Ф4 – Kurir.mk

Вардар на чекор до Ф4 во СЕХА лигата

Тале Кристо — Thu, 06 Apr 2023 18:19:42 +0000

Македонскиот првак Вардар 1961 е пред пласман на фајналфор турнирот во регионалната СЕХА лига, откако вечерва на домашен терен ја совлада Војводина со 38-25 и со убедлива предност ќе патува на четвртфиналниот реванш во Нови Сад. Вардар 1961 немаше проблеми да го совлада противникот кој допатува во Скопје со подмладен состав и веќе на полувреме обезбеди двоцифрена предност (22-11). Најефикасен во редовите на македонскиот состав беше Јан Чувура со десет голови, додека Куни Моралес постигна два помалку. Младиот Васил Гогов запиша 12 одбрани на голот на Вардар 1961. Пред пласман на завршниот Ф4 турнир во регионалната СЕХА лига се и ракометарите на битолски Еурофарм Пелистер, кои претходно оваа недела во првиот натпревар од четвртфиналето пред своите гледачи го совладаа Татран Прешов со 37-29.

Манасков и Веспрем против Келце на Ф4, Барселона налета на Кил

Бошко Тасиќ — Tue, 24 May 2022 11:19:40 +0000

Денеска во Виена беа извлечени полуфиналните двојки на завршниот турнир во Лигата на шампионите. Македонски претставници ќе бидат Дејан Манасков и Димитар Маневски со унгарскиот гигант Веспрем, кои ќе се соочат во полуфиналето со полскиот Келце. Веспрем досега четири пати стигннуваше до финалето, но ниту еднаш не успеа да го подигне шампионскиот пехар. Натпреварите од Ф4 во Лигата на шампионите ќе се играат на 18 и 19 јуни во „Ланксес Арена“ во Келн.

Белград од кошаркарскиот фајнл-фор заработил 30 милиони евра

Бошко Тасиќ — Sun, 22 May 2022 08:33:41 +0000

Белград за три дена од кошаркарскиот фајнлфор во Евролигата, заработил безмалку 30 милиони евра од посетата на скоро 20.000 странски навивачи. Ова го објави заменик градоначалникот на Белград, Горан Весиќ, кој истакнал дека престолнината добро финансиски профитирала од орагнизацијата на фајнлфорот. Ова беше втор Ф4 во Белград во Евролигата, после тој во 2018 година.

Василије Мициќ МВП на фајнлфорот во Белград

Бошко Тасиќ — Sat, 21 May 2022 19:13:19 +0000

Српската кошаркарска ѕвезда Василие Мициќ ја доби наградата за најкорисен кошаркар (МВП) на фајнлфорот во Евролигата во Белград, после победата на Анадолу Ефес против Реал Мадрид во финалето со 58-57 за втора титула по ред за турскиот клуб. Мициќ повторно блескаше и беше лидер и предводник на Ефес, постигна 24 поени, меѓу кои и неколку клучни тројки, па откако погоди за пласман во финалето со тројка во последната секунда во полуфиналната пресметка со Олимпијакос, сега повторно беше еден од клучните играчи и за новата титула.

Анадолу Ефес ја одбрани европската круна

Бошко Тасиќ — Sat, 21 May 2022 19:10:44 +0000

Анадолу Ефес ја одбрани европската круна и е старо-нов европски првак во кошарка откако во Белград во Евролигата, го победи против Реал Мадрид со 58-57. Триото на старо-новиот првак предводено од Василие Мициќ – Тибор Плајс – Шејн Ларкин ги даде безмалку сите поени за Ефес, поточно 52 од вкупно 58-те на мечот, а само Крис Сингелтон со четири и Брајант Данстон со два беа единствени други стрелци во тимот на шампионот. Мициќ заврши со 23 поени, Плајс даде 19, а Ларкин додаде 10, додека кај Реал само Валтер Таварес беше двоцифрен со 14 поени. Двата тима имаа ужасен шут за три поени, Ефес од само 25 отсто (6 од 24 шута), а Реал уште помизерен од 18 отсто (6 тројки од 33 шута).

