фабио паратичи – Kurir.mk

Паратичи: Одлучивме за Сари уште пред елиминацијата во Лигата на шампионите

Дарко Андоновски — Sun, 09 Aug 2020 12:53:22 +0000

Спортскиот директор на Јувентус, Фабио Паратичи откри дека раководството на клубот одлучило да го отпушти Маурицио Сари од тренерската позиција пред тимот да биде исфрлен од Лигата на шампионите. Како што е познато, Сари беше отпуштен вчера, а легендата на „бјанконерите“ Андреа Пирло го зазеде местото. – Што се однесува до Сари, ги донесовме сите заклучоци и донесовме одлука пред натпреварот со Лион. Еден меч не ја решава судбината на тренерот. Ние ја оценивме целата сезона, а не еден натпревар. Одлуката за ангажирање на Пирло беше многу природна. Тоа е во стилот на Јувентус. Веруваме дека тој е предодреден да стане одличен тренер. Уверени сме дека тој ќе стане исто толку успешен тренер колку што беше и како играч. Андреа мислеше како тренер кога тој самиот излегуваше на теренот. Нè убеди неговата визија за играта, рече Паратичи за „Фудбал Италија“, кој и самиот е поврзан со отпуштање од италијанските медиуми.

Шеф на Јувентус: Кој може да не направи посилни? Можеби Меси!

Ристе Здравков — Tue, 12 Feb 2019 15:20:16 +0000

Спортскиот директор на Јувентус, Фабио Паратичи прокоментира дали трансферот на Кристијано Роналдо го одвел клубот во минус и кој друг фудбалер би можел да го засили италијанскиот гигант. – Минатата година ние знаевме дека ги губиме Буфон и Игуаин. Јас му реков на нашиот претседател Ањели дека постојат два начина да го мотивираме тимот: да го купиме Кристијано Роналдо или Икарди и да предизвикаме една неверојатна бура. Потпишувањето со Кристијано е договор, кој на економско ниво веќе се исплати, изјави Паратичи пред „Газета дело Спорт“. Во однос на тоа кој фудбалер сега може да го направи посилен тимот од Торино, Паратичи со интересен одговор. – Тешко е да се каже. Можеби Меси. Дури и за Нејмар имам сомнежи,смета шефот. Тој ја прокоментира и иднината на тренерот Масимилиано Алегри. – Алегри е еден од петте најдобри тренери во светот. Тој е многу умен човек. Се разбира дека останува, додаде Италијанецот.

Јувентус призна за интересот кон Ремзи

Дарко Андоновски — Wed, 02 Jan 2019 13:13:11 +0000

Спортскиот директор на Јувентус, Фабио Паратичи зборуваше пред „Скај Спорт Италија“ за гласините за привлекувањето на Арон Ремзи од Арсенал. Тој изрази надеж и дека актуелната сезона ќе биде барем толку успешна, како и во последните 6-7 години. – Нашиот приоритет е Лигата на шампионите. Ова стана наша цел и ние се чувствуваме доволно конкурентни за да сме главни претенденти, сигурно повеќе од последните години. Со Кристијано Роналдо сфативме уште повеќе колку сме добри, иако имавме одличен состав пред тоа и секогаш се претставуваме добро во Лигата на Шампионите, изјави Паратичи. Во однос на Ремзи тој изјави дека е одличен играч и дека сакаат да го привлечат на „Алијанц“ стадионот. – Неговиот договор истекува, и ние секогаш сме подготвени за ситуациите што ги нуди пазарот. Значи, ние исто така гледаме кон Ремзи. Повторувам, засега тој е играч на Арсенал и ние не сме единствениот тим кој го сака Велшанецот, вели Паратичи. За тренерот Масимилиано Алегри, кој во последниве недели се поврзуваше со позицијата во Манчестер Јунајтед спортскиот директор на „старата дама“ смета дека тој е најдобар можен тренер за тимот од Торино и мисли дека Јувентус е вистинското место за него.

Новиот спортски директор по стапките на Марота: Четири големи ѕвезди бесплатно пристигнуваат во Јувентус

Матеја Петровски — Wed, 10 Oct 2018 13:30:16 +0000

Џузепе Бепе Марота за две недели официјално ќе ја напушти функцијата извршен директор на Јувентус, а негов наследник веќе скоро сигурно ќе биде неговата досегашна десна рака, Фабио Паратичи. Марота е познат по бесплатното доведување на големи имиња во торинскиот клуб. Андреа Пирло, Пол Погба, Сами Кедира, Емре Џан се само некои од имињата. Паратичи планира да продолжи таму каде што застана Марота, а во редовите на Јувентус според пишувањето на весникот Кориере ди Торино, планира бесплатно да се засили со уште неколку звучни имиња. На листата на Паратичи се Адриен Рабио, Анхел Ди Марија, Ентони Марсијал и Матео Дармијан. Претставникот на Јувентус наводно веќе ги направил првите чекори кон доведување на овие играчи.