Фабио Квартараро – Kurir.mk

Мото ГП: Бањаја во последната трка го симна од тронот Квартараро

Бошко Тасиќ — Sun, 06 Nov 2022 16:07:19 +0000

Возачот на Дукати, Франческо Бањаја е нов шампион во Мото ГП класата, а до титулата дојде во последната трка во сезоната која се возеше во Валенсија. Бањаја е втор возач кој со Дукати станал шампион во Кралската класа по Кејси Стонер во 2007 година и е прв Италијанец кој со овој тим ја освоил титулата по пауза од 50 години. На Бањаја кој трката ја стартуваше од осмата позиција, за титулата доволно му беше извози сигурно и да заврши меѓу првите 14 мотоциклисти за да ја задржи предноста на табелата пред сега веќе поранешниот шампион, Фабио Квартараро од Јамаха. Италијанецот ја исполни целта, трката ја заврши на деветтото место, додека Квартараро беше четврти. На трката во Валенсија славеше возачот на Сузуки, Алекс Ринс, пред Бред Биндер и Хорхе Мартин кој ја имаше пол-позицијата. Бањаја со титулата дојде со одлично возење во вториот дел од сезоната, кога успеа да победи на четири трки по ред и тоа во Холандија, Велика Британија, Австрија и Сан Марино, и тоа се покажа како клучно бидејќи на надомести негативата од 91 поен во однос на Квартараро. Славеше и на уште една трка, а само еднаш беше втор и два пати беше третопласиран.

Фабио Квартараро останува во Јамаха

Тале Кристо — Fri, 03 Jun 2022 14:58:24 +0000

Актуелниот светски првак во мотоциклизам во класата МотоГП, Французинот фабио Квартараро, го продолжи договорот со јамаха до 2024 година, објави синиќа јапонската екипа. Кварарао дојде лани во јамаха на местото на легендарниот Италијанец Валентино Роси и во својата прва сезона ја освои шампионската титула. Французинот води и во оваа сезона, и по осум трки има 122 бодови, осум повеќе од Шпанецот Алеикс Еспаргара (Асприља). – Навистина сум среќен што можам пред сите вас да најавам дека ќе останам со јамаха уште две години. Јамаха веруваше во мене од самиот почеток и тоа е нешто што многу ми значи, изјави 23-годишниот француски мотоциклист.

Квартараро во Јамаха најмалку уште две години

Бошко Тасиќ — Sun, 01 May 2022 07:48:29 +0000

Актуелниот светски првак во најсилната класа, Фабио Квартараро, ќе остана уште најмалку две години во Јамаха, потврди првиот човек на овој тим, Лин Џарвис. Тој во едно интрвју открил дека двете страни постигнале договор и дека тоа прествува само еден дел од моизаикот во амбициозниот проект што го има Јамаха. „Никој не може да гарантира добри резултати во наредната сезона. Никој не знае на кое ниво можеме да достигнеме. Но, веќе работиме на одредени работи во текот на сезоната и напредокот е видлив. Фабио нема да потпише договор врз основа на овогодинешниот пакет. Тоа ќе го направи бидејќи има доверба во нашиот пакет за 2023 и 2024 година“, изјави Џарвис. Иако ниту тој, ниту Јамаха не се истакнаа оваа сезона, Квартараро го дели првото место во генералниот пласман заедно со Алекс Ринс од Сузуки. Џарвис е свесен дека се можело да биде подобро.

Прв триумф сезонава на актуелниот шампион Квардараро

Бошко Тасиќ — Sun, 24 Apr 2022 17:58:24 +0000

ктуелниот светски првак Фабио Квартараро ја оствари првата победа сезонава во Мото ГП шампионатот. Французинот на доминантен начин уште од стартот па се до крајот ја извозе трката на патеката во Алгарве, каде се возеше португалското Гранд-при. Место на подиумот обезбедија и неговиотѕ сонародник Јоан Зарко од тимот на „Прамак Дукати“ и возачот на „Априлија“, Алеиш Еспаргаро. Со овој триумф Квартараро го презеде лидерското место во Генералниот пласман со 69 бода, исто колку што има и Ринс, а три повеќе од Еспаргаро односно осум од Бастианини кој е четврти. Веќе следниот викенд на програмата е трката број шест, а ќе се вози на патеката во Херез за Големата награда на Шпанија.

