Руиз потпиша петгодишен договор со ПСЖ

Тале Кристо — Wed, 31 Aug 2022 19:01:28 +0000

Шпанскиот фудбалски репрезентативец Фабиан Руиз ги напушти редовите на Наполи и потпиша петгодишен договор со францускиот шампион ПСЖ. Според шпанските медиуми, вредноста на трансферот изнесува 21,5 милиони евра. Руиз за четири сезони во дресот на италијанскиот прволигаш од Неапол одигра 166 натпревари и постигна 22 голови. Шпанскиот 26-годишен фудбалер е петто засилување на ПСЖ во летниот преоден рок по Витиња, Ренато Санчез, Уго Етитике и Норди Мукиеле.

Руиз може да си оди од Наполи за 50 милиони евра

Магдалена Андонова — Fri, 25 Dec 2020 08:32:24 +0000

Наполи е подготвен да го продаде Фабиан Руиз, откако преговорите за нов договор влегоа во „ќорсокак“, јавија италијанските медиуми, додавајќи оти цената што клубот од Неапол ќе ја бара за Шпанецот е 50 милиони евра. Руиз има договор со Наполи до јуни 2023 година, а обидот на италијанскиот прволигаш за продолжување на соработката за уште две години, пропадна. Шпанскиот играч за врска дојде во Наполи од Бетис во 2018 година за 30 милиони евра, а италијанските медиуми наведуваат дека за неговите услуги се заинтересирани Реал Мадрид и Барселона. Сезонава. Руиз одигра 14 натпревари и постигна еден гол за Наполи, но во последните пет натпревари само еднаш беше во почетниот тим. (МИА)

фабиан руиз – Kurir.mk

Руиз потпиша петгодишен договор со ПСЖ

Руиз може да си оди од Наполи за 50 милиони евра