Езѓан Алиоски – Kurir.mk

Џани со освоен трофеј се приклучува на репрезентацијата!

Ристе Здравков — Mon, 12 Jun 2023 08:34:49 +0000

Репрезентативецот на Македонија, Езгјан Алиоски со Фенербахче го освои Купот на Турција и така ја заврши сезоната, па сега се приклучува на репрезентација во подготовките за двата натпревари во квалификациите за ЕП. Во вчерашното финале Фенербабхче славеше победа против Башакшехир, па Џани и друштвото го прославија освоениот пехар. Алиоски сега се става на располагање на селекторот Благоја Милевски за натпреварите со Украина во петок во Скопје и Англија на гости во понеделеник.

View this post on Instagram

A post shared by gjanni alioski (@gjanni.alioski)

Фенербахче не го пријави Алиоски за Лига Европа

Бошко Тасиќ — Sat, 04 Feb 2023 05:39:36 +0000

Тренерот на Фенербахче, Жорге Жесус не смета сериозно на Езгјан Алиоски, македонскиот фудбалер не е пријавен за елиминационите натпревари од Лига Европа. Во текот на јануари се шпекулираше дека Фенербахче сака да се ослободи од Алиоски, конкретна потврда за тоа стигна сега откако клубот не го пријави за пролетниот дел од Лига Европа. На местото од Алиоски е пријавен новиот лев бек на Фенербахче, Жајден Остерволд. Доколку македонскиот фудбалер остане во Фенербахче, ќе може да игра само во домашните натпревари во Турција.

Алиоски: Да веруваме во себе и да одиграме на високо ниво против Финска и Азербејџан

Ристе Здравков — Tue, 15 Nov 2022 14:36:44 +0000

Македонската А репрезентација ги продолжува подготовките за контролните натпревари против Финска и Азербејџан кој ќе се одиграат на 17 и 20 ноември на Националната арена „Тодор Проески“ во Скопје. Нашиот репрезентативец, Езѓан Алиоски смета дека иако натпреварите се пријателски ќе се обидеме да ги добиеме. Вели дека треба да веруваме во себе и да одиграме на високо ниво. – Почит за фудбалерите кои дојдоа да ги одиграат овие два натпревари, затоа што не е лесно после голем број клупски мечеви да се остане на топ ниво – вели Алиоски. Влезниците се продаваат по цена од 150. денари за северната трибина, 150. денари за јужна трибина (блокови 1, 2, 5 и 6) и 200. денари за централните блокови 3. и 4. од јужната трибина на Националната арена „Тодор Проески“. Сезонава 30-годишниот дефанзивец Алиоски настапува за Фенербахче (на позајмица од Ал Ахли, Саудиска Арабија) и моментно има девет настапи и еден гол во турската Суперлига.

Алиоски за престојните натпревари: Треба да веруваме во себе и да одиграме на високо ниво

Магдалена Андонова — Tue, 15 Nov 2022 13:15:11 +0000

Македонската фудбалска репрезентација ги продолжува подготовките за контролните натпревари против Финска и Азербејџан. Нашиот репрезентативец, Езѓан Алиоски смета дека иако натпреварите се пријателски ќе се обидеме да ги добиеме. – Треба да веруваме во себе и да одиграме на високо ниво. Почит за фудбалерите кои дојдоа да ги одиграат овие два натпревари, затоа што не е лесно после голем број клупски мечеви да се остане на топ ниво. Овие пријателски натпревари сакаме да ги добиеме, без разлика што не се за бодови. Важно е да нема повреди. Со добри резултати одиме напред. Без разлика на ранкингот, нема фаворити. Секогаш треба да сме на ниво, истакна Алиоски. Середбите ќе се одиграат на 17 и 20 ноември на Националната арена „Тодор Проески“ во Скопје. (МИА)

Алиоски: Не сме под притисок, победа над Грузија ќе ни донесе поголема мотивација

Бошко Тасиќ — Thu, 22 Sep 2022 16:42:42 +0000

Македонскиот фудбалски репрезентативец Езѓан Алиоски ги сподели очекувањата во пресрет на утрешниот меч во Лигата на нации. – Го исполнивме сонот овде, се пласиравме на Европско првенство, но тоа е веќе зад нас. Не е важно дали играме пред полни трибини или без публика, навивачите не се на теренот, за добар резултат треба да одиграме добар фудбал, а ние сме дојдени за да го покажеме нашиот квалитет. Поразот дома (0:3) навистина беше болен за нас и ќе се обидеме да победиме тука.Не е потребно јас како повозрасен да ги мотивирам помладите. Овој дрес е мотивација сам за себе. Победа ќе ни донесе уште подобра атмосфера. Не сме под притисок и мислиме само на тимот – изјави Алиоски на официјалната прес-конференција.

