фајненшал тајмс – Kurir.mk

Македонија со пад од 15 места во инвестициите според индексот на „Financial Тimes“

Дарко Андоновски — Thu, 15 Aug 2019 14:41:45 +0000

„Фајненшл тајмс“ во својот специјализиран сервис го објави индексот за успешност на Гринфилд инвестициите ФДИ за 2019. Според ранг листите за странски директни инвестиции Македонија бележи огромен пад за само 2 години во делот на инвестиции во ТИРЗ зоните но и надвор од нив. За илустрација во 2016 година бевме на високото 3-то место за само 2 годни подоцна да доживееме пад од 15 места и сега сме на 18-то место. Странски инвестиции во Македонија нема, она што се прикажува како инвестиции од странски фирми е реинвестираната добивка на претпријатијата кои дојдоа во времето кога ВМРО ДПМНЕ беше на власт. Оттука се поставува прашањето каде се тие милијарди евра странски инвестиции кои СДСМ, Зоран Заев и директорот на ТИРЗ Александар Младеновски ни ги ветуваат 3 години?

„Фајненшал тајмс“ со важни прогнози за 2019-та година

Ивана Ефремовски — Tue, 22 Jan 2019 09:47:49 +0000

Дел од предвидувања на Фајненшал тајмс за 2019 година. Во 2018 година осум од нивните 20 анализи беа погрешни.

Дали ќе биде запрен брегзит? ДА. Во пет до 12 велика Британија ќе се одлободи од тој акт на самоповредуавње.Брегзит значи брегзит, рече Меј во 2016 година, но по две години горчливи аргументи дури и партијата на премиерката не моиже да се разбере што значи тоа во пракса. Дали Џереми Корбин ќе биде нов премиер на Велика Британија? НЕ. И покрај тоа што опозицијата го подобри јавниот имиџа, тој не успева да го натфрли нивото на Лабуристичката партија. И да има избори во 2019 година, далеку од сигурно е дека Корбин ќе ги добие. Ќе се врати ли Макрон на своите реформистички политики по протестите на Жолтите елеци? ДА. Францускиот претсеател веќе нема избор. Да се откаже од тоа значи да се откаже од политичко постоење. Ќе имаат ли популистите големи победи на изборите за ЕП? ДА. Тие избори се идеална можност за големи победи на популистите и националистите. Според анкети, имиграцијата е најважниото прашаање за граѓаните во многу држави од ЕУ. Ќе се обидат ли демократите да го обвинат Трамп? ДА. Истрагата на Малер ќе дојде до исклучителен заклучок во почетокот на 2019 година со цел „потоп“ од обвиненија против американскиот претседател. Ќе продолжи ли примирјето меѓу Трамп и Си Џинпинг? НЕ. Тоа ќе се случи поради т.н. „политика на искривување на трговијата“ на Кина. САД веруваат дека Кина треба да почне со обнова на својот модел на државно-интервенционистички развој во следните три месеци како резултат на договорот меѓу Трамп и Си. Ќе има ли нова финансиска криза? НЕ. Ако под финансиска криза се подразбира криза во која политичарите треба да спасуваат или обезвреднат повеќе од една голема финансиска институција истовремено. Ќе биде ли барел нафта под 60 долари до крајот на годината? ДА. (МИА)

Иванка Трамп и Ники Хејли меѓу кандидатите од САД за нов шеф на Светска банка, тврди „Фајненшал тајмс“

Ивона Петрова — Sat, 12 Jan 2019 08:06:30 +0000

Иванка Трамп, ќерка на американскиот претседател Доналд Трамп и поранешната амбасадорка на САД во ОН, Ники Нејли се меѓу кандидатите за функцијата претседател на Светска банка, објави Фајненшал тајмс. Весникот не прецизира извор за информацијата. На 1 февруари актуелниот претседател на Светска банка си заминува од функцијата, а времен шеф е Кристалина Георгиева. Таа не може да биде претседател на СБ бидејќи по правило претседател на таа банка е од САД. Банката ќе прекине со разгледување кандидатури во средината на февруари, а изборот на нов претседател ќе биде во средината на април. МИА

Ладен туш од Фајненшал Тајмс: Димитров ќе ги задржи доматите до следната година

Даниел Василев — Wed, 27 Jun 2018 09:15:36 +0000

Фајненшал Тајмс во неделниот бриф за случувањата во Еврозоната пишува за последните случувања околу датумот за отпочнување на пристапните преговори на Македонија со ЕУ и оти тие ќе бидат поместени за следната година, наместо годинава, како што ветуваше премиерот Зоран Заев. Весникот пишува дека македонскиот министер за надворешни работи, Никола Димитров ќе треба да си ги задржи доматите до следната година, откако вети дека на сите оние кои ќе ја поддржат земјава ќе им испрати домати. -Преговорите на Македонија околу членството во Европската унија беа одложени за 12 месеци во компромисен одраз на скептицизмот за проширувањето од Франција и Холандија. Владите на ЕУ ветија на ова прашање ќе му се посветат во јуни 2019. година - по изборите во Европскиот парламент. Македонскиот министер за надворешни работи - кој вети домати во замена за напредок - ќе мора да ги задржи уште малку, пишува Фајненшал Тајмс.

„Фајненшал Тајмс“: ЕУ размислува да отвори мигрантски центри надвор од својата територија

Дарко Андоновски — Wed, 20 Jun 2018 07:19:23 +0000

Лидерите на ЕУ разгледуваат планови за испраќање на мигрантите пресретанати во Средоземното Море во мигранстки центри надвор од територијата на Унијата, што укажува на промена на европскиот пристап кон прашањето за миграцијата, оценува лондонски „Фајненшал Тајмс“. Според весникот, овие центри би биле користени за раздвојување на економските мигранти од лицата на кои им е потребна меѓународни заштита, бидејќи доаѓаат од конфликтни зони. Предлогот за отворање на ваквите мигрантски центри надвор од територијата на ЕУ ќе биде разгледуван на претстојниот самит на шефовите на држави или влади на Унијата, тврди „Фајненшал Тајмс“, повикувајќи се на предлог-текстот за завршниот документ од средбата. Весникот оценува дека ваквиот предлог доаѓа во време на зголемени тензии во Европа околу прашањето за миграцијата, откако минатата недела новиот италијански министер за внатрешни работи Матео Салвини одби да му дозволил влез во Италија на брод што превезуваше на 600 мигранти претходно спасени во водите на Средоземното Море во близина на бреговите на Либија. Во исто време, германската канцеларка Ангела Меркел се соочува со криза во нејзината владина коалиција поради несогласувањата околку мигрантската политика. Меркел се соочува со незадоволства на најмалиот партнер во германската Влада, баварската Христијанско социјална унија (ЦСУ), која и даде рок од 10 дена за постигнување европски договор за ограничување на миграцијата, за кои членките на ЕУ не успеваат да се договрат веќе со години. Сепак, според лондонскиот весник, предлогот за отворање на мигрантски центри надвор од територијата на Унијата може да наиде на правни пречки, бидејќи европската регулатива забранува префрлање на лица во земји кои се сметаат за небезбедни. Останува неизвесно и што ќе се случува со мигрантите чии барања за азил ќе бидат одбиени во некоја од земјите членки на ЕУ, бидејќи постои опасност таквите мигрантски центри да бидат пренатрупани со луѓе, кои ниту ќе можат да влезата во Унијата, ниту пак да се вратат во своите матични држави, заклучува „Фајненшал Тајмс“.