Фабио Квартареро е нов светски шампион во МОТО ГП

Бошко Тасиќ — Sun, 24 Oct 2021 18:20:48 +0000

Фабио Квартараро е нов светски шампион во Мото ГП. Мотоциклистот на Јамаха математички ја обезбеди титулата на две трки до крајот. Тој воедно испиша и историја, бидејќи стана првиот француски шампион. Квартараро денеска возеше фантастично на трката за Големата награда на Емилија Ромања во на патеката во Мизано и од 15-тото стартно место финишираше како четврти, што беше доволно да биде недостижен во генералниот пласман. Неговиот најголем ривал Франческо Бањаја водеше во најголем дел од трката, но на пет круга до крајот излета од патеката. На денешната трка триумфираше Марк Маркез, пред Пол Еспаргаро, додека трет беше Енеа Бастијанини.Квартараро на врвот во генералниот пласман сега има 267 бодови, 65 повеќе од Бањаја. Последните две трки во сезоната се возат во Португалија на Алгарве и во Шпанија во Валенсија.

Нова победа на Квартараро

Бошко Тасиќ — Sun, 29 Aug 2021 14:18:27 +0000

12-тата трка сезонава се возеше и во Мото ГП шампионатот. Најбрз на патеката Силверстон на каде на програмата беше британското Гранд-при беше Французинот, Фабиот Квартараро.

До својата петта овосезонска победа возачот на Јамаха стигна пред Шпанците, Ринс и Еспаргаро од тимовите на Сузуки и Априлиа.

Квартараро кој е лидер во генералниот пласман сега ја зголеми предноста во однос на конкурентите.

Францизинот сега има 206 бодови дури 65 повеќе од второ рагнираниот сега Жоан Мир кој ги потисна Зарко и Бањаја на третото и четвртото место. Следната трка на програмата е на 12 септември во Шпанија.

Фабио Квартараро победи на трката за ГН на Холандија

Бошко Тасиќ — Sun, 27 Jun 2021 12:54:23 +0000

Францускиот мотоциклиста Фабио Квартараро имаше одлична трка за ГН на Холандија и го освои првото место, четврто за него оваа сезона во МОТО ГП шампионат. Квартараро тргна од второто место, а во средина на трката ја презеде лидерската позиција и ниту еднаш не ја испушти откако им избега за пет секунди на конкурентите. Второто место му припадна на Маверик Вињалес додека Жоан Мир го комплетира подиумот и заврши како трет. Еден од најдобрите МотоГП возачи, Валентино Роси, падна со својата Јамаха и не ја заврши трката на една од омилените патеки. Следната трка во МотоГП шампионатот е по летната пауза, на осми август, а возачите ќе се борат за титулата на ГН на Штаерска, Австрија.

Фабио Квартараро победник на МОТО ГП трката во Италија

Бошко Тасиќ — Sun, 30 May 2021 21:13:50 +0000

Овој викенд се извозе најлудата трка сезонава во Мото ГП. Љубителите на мотоспортот кои присуствуваа на трката за Големата награда на Италија можеа да видат се. До победата дојде Фабио Квартараро од КТМ, кој го искористи излетувањето на Бањаја, лидер во тие моменти и до крајот остана на првата позиција. За Квартараро ова е шестта победа во Мото ГП во кариерата и трета оваа сезона. Втор низ целта мина Португалецот Мигел Оливеира, а место на подиумот имаше и за Шпанецот Жоан Мир. На крајот сепак имаше смена на позициите, поради казна за Оливеира, кој со двете трката излезе надвор од патеката, па Мир заврши втор, а Оливерира трет. Надвор излетаа и Марк Маркес и Алекс Ринс, а Морбидели сепак успеа да се врати на патеката и да ја заврши трката.

Фабио Квартараро со најдобро време во квалификациите

Бошко Тасиќ — Sat, 01 May 2021 16:49:42 +0000

Фабио Квартараро имаше најдобро време во денешните квалификации за утрешната трка за Големата награда на Шпанија во рамки на МОТО ГП шампионатот.

Мотоциклистот на Монстер Јамаха стана првиот во историјата со четири пол-позиции по ред на патеката во Херез. За актуелниот лидер во генералниот пласман ова беше втора пол-позиција сезонава и финишираше пред Франко Морбидели од Петронас Јамаха и возачот на фабричкиот Дукати, Џек Милер.

Фабио Квартараро е победник на денешната Мото ГП трка во Португалија

Бошко Тасиќ — Sun, 18 Apr 2021 15:30:13 +0000

Фабио Квартараро е победник на денешната Мото ГП трка возена во Португалија. За возачот на Јамаха ова беше втора победа во оваа првенство. Францускиот мотоциклист со денешниот одличен настап дојде до шеста победа во кариерата, а на својот тим му го донесе третиот триумф оваа сезона од исто толку трки. На денешната трката беше одбележано и враќањето во шампионатот на Марк Маркез по тешката повреда која ја заработи во минатата сезона. Го немаше во трките од јуни минатата година. Тој на крајот го освои седмото место во Португалија. Зад Квартараро денеска се најдоа Бањаја од Дукати, додека Жоан Мир од Сузуки е трет во трката. На денешната трка бодови освоија и Морбидели, Биндер, Еспаргаро, Маркез (двајцата браќа), Бастијанини и Накагами.