот за градоначалник на Скопје од СДСМ, Петре Шилегов. Освен ова тој во изјавата наведува и дека во текот на мандатот ќе обезбеди и здрав воздух за граѓаните кои оваа зима се изнадишеа загаден воздух, а доказ се протестите пред Владата, родителите кои не ги пуштаа своите ученици на настава и полните клиники поради загадениот воздух.

Скопје не мрднува од листата на 10 најзагадени градови во светот

-Суштината на мојот мандат во текот на наредните четири години е да обезбедиме чиста и здрава вода за пиење, чист и здрав воздух за граѓаните на Град Скопје, затоа што се тие клучни за нашето здравје, клучни за нашиот живот. Граѓаните се сериозни во овие барања, во целост ја имаат разбрано опасноста“, рече Шилегов кој денеска беше на Матка на покана на хуманитарното еколошко друштво „Извор“. И по шест месеци откако е дојден на позицијата прв човек на Скопје Шилегов не се сетил да намине покрај езерото „Треска“ и да ја види оваа страшна глетка, погледнете: Фотографиите ги направи сајтот Екорепублика.мк