фабио канаваро – Kurir.mk

Фабио Канаваро доби отказ во Серија Б

Бошко Тасиќ — Mon, 06 Feb 2023 05:27:54 +0000

Серија Б оваа сезона се најде во центарот на вниманието, бидејќи неколку фудбалски легенди се на клупите на клубовите, а еден од нив доби отказ. Беневенто одлучи да ја прекине соработката со Фабио Канаваро, некогаш најдобриот фудбалер на светот. Во 23. коло Беневенто на домашен терен беше поразен од Венеција со резултат 1-2. Овој пораз го спушти Беневенто на претпоследната 19-та позиција со 23 освоени бода, а тимот освои само еден од можните петнаесет бода на последните пет натпревари. Беневенто беше прв европски тренерски ангажман за Канаварно, кој претходно својата кариера ја градеше како асистент во Ал-Ахли, а потоа самостојно ги водеше Гунагжу, Ал-Наср, Тијанџин Куанијан и кинеската репрезентација.

Канаваро се враќа во Италија

Бошко Тасиќ — Tue, 20 Sep 2022 18:17:37 +0000

Поранешниот италијански фудбалер Фабио Канаваро веќе почна да работи како тренер, а за првпат во кариерата ќе предводи тим од Италија. Легендарниот фудбалер е пред трансфер на тренерското кормило на Беневенто од Серија Б. Преговорите меѓу двете страни се во завршна фаза и наскоро се очекува тој и официјално да биде промовиран во нов тренер на Беневенто. Италијанецот досега беше менаџер на клубови од Саудиска Арабија и Кина, па ова за него ќе биде прв предизвик во Европа.

Манчни ќе си поднесе оставка, Канаваро ќе биде новиот селектор

Ристе Здравков — Fri, 25 Mar 2022 13:45:12 +0000

„На знам дали и понатаму ќе бидам селектор. Тешко ми е, ова е најтешкиот момент во мојот живот, не можам сега да размислувам за иднната“, изјави разочарано Роберто Манчини, по елиминацијата на Италија во баражот за пласман на Светското првенство во Катар. Манчини, со Фудбалската федерација на Италија, има договор до 2026 година. Италијанската јавност очекува дека Манчини ќе поднесе оставка во вторник, по натпреварот со Турција. Медиумите пишуваат дека Сојузот нема да му врачи отказ, туку дека тој ќе си поднесе оставка. Ден по поразот од Македонија во Палермо (0:1), медиумите пишуваат дека новиот италијански селектор ќе биде Фабио Канаваро. Доколку се случи тоа, според овие извори легендарниот Марчело Липи ќе стане директор на националниот тим и ќе му помага на Канаваро. Со Липи на клупата и Канаваро на теренот, Италија во 2006 година стана светски првак. Тренерската кариера Канаваро ја започна во Кина, во еден период беше и селектор на репрезентацијата на оваа земја. Канаваро, во септември минатата година, си поднесе оставка и замина од Гуангжу.

Фабио Канаваро станува селектор на Полска

Бошко Тасиќ — Sun, 09 Jan 2022 08:22:29 +0000

Поранешниот италијански фудбалски репрезентативец Фабио Канаваро е фаворит за селекторската функција во Полска. 48-годишниот специјалист имаше средба во Краков со претседателот на полската федерација Цезари Кулеша каде двајцата си подадоа рака и се очекува Канаваро да потпише двегодишен договор со оваа федерација. Канаваро до неодамна го водеше кинескиот Гуангжу Евергранде со кој стана шампион во 2019 година

Канаваро: Италија не треба да се плаши од репрезентација како што е Македонија

Ристе Здравков — Sun, 28 Nov 2021 10:04:23 +0000

Поранешниот репрезентативец на Италија, Фабио Канаваро реши да ја прокоментира позицијата во која се најде Италија во битката за пласман на СП. Италија ќе игра со Македонија во полуфиналниот бараж, што за многумина е непредвлива задача за фаворитот. „Верувам дека нема од што да се плашиме, нормално секој противник заслужува почит. Но, Италија не треба да се плаши од репрезентација како што е Македонија, ако нашите момци одиграат како на Европското Првенство, воопшто нема да имаат проблем за пласман во финалето од баражот.“ – изјави Канаваро.

Канаваро даде прогноза за тоа кој ќе биде нов тренер на Барселона

Ристе Здравков — Wed, 06 Oct 2021 12:16:22 +0000

Барселона игра доста тешко, непрепознатливо во оваа сезона, резултатите се далеку од посакуваното, па под голем притисок е тренерот Роналд Куман. Холанѓанецот во неколку наврати се спасува од отказ, меѓутоа се чини само прашање е кога тоа ќе се случи или поточно му е дадена уште една шанса од претседателот Жоан Лапорта и неговите соработници, да се вратат повредените играчи и да покаже дали со нив може да ја промени моменталната ситуација. Во меѓувреме се споменуваат неколку имиња како потенцијални наследници на Куман, а во таа група се Чави Ернандез, Андреа Пирло, Роберто Мартинез, Марсело Галјардо… Некои демантираа дека ќе дојдат на „Камп Ноу“, меѓутоа засега се останува отворено, па на оваа тема својот став го искажа легендарниот италијански дефанзивец Фабио Канаваро. -Без Меси, сe е потешко. Тренерот ќе биде од фундаментално значање. Читав за Пирло, но мислам дека ќе му се јават на Чави. На нив им треба некој што ги знае вредностите на клубот, -вели Фабио кој има интересен став за стилот на игра. -Ова е еволуција на играта. Училиштето што јас го нарекувам Гвардиола кое подоцна беше искористено од репрезентацијата, во основа го промени стилот на фудбалот, но сега играта е многу побрза. Полесно е да се најде дечко кој има 1,90 и кој е физички силен, отколку талент како Меси, Чави, Иниеста. Тие беа единствени. Сега, за да се изгради тим, полесно е да се бараат силни, брзи играчи и клубови мораа да го преминат патот за да ги најдат. Ова е друг стил на фудбал, -дополни Италијанецот.