фа – Kurir.mk

ФА отвори истрага за расизам

Бошко Тасиќ — Fri, 27 Oct 2023 04:00:41 +0000

Андре Онана беше еден од хероите на Манчестер Јунајтед во победата над ФК Копенхаген во Лигата на шампионите, победа која ја обезбеди, потврди со одбранет пенал во судиското продолжение. Овој триумф премногу им значеше на „црвените ѓаволи“, па младиот Алехандро Гарначо во обид да го истакне херојството на Камерунецот објави поста на социјалните мрежи со две горили, а со тоа си направи проблеми иако за кратко време истиот го избриша. ФА отвори истрага за ова, поточно е отворена истрага за расизам и лесно може да се случи тој да биде санкциониран. По ова се огласи Онана кој кој застана во одбрана на својот помлад колега. –Луѓето не можат да избираат од што јас треба да бидам навреден. Знам точно што мислеше Гарначо – моќ и сила. Оваа работа не смее да оди подалеку-порача голманот.

ФА го суспендираше Јирген Клоп

Бошко Тасиќ — Fri, 19 May 2023 04:42:13 +0000

Tренерот на фудбалерите на Ливерпл заработи суспензија од еден натпревар поради непримерно однесување и нема да го предводи тимот во претстојниот натпревар против Астон Вила во Премиер лигата. Клоп покрај суспензијата ќе мора да плати и казна од 75.000 фунти, а втората суспензија е условна казна до крајот на следната сезона, ако се повтори прекршокот. Германскиот стратег остро го критикуваше судијата Пол Тирни по победата против Тотенхем 4:3 во натпреварот одигран на 30-ти април. Независната комисија утврди дека изјавата на Клоп претставува недолично однесување со кое е доведен во прашање интагритетот на судиите.

ФА донесе одлука за судијата кој му удри лакт на Робертсон

Бошко Тасиќ — Fri, 14 Apr 2023 09:46:57 +0000

Премиерлигашкото дерби меѓу Ливерпул и Арсенал донесе отворен фудбал, многу возбудувања и реми од 2-2, но и воедно еден необичен момент во кој во фокусот беше линискиот судија Константин Хацидакис. Хацидакис имаше близок контакт со домашниот фудбалер Енди Робертсон, односно го удри со лакт на полувремето на „Енфилд Роуд“. Веднаш беше отворена истрага за овој инцидент, а истата заврши без никаква санкција за Хацидакис кој сега ќе може повторно да биде активен. Од ФА информираа дека ги разгледале сите докази, снимки и одлучено е да арбитарот да не биде казнет. „ЕСПН“ воедно информира дека Хацидакис стапил во контакт со Робертсон, му се извинил, а левиот бек тоа го прифатил без никакви проблеми.

Драконска казна за Александар Митровиќ од ФА

Бошко Тасиќ — Wed, 05 Apr 2023 04:38:04 +0000

Фудбалерот на Фулам, Александар Митровиќ доби суспензија од осум натпревари од независната регулаторна комисија поради неговото однесување кон судијата во поразот на Фулам од Манчестер Јунајтед во ФА купот на почетокот на овој месец. ФА сега ги потврди санкциите, откако Митровиќ веќе отслужи еден натпревар од казната, а ќе ги пропушти и следните седум натпревари на Фулам. Менаџерот на Фулам Марко Силва доби суспензија од два натпревари и дополнителна казна од 20.000 фунти покрај 20.000 фунти што веќе требаше да ги плати. Во соопштението на ФА објавено денеска се вели дека Силва признал дека употребил навредливи зборови, гестови и однесување кон судијата на натпреварот.

ФА парично го казни Клоп за дивеењето против Манчестер Сити

Бошко Тасиќ — Fri, 28 Oct 2022 05:13:24 +0000

Менаџерот на англискиот фудбалски вицешампион Ливерпул Јирген Клоп е казнет со 30.000 фунти поради конфликт со помошниот судија за време на дербито во Премиер лигата во кое неговиот тим пред единаесет дена го совлада Манчестер Сити со 1-0. Клоп беше отстранет од клупата по жестоките протести кон помошниот судија бидејќи сметаше дека неговиот напаѓач Мохамед Салах бил сопрен со прекршок кон крајот на натпреварот. „Менаџерот на Ливерпул прифати дека неговото однесување во 86. минута е неприфатливо“, соопшти Англиската фудбалска асоцијација (ФА). По натпреварот, Клоп се извини за своето однесување и рече дека требаше да се однесува поинаку.