Алиоски се договорил со Трабзон

Ристе Здравков — Mon, 11 Jul 2022 14:14:28 +0000

Езгјан Алиоски кариерата ќе ја продолжи во редовите на Трабзон, тврдат турските медиуми. Минатата сезона македонскиот репрезентативец ја мина во Саудиска Арабија, во Ал Ахли. Како што пишуваат турските медиуми, Алиоски наскоро ќе го потпише договорот со актуелниот шампион на оваа земја. Алиоски во кариерата играл за Шафхаузен, Лугано и Лидс јунајтед.

ВИДЕО: Дуелот меѓу Алиоски и Жота кој стана хит на социјалните мрежи

Ивона Петрова — Wed, 30 Mar 2022 06:02:13 +0000

Репрезентациите на Португалија и Македонија во „Драгао“ вчера го одиграат финалниот натпревар од плеј-офот за пласман на Мундијалот во Катар. Португалија го славеше пласманот на Мундијалот по победата од 2:0, а социјалните мрежи како најинтересен го издвојуваат вербалниот дуел меѓу Езѓан Алиоски и Диого Жота. Асот на Ливерпул изреагира бурно и предизвика реакција кај Џани.

Apaixona-te por alguém que flerte todos os dias contigo como o Jota flerta com o Alioski 🥰 pic.twitter.com/HUK9ozv8hD
— Blessing Lumueno (@BlessingMSL) March 29, 2022

ФОТО: „50“ за Столе, Кире и Алиоски – момците запишаа јубилеен настап за репрезентацијата

Ивона Петрова — Tue, 12 Oct 2021 06:41:00 +0000

Македонскиот голман Столе Димитриевски пред почетокот на натпреварот со Германија доби дрес со бројот 50. Ова значи дека македонскиот голман, кој настапува и за Рајо Валекано по педесети пат ќе го брани голот на македонската репрезентација. Езѓан Алиоски и Кире Ристевски вчера исто така стигнаа до бројката од 50 натпревари во дресот на македонската фудбалска репрезентација, а притоа добија дрес со бројката 50.

Алиоски промовиран во ново засилување на Ал-Ахли

Дарко Андоновски — Fri, 06 Aug 2021 18:44:49 +0000

Саудискиот фудбалски прволигаш Ал-Ахли денеска официјално го промовираше македонскиот репрезентативец Езѓан Алиоски во свое ново засилување. Алиоски потпиша двегодишен договор со клубот од Џеда, откако му заврши четиригодишната соработка со Лидс, со кој избори и промоција во Премиер лигата. – Од истокот на Англија до западот на Кралството Саудиска Арабија. Алиоски е во Џеда, објави вечерва Ал-Ахли на својот Твитер профил. Ал – Ахли е петтиот клуб на Алиоски во кариерата, која 29-годишниот македонски репрезентативец ја почна во швајцарски Јанг Бојс. – Многу сум возбуден што започнувам ново патување со Ал – Ахли, изјави Алиоски по пристигнување во Џеда. Новата фудбалска сезона во Саудиска Арабија стартува идната недела, а Ал-Ахли во премиерното коло, на 13 август, е домаќин на екипата на Ал – Фајсали. Минатата сезона Ал-Ахли заврши осмопласиран во првенството на Саудиска Арабија.

Алиоски во нов клуб- Лидс со жалење се раздели од македонскиот репрезентативец (ВИДЕО)

Катерина Бојаџиева — Mon, 05 Jul 2021 16:41:32 +0000

Англискиот премиерлигаш Лидс денеска со жалење соопшти дека македонскиот фудбалски репрезентативец Езѓан Алиоски нема да биде дел од тимот во новата сезона. Алиоски заминува од Лидс по четиригодишен престој во клубот од Јоркшир за кој одигра 171 натпревари и постигна 22 голови. – Лидс може да потврди дека четиригодишниот договор на Џани Алиоски со клубот за жал заврши, соопшти попладнево англискиот прволигаш. Алиоски (29) дојде во Лидс во август 2017 година од швајцарската екипа Лугано и му помогна на тимот да се врати во Премиер лигата по пауза од 16 години.

👏 Always a champion! Thank you @ezgjanalioski! pic.twitter.com/nwS5iDwxX9
— Leeds United (@LUFC) July 5, 2021