Ф4 Будимпешта – Kurir.mk

Ѓер го освои третото место на женскиот ракометен Ф4 во Будимпешта

Бошко Тасиќ — Sun, 04 Jun 2023 15:29:27 +0000

Ракометарките на Ѓер го освоија третото место на Ф4 турнирот во женската Лигата на шампиони, откако во малото финале во крајно интересен натпревар славеа над данскиот Есбјерг со 28-27. Унгарките подобро го отворија натпреварот и на полувреме имаа предност од 16-9. Ѓер одлично стартуваше и во вториот дел и во 40. минута стигна до највисоки плус осум (18-10). По ова следеше голем пад на унгарскиот гигант, што го искористија Данките и на три минути до крајот стигнаа на само минус еден (27-26). Сепак, во еден неизвесен финиш Ѓер подобро се снајде за конечен триумф од 28-27. Ана Грос со шест гола беше најефикасна кај победникот, додека кај поразените со ист број погодоци заврши Вилде Мортенсен Ингстад.

Познати се учесниците на женскиот ракометен Ф4 во ЛШ

Бошко Тасиќ — Mon, 08 May 2023 03:59:05 +0000

Актуелниот европски шампион Вајперс Кристијансад ќе ја брани титулата во Лигата на шампионите во женска конкуренција, откако четврта сезона по ред обезбеди учество на Ф4 турнирот во Будимпешта. Вајперс Кристијансад за противник во четвртфиналето ја имаше екипата на Рапид Букурешт. Норвешкиот тим на првиот дуел триумфираше со 31:25, додека на вториот дуел забележа поубедлива победа од 40:31. Деби настап на завршницата ќе има екипата на Ференцварош, па така Унгарија ќе има два претставника во борбата за европската титула. Ференцварош иако загуби на првиот дуел од Мец со 32:26, сепак, на реваншот во Франција имаше повеќе среќа и со победа од 33:26 го завери билетот за Ф4 турнирот. Есбјерг во четвртфиналето со две победи (32:28, 33:31) го елиминираше Рапид Букурешт. Тимот од Данска во ланската сезона го имаше дебитанскиот настап на Ф4 турнирот и во натпреварот за трето место беше поразен од Мец. По 8-ми пат на Ф4 ќе учествува Ѓер откако лесно го мина Оденсе во четвртфиналето. Ѓер на натпреварите против Оденсе триумфираше со 29:27 и 37:28.

Сара Ристовска и нејзиниот ЦСКА Москва се елиминирани во полуфиналето во ЛШ

Бошко Тасиќ — Sat, 29 May 2021 18:22:42 +0000

Македонската ракометна репрезентативка Сара Ристовска и нејзиниот тим ЦСКА Москва не успеа да се пласираат во финалето на фајнл-фор турнирот на женската ракометна Лига на шампиони.

Рускиот тим скапо е поразен од Випер Кристијансанд и на крајот загуби со 33:30 и ќе може да се бори само за третото место сезонава.
Норвешки Кристијансанд го доби првиот дел со убедливи 18:12, па во второто полувреме не ја испушти оваа голема позитива, обезбедувајќи си место во утрешното финале во Будимпешта.
Ристовска постигнала 1 гол за ЦСКА од еден упатен удар, а во нејзиниот тим најефикасна била Ведекина с 7 голови. Во победничката екипа, Рајштад со 10 голови е најзаслужна за победата 33:30 на Кристијансанд.