Барселона го освои третото место во Евролигата

Бошко Тасиќ — Sat, 21 May 2022 18:49:05 +0000

Екипата на Барселона го победа Олимпијакос и го освои третото место за оваа сезона во Евролигата. Каталонскиот гигант во „малото финале“ славеше над гркиот претставик со 84-74 и со тоа колку толку ја залеши раната по болниот пораз од Реал Мадрид во полуфиналната рунда. Избраниците на Јасикевичиус добија три од четирите четвртини и заслужено дојдоа до триумф во дуелот во кој испишаа нова историја кога се во прашање фајналфор турнирите. Миротиќ со 19 поени беше прв стрелец кај победникот, поразените пак го имаа најрасположениот играч Везенков со 20 поени и 11 скокови.

Реал Мадрид ја елиминира Барселона на Ф4 во Белград

Бошко Тасиќ — Thu, 19 May 2022 21:14:27 +0000

Реал Мадрид ќе игра за рекордната 11-та европска круна против Ефес во Белград, откако во шпанско „Ел Класико“ со голем пресврт го победи вечниот ривал Барселона со 86:83. Барселона влезе во полуфиналето како фаворит,имаше 5:1 во победи сезонава против Реал, но прокоцка предност од 13 поени и загуби. Французите Козер и Јабуселе го предводеа Реал Мадрид со по 18 поени, додека Миротиќ со дабл-дабл од 26 поени и 12 скока на кои додаде и 5 асистенции беше прво име кај Барселона. За противник во големото финале Реал Мадрид ќе го има Ефес кој во првиот полуфинален натпревар славеше против Олимпијакос со тројката на Мициќ во последните секунди.

Веспрем прв се пласира на Ф4 во Келн

Бошко Тасиќ — Wed, 18 May 2022 18:51:22 +0000

Данскиот ракометен тим на Алборг славеше со 37-35 против Веспрем во реваншот од четвртфиналето во Лигата на шампиони (ЛШ), меѓутоа тоа не му беше доволно за место на Ф4-турнирот затоа што го загуби првиот меѓусебен дуел со 29-36. Веспрем во текот на целото прво полувреме ја имаше предноста на своја страна, а во момент таа изнесуваше 14-11, по што на паузата унгарскиот тим замина со 21-20. Алборг почна да се буди во завршницата на вториот дел и делуваше дека може до сензација, откако поведе со 34-31, меѓутоа Веспрем не дозволи изненадување и ја задржа негативата, по што запиша пораз од 35-37.

Македонскиот ракометар Дејан Манасков не постигна ниту еден гол, додека најдобри во неговата екипа беа Лауге и Мае со по шест гола.

Олимпијакос последен учесник на Ф4 во Евролигата

Тале Кристо — Thu, 05 May 2022 06:39:05 +0000

Екипата на Олимпијакос ја комплетира четворката која ќе игра на завршниот турнир во Евролигата во Белград. Грчкиот претставник синоќа во Атина ја доби мајсторката со Монако со 94:88 и со вкупни 3-2 во победи се пласира во полуфиналето. По завршувањето на натпреварот навивачите на Олимпијакос втрчаа на теренот и заедно со своите миленици ја прославија големата победа. Поради влегувањето на теренот и употреба на пиротехнички средства, Олимпијакос сигурно ќе биде казнет. Последен пат грчките „црвено-бели“ на „фајнал фор“ играа пред пет години. Противник на Олимпијакос во полуфиналето ќе биде Анадолу Ефес. Во другото полуфинале ќе се сретнат Реал Мадрид и Барселона.

Ф4 во Евролигата ќе се игра во Белград од 19 до 21 мај

Тале Кристо — Thu, 03 Mar 2022 12:37:43 +0000

Завршниот турнир од кошаркарската Евролига ќе се одржи во Белград од 19 до 21 мај. Раководството на Евролигата го пресели годинешниот Ф4 од Берлин во Белград. Одлучувачките натпревари во сезоната во Евролигата ќе се одиграат од 19 до 21 мај во „Штарк арената“. Настанот за прв пат ќе се одржи за од четврток до сабота. „Фајнл-форот“ првично требаше да се одржи од 27 до 29 мај во Берлин, но поради ситуацијата со КОВИД-19 и можните ограничувања, беше донесена одлука за преместување на турнирот.