Фабио Карваљо – Kurir.mk

Карваљо ја откажал Португалија преку СМС, Англичаните сакаат да го „грабнат“

Ристе Здравков — Tue, 15 Nov 2022 18:17:59 +0000

Младиот напаѓач на Ливерпул, Фабио Карваљо одлучил веќе да не ја претставува Португалија во У-21 репрезентацијата, јавувајќи им го тоа со СМС порака, по што англиските медиуми тврдат дека може да се договори во иднина да ја претставува Англија. 20-годишниот Карваљо е роден во Торес Ведрас, Португалија, но од својата 11-та годин живее во Англиј и ја претставуваше оваа репрзентација во У-16, У-17 и У-18 репрезентации, пред оваа година да го има првиот настап за У-21 репрезентацијата на Португалија. „Фабио Карваљо ја информираше Португалската фудбалска федерација преку СМС порака, дека веќе не планира да настапува за У-21 репрезентацијата. Оваа информација ја добивме пред подготовките за мечевите со Чешка и Јапонија“, се вели во соопштението на португалската федерација. Карваљо има 4 настапи за Португалија У-21 и два гола. Тој, пак, има 11 настапи за Ливерпул оваа сезона по трансферот од Фулам.

Ливерпул го претстави Карваљо

Бошко Тасиќ — Sun, 03 Jul 2022 13:34:41 +0000

Ливерпул официјално го претстави едно од своите нови засилувања, Фабио Карваљо. „Црвените“ уште на 23 мај објавија дека постигнале договор со Фулам за трансфер на 19-годишниот играч од средниот ред. Младинскиот репрезентативец на Португалија на „Енфилд Роуд“ ќе настапува со дресот со број „28“. Карваљо од утре ќе почне да тренира со тимот на Јирген Клоп. Тој е едно од трите нови засилувања за Ливерпул ова лето, заедно со Дарвин Нуњез и со Калвин Ремзи. „Чувството да се биде во еден од најголемите клубови во светот, ако не и најголемиот, е неверојатно. Среќен сум што сум тука и едвај чекам да започнам. Кога ќе слушнете дека Ливерпул е заинтересиран за вас, има само една мисла во вашиот ум – да се приклучите на тимот. Се надевам дека може да постигнеме големи работи. Веќе разговарав со сите, вклучувајќи го и менаџерот и се чувствувам многу природно“, изјави Португалецот. Карваљо одигра клучна улога во промоцијата на Фулам во Премиерлигата.

Фабио Карваљо мета на големите фудбалски гиганти

Бошко Тасиќ — Sat, 05 Feb 2022 10:05:55 +0000

Менаџерот на Ливерпул, Јирген Клоп верува дека во летниот преоден рок ќе успее да го донесе 19 годишниот играч на Фулам на „Енфилд“. Фабио Карваљо беше на чекор до трансфер во Ливерпул пред три дена но трансферот не се реализираше. За овој играч заинтересирани се Реал Мадрид, Барселона, Севиља, Борусија Дортмунд и Милан.