ФА со дисциплинска постапка против Роналдо

Бошко Тасиќ — Sat, 24 Sep 2022 04:47:01 +0000

Фудбалерот на Манчестер Јунајтед Кристијано Роналдо е обвинет за „неправилно и насилно“ однесување од страна на англиската Фудбалска асоцијација (ФА) по инцидентот со аутистичното момче со телефонот по поразот од Евертон минатата сезона. По 1:0 поразот на 9 април, Роналдо беше лут на луѓето кои беа собрани околу тунелот, по што му го изби од рака телефонот на младото момче кое се обиде да го фотографира. Англиската полиција реши да му даде само предупредување на Португалецот, иако мајката на момчето најави дека ќе го тужи Роналдо. „Кристијано Роналдо е обвинет за прекршување на правилото Е3 за инцидентот кој се случи по мечот Евертон-Манчестер јунајтед на 9 април 2022. Однесувањето на фудбалерот по крајот на мечот е оценето како неправилно и/или насилно“, се вели во објавата на ФА.

Манчестер Сити му се извини на Ливерпул за срамните сцени на „Вембли“

Бошко Тасиќ — Sat, 16 Apr 2022 18:30:00 +0000

Манчестер Сити и Ливерпул понудија нов фудбалски празник за фудбалските фанови, натпревар на кој двата тима си поделија по едно полувреме, но кој на крајот заврши на страната на „црвените“ кои имаа неверојатни први 45 минути. Ливерпул постигна три гола во првиот дел и стигна до предност која се покажа како преголема и за силниот Манчестер Сити, кој иако постигна два гола во продолжение, сепак не можеше да се избори и за трет. Јирген Клоп ја доби денешната битка со Пеп Гвардиола и одново беа пријателски настроени, но така не беше меѓу навивачите, пред натпреварот и за време на истиот. Навивачите на Сити и Ливерпул имаа неколку тепачки пред „Вембли“, а пред првиот судиски свиреж, пристигна и една ужасна сцена која е срамна за фановите на клубот од Манчестер. Додека се оддаваше минута молк за жртвите од Хилсбороу трагедијата во која загинаа 97 навивачи на Ливерпул (вчера беше 33-годишнина), симпатизерите на Сити се прикажаа во ужасно светло со довикнувања и го навлекоа гневот. Манчестер Сити како клуб се дистанцираше од овие несовесни фанови и испрати извинување до Ливерпул. – Екстремно сме разочарани од акциите на одредени навивачи на Сити за време на минутата молк пред денешниот меч. Клубот искрено им се извинува на сите оние кои се било како поврзани со клубот Ливерпул, – изјави портпаролот на Сити.

Алиовски под истрага на ФА

Бошко Тасиќ — Sun, 16 May 2021 06:41:49 +0000

Mакедонскиот фудбалски репрезентативец и член на Лидс, Езџијан Алиоски се најде под истрага на англиската фудбалска асоцијација или ФА. Причина е гестикулацијата на Џани со плазење на јазикот на вчерашниот меч со Барнли кон противничкиот фудбалер Двајт Мекнил. Како што информира тренерот на Барнли, еден негов играч го пријавил случајот до службените лица на тој натпревар.Инаку пријавата е доставена до ФА која секако дека ќе покрене истрага за Алиоски. Од друга страна тренерот на Лидс, Марсело Биелса исто така посочи дека не ја видел целата ситуација.

Манчестер Јунајтед пред голема казна поради навивачите

Бошко Тасиќ — Tue, 04 May 2021 18:26:03 +0000

Навивачите на Манчестер Јунајтед предизвикаа хаос во пресрет на дербито со Ливерпул кое требаше да се одигра во неделата. Тие влегоа на тревникот на „Олд Трафорд“ и ја натераа Премиер лигата да го одложи натпреварот. Причина за нивните протести се газдите Глејзер, од кои бараат да го продадат клубот. Тимот на Оле Гунар Солскјер би можел сега да се соочи со одземање на бодови, пишуваат англиските медиуми. Лигата ќе направи истрага за причините околу случувањата и ќе бара одговорност од надлежните органи. Правилото вели дека секој клуб ќе остане без одреден број бодови, ако не успее да обезбеди безбедност за судиите, играчите и стручните штабови, на и надвор од стадионот. Покрај паричната казна и одземањето на бодови, ФА би можела да донесе одлука за затворање на теренот и суспензија од натпреварувања за клубот.

Ливерпул и Манчестер jунајтед сакаат да се укинат Лига Купот и Суперкупот на ФА

Тале Кристо — Sun, 11 Oct 2020 16:12:12 +0000

Најтрофејните англиски фудбалски клубови Ливерпул и Манчестер јунајтед иницираат реформи во Премиер лигата. И двата клуба имаат заеднички развиено предлози што подразбираат радикална иновација. Проектот го спроведе американската компанија „Фенвеј Спорт Груп“, сопственик на Ливерпул, со поддршка на Манчестер јунајтед. Според новите предлози, Лига купот и Суперкупот на ФА ќе бидат укинати. Понатаму се дискутираше дека Лига купот може да остане, но без учество на клубови во европско натпреварување. Меѓу другото, се предлага да се намали бројот на екипи во Премиер лигата од 20 на 18, како и да се променат некои аспекти поврзани со финансиите.