ф’стаци – Kurir.mk

Јадете ф’стаци: Ги топат килограмите и го чуваат здравјето

Ивана Ефремовски — Fri, 12 Nov 2021 15:00:34 +0000

Истражувањата потврдија дека грицкањето ф’стаци може да влијае на тежината. Овие семки се исклучително богати со калиум, калциум, витамините Ц, А и Е, како и фолна киселина. Покрај тоа, содржат и микроелементи: железо, цинк, бакар, манган, селен и витамин Ц (пет милиграми). Треба да се истакне и фактот дека се исклучително калорични – 557 калории во само 100 грама, бидејќи се исклучително масни (44,4 милиграми масти), но се богати со јаглехидрати (27,97 милиграми). Благодарение на високата калориска вредност брзо ќе ве заситат, а притоа ќе го намалат и нивото на холестерол и ќе го заштитат вашето срце.

Ф’стаците и бадемите може да ја намалат анксиозноста

Тале Кристо — Wed, 26 May 2021 10:42:22 +0000

Анксиозните нарушувања се доста чести во светот денес. Статистиката вели дека околу 18 отсто од населението секоја година страда од анкзиозност. Но, иако тоа може да се лекува, помалку од 37 насто од луѓето не добиваат соодветен третман. Некои луѓе се противат на земање лекови – постојат многу причини зошто некој не би се чувствувал пријатно да зема антидепресив… Сепак, едно неодамнешно истражување покажа доста ветувачки резултати. Се работи за труд објавен во списанието „Сел рипортс медисин“ на Институтот за наука „Вајзман“ во Њујорк. Написот вели дека супстанцијата бета-ситостерол, којашто се наоѓа во некои растителни јадења, како што се авокадо, ф’стаци, бадеми (и други јаткасти плодови), масло од репка, па дури и во некои житни култури делува смирувачки. Во серија експерименти, истражувачите откриле дека бета-ситостеролот може да произведе смирувачки ефект кај глувци и сам по себе, но и во комбинација со антидепресивот „Прозак“. Занимливо е што заморчињата на коишто им била дадена само билната супстанција не доживеале никакви несакани ефекти што обично се поврзани со лекови против анксиозност, како што се зголемување на телесната тежина и замор. Сепак, ова не значи дека јадењето храна што е природно богата со бета-ситостерол автоматски ќе резултира во намалена анксиозност. Наодите од ова истражувања не посочуваат дека хербалната супстанција ќе им овозможи на луѓето со анксиозни нарушувања целосно да се откажат од лековите. „Еден од главните проблеми со постојните лекови против анксиозност е што произведуваат несакани ефекти, па ако бета-ситостеролот може да помогне во намалувањето на дозата на овие лекови, тоа може потенцијално да ги намали и несаканите ефекти“, објаснува д-р Николас Панајотис, еден од авторите на испитувањата. Тоа не значи и дека може да добиете доволно бета-ситостерол само од храната. Панајотис додава дека треба, на пр. да се јаде авокадо дење и ноќе за да се добие вистинската доза – а поверојатно е да добиете проблеми со варењето отколку да ја ублажите анксиозноста.

Неколку причини зошто треба да јадете ф’стаци

Ивана Ефремовски — Wed, 03 Jun 2020 12:30:02 +0000

Ф’стаците важат за најздрави намирници, токму затоа постојат неколку добри причини зошто треба почесто да ги јадете. Може да ги грицкате меѓу оброци, но исто така се одличен додаток во житарните и овошните каши за појадок, на пример. Содржат девет есенцијални аминокиселини кои нашиот организам не може сам да ги создаде, но неопходни се за витални процеси како што е на пример процесот за обновување на мускулите по тренинг или лачење хормони кои се неопходни за организмот да функционира како што треба. Една порција, 30 грама ф’стаци без лушпа, содржат 6 г протеини, количина која се наоѓа во едно покрупно јајце, на пример. 1. Помага во одржување на стабилно ниво на шеќер во крвта Дури и ако немате проблеми со шеќерот, подобро е да избегнувате ненадејни скокови и падови на глукозата во крвта. Одличен начин за тоа е консумирањето храна богата со влакна. Токму затоа една рака ф’стаци е одличен избор за ужина. Порција ф’стаци содржи 3 г здрави влакна. 2. Го намалуваат крвниот притисок Досегашните истражувања покажале дека месец дена редовно консумирање на ф’стаци секој ден го намалува горниот притисок. 3. Лесно ќе ве засити Порција ф’стаци има 160 калории. Иако спаѓа во јаткасти плодови со најмалку порции, благодарение на високата содржина протеини и влакна ќе ве засити доволно да не грицкате меѓу оброци. Богати се со антиоксиданси, имаат високо ниво на антоцијанин, моќен антиоксидант кој докажано го намалува ризикот од дијабетес, срцеви заболувања и дебелина.

Карамел коцки со ф’стаци

Ивона Петрова — Tue, 08 Jan 2019 11:59:23 +0000

Уживајте во овие карамел залачиња … Потребно е: за тестото: 200 г брашно 1/2 лажиче сода бикарбона 1/2 лажиче цимет 1 лажиче изрендана кора од лимон 1 јајце 80 г омекната свинска маст 80 г шеќер за карамелот: 190 г путер 1 лименка кондензирано млеко 110 г шеќер 90 г ф’стаци 140 г лешници Подготовка: – Прво подгответе го тестото. Во еден сад помешајте ги маста со шеќерот, па додадете го јајцето, циметот, кората од лимон и постепено додавајте го брашното помешано со сода бикарбоната. Замесете тесто. Оставете го да се одмори 15-тина минути во фрижидер. – Ставете го во тава (21х34 см) обложена со хартија за печење и распредете го рамномерно со дебелина од околу 1 см. Ставете го да се пече во загреана рерна на 180 целзиусови степени 20-25 минути. Оставете да се излади. – Во меѓувреме преминете на подготовка на карамелот. Кондензираното место помешајте го со шеќерот и путерот и ставете го да се вари 8 минути додека не се растопат шеќерот и путерот во него. Во врелото млеко додадете ги лешниците и ф’стаците. – Карамел кремот нанесете го рамномерно на тестото. Тавата ставете ја во фрижидер додека да се стегне убаво карамел кремот. – Извадете ја тавата од фрижидер и пресечете го колачот во облик на коцки или правоаголници.