фајнал фор – Kurir.mk

Барселона избори учество на „Фајнал фор“ во Евролигата

Тале Кристо — Wed, 04 May 2022 06:31:35 +0000

Кошаркарите на Барселона се пласира помеѓу четирите најдобри во Евролигата, откако синоќа во петтиот дуел од четвртфиналната пресметка со Баерн победија со 81:72. Гостите од Минхен беа подобар противник во првото полувреме и на пауза отидоа со шест поени предност (37:31). Сепак, во вториот дел не успеаја да го спречат Николас Лапровитолакој во третата четвртина постигна 13 од неговите рекордни во кариерата 26 поени. Каталонците ја преземаа контролата на резултатот и до крајот не му дозволија на противникот да се врати во водство. Покрај Лапровитола, голема заслуга за победата има и Никола Миротиќ кој постигна 20 поени. Отело Хантер со 18 поени беше најефикасниот играч на Баерн. Втора сезона по ред Баерн е елиминиран во четвртфиналето во натпреварот број 5. Противник на Барселона во полуфиналето на Ф4 турнирот во Евролигата кој ќе се игра во Белград ќе биде Реал Мадрид. Во другото полуфинале ќе се соочат Анадолу Ефес и поуспешниот од пресметката Олимпијакос – Монако (2:2 по четири натпревари во серијата прв до три победи).

Мициќ прогласен за МВП на „Фајнал фор“ во Евролигата

Тале Кристо — Mon, 31 May 2021 06:23:10 +0000

Кошаркарот на Анадолу Ефес, Василије Мициќ е прогласен за најкорисен играч (МВП) на „Фајнл фор“ турнирот во Евролигата. Во финалето на елитното натпреварување, синоќа во Келн, турски Анадолу Ефес ја победи шпанска Барселона со 86:81 и за прв пат во својата историја стана европски шампион. Српскиот играч постигна 25 поени (6 од 10 од поле), направи 5 асистенции, 3 скока и 3 украдени топки. Мициќ имаше забележителен настап и во полуфиналето во петокот против ЦСКА Москва. Тој средбата ја заврши со 25 поени, 6 асистенции и 3 скока.

Евролигата не планира да го откаже Ф4

Дарко Андоновски — Tue, 10 Mar 2020 15:24:07 +0000

Евролигата планира да го одржи „Фајнал фор“ турнирот според планот, според кошаркарската организација, која ги собира водечките тимови во Европа. Турнирот треба да се одржи од 22 до 24 мај во германскиот град Келн. Во моментов има 1,139 случаи на болни од акутната респираторна инфекција во Германија, но тоа не им пречи на одговорните фактори во лигата скоро 10 недели пред клучните дуели. – Со податоците што ги имаме на располагање, не можеме да обезбедиме повеќе ажурирани информации за Ф4. Настанот нема да се промени и ќе остане во Келн од 22 до 24 мај, објави Евролигата.

Реал избори учество во „фајнал фор“ во Евролигата

Дарко Андоновски — Wed, 24 Apr 2019 06:06:31 +0000

Кошаркарите на Реал Мадрид се првите полуфиналисти во Евролигата, откако синоќа во Атина го победија Панатинаикос со 89:82. За „кралскиот клуб“ ова беше третата победа и без загубен меч ја доби серијата од четвртфиналната фаза. Руди Фернандез и Факондо Кампачо постигнаа по 16 поени во победничкиот тим, додека Ник Калатес со 17 поени беше најефикасен во домашниот состав. И на вториот вчерашен дуел славеа гостите. Фенербахче со 66:57 го совлада Жалгирис и поведе со 2-1 во победи. Вечерва играат: Басконија – ЦСКА Москва и Барселона – Анадолу Ефес. На овие две пресметки резултатот е изедначен 1:1.