фајнл фор – Kurir.mk

Вулин открива шок детали за многубројните дојави за бомби

Ивона Петрова — Sun, 22 May 2022 12:48:10 +0000

Министерот за внатрешни работи на Србија Александар Вулин изјави дека не е можно да се запрат дојавите за поставени бомбите, но дека „превентивно се дејствува 24 часа на ден со испраќање полициски екипи во раните утрински часови на најважните места како што се трговските центри“, како и да дојавите за бомби пристигнувале секој ден на одигрувањето на Фајнл-форот во Белград, јави дописникот на МИА од Белград. -Само Северна Кореја може ефективно да го запре ова, да ги исклучи телефоните и интернетот, ние кои сме на мрежата не можеме, изјави Вулин за ТВ Прва, истакнувајќи дека дојавите се многубројни. Како што рече, полицијата оди на секое место каде што ја викаат, „но ова е како корона, мора да се научиме да живееме со неа“. -Ние на повик доаѓаме да провериме што се случува. Имавме дојави за бомби секој ден на одигрувањето на Фајнл-форот и ако ги послушавме дојавите, тој немаше да се одржи. Превентивно ги распоредивме нашите единици и се погриживме да го намалиме ризикот на минимум. Тогаш управата на Фајнл-форот рече – тоа за нас е доволно, сметаме дека тоа е лажна дојава, нека се одигра“, изјави Вулин. Тој наведе дека законот е таков што „шефот за безбедноста може да каже дека салата треба да се испразни или не, а полицијата е само сервис“. Според него, тоа е „форма на психолошка војна, модерен тероризам“.

Барселона и Олимпијакос на победа до Ф4 во Белград

Бошко Тасиќ — Wed, 27 Apr 2022 21:50:07 +0000

Кошаркарите на Барселона во третиот меч од четвртфиналето во плејофот на Евролигата триумфираа со 75-66 против Баерн Минхен и дојдоа на чекор до пласман на Ф4-турнирот во Белград. Баерн во петок ќе биде домаќин и на четвртиот меч, а победникот од овој дуел во полуфиналето ќе се соочи против Реал Мадрид, кој во три меча го реши Макаби Тел Авив.

Најдобар во победничкиот тим беше Миротиќ со 25 поени, шест скокови и исто толку асистенции, додека Лучиќ на спротивната страна постигна 17 поени, шест скокови и две асистенции. На вториот меч Олимпијакос славеше со 87-83 и поведе со 2-1 во серијата.

Евролига: Келн целосно подготвен да биде домаќин на Фајнл Фор

Тале Кристо — Wed, 19 May 2021 13:27:17 +0000

Раководството на кошаркарската Евролигата објави дека германскиот град Келн е целосно подготвен за организација на „Фајнл-фор“ турнирот. – Келн е целосно подготвен за Ф4. Поради потребата да се усогласат со посебниот протокол за здравје и безбедност, екипите ќе пристигнат во вторник – еден ден порано од вообичаеното, соопшти прес-службата на Евролигата. Фајнл-фор турнирот во Евролигата ќе се одржи од 28 до 30 мај во арената „Ланксес“ во Келн. На 28 мај во полуфиналето ЦСКА Москва во полуфиналето ќе се сретне со турскиот Анадолу Ефес, додека Барселона ќе игра против Милан. Победниците на 30 мај ќе играат за насловот европски шампион, истиот ден, поразените екипи ќе се натпреваруваат за третото место.

Фајнл-фор турнирот во кошаркаската Евролига ќе се игра пред навивачи

Бошко Тасиќ — Thu, 04 Mar 2021 18:13:58 +0000

Првиот човек на кошаркарската Евролига,Жорди Бартомеу изјави дека се надева дека ограничен број на гледачи ќе може да присуствуваат на завршниот турнир на оваа натпреварување кое ќе се одржи кон крајот на мај месец во Келн. – Веруваме дека одреден број на гледачи ќе може да присуствуваат во салата. Се обидуваме да откриеме како да го надоместиме тоа што ова ќе биде сосема поинаков фајнал фор во споредба со претходните 16,17. Наредните неколку недели ќе се обидеме да пронајдеме начон како да го организираме овој фајнал фор и да им го приближиме на навивачите – изјави Бартомеу. Завршниот турнир во Евролигата ќе се одржи од 28. до 30. мај во Келн, Германија.

Девет месеци играчите не земале плата, а ќе играат на фајнл фор

Дарко Андоновски — Sun, 05 May 2019 20:04:16 +0000

Вардар загуби на гостувањето кај ПИК Сегед со 29-25, но и покрај тоа успеа третпат по ред да обезбеди место на завршниот турнир во Келн! Иако домашниот тим ја имаше предноста која му гарантираше пласман на Ф4, сепак вардарци се изборија за пораз од четири голови. Тренерот Роберто Парондо вели дека е многу горд на неговите играчи. -Како да не бидам горд на момци, кои девет месеци не земале плата, кога цела сезона се редеа повреда врз повреда, загубивме светски лев бек поради финансиски проблеми. Друг лев бек тешко се повреди, едниот голман ни брани повреден, вели Парондо. Турнирот во Келн ќе се игра на 1 и 2 јуни.

Монпелје е новиот ракометен шампион на Европа

Даниел Василев — Sun, 27 May 2018 18:43:40 +0000

Екипата на Монпелје е нов европски ракометен шампион, откако во финалето го победи Нант со 32:26 (16:13). Францускиот тим на патот до трофејот ги елиминираше Барселона, Фленсбург, ланскиот шампион Вардар и Нант и сосема заслужено се радуваа на успехoт. Монпелје ја освојува европската титула првпат по 2003 година. Нашиот Кире Лазаров беше најефикасен во Нант со шест постигнати голови, но сепак не успеа да го доведе својот тим до ново изненадување и да стигне до својата втора европска круна во кариерата. За него ова беше четврто финале во Лигата на шампионите и трет пораз. Со денешните погодоци, капитенот на Mакедонија сега има вкупно 65 на Ф4 турнирите, со што е убедливо прв на таа листа. Во победничкиот тим Симонет реализира шест пати и беше прогласен за МВП на Ф4, додека Жерар запиша 11 одбрани на голот. МИА

Стоилов се огласи по поразот од ПСЖ

Даниел Василев — Sun, 27 May 2018 16:29:13 +0000

Капитенот на Вардар, Стојанче Стоилов по поразот во мечот за бронзата против ПСЖ на Ф4 турнирот во Келн, му честиташе на противникот и призна дека одиграл подобро во завршницата на натпреварот. „Црвено-црните“ загубија на двете средби на сличен начин како што лани триумфираа, во последните моменти. Во најголем дел од средбата, вардарци имаа водство, но откако Французите поведоа со 24:23 до крајот ја имаа иницијативата и го задржаа водството. - Таков е споротот, некогаш победуваш некогаш губиш. Ние сега загубивме на сличен начин како што лани победивме. Игравме добро сега, имавме и водство во најголем дел од натпреварот, но ПСЖ во завршницата беше подобар. Им честитам, изјави Стоилов на прес-конференцијата по натпреварот. МИА

Вардар поразен од ПСЖ

Даниел Василев — Sun, 27 May 2018 16:27:18 +0000

Ракометарите на Вардар го загубија мечот за третото место на Ф4 турнирот во Келн против ПСЖ со 29-28 (14-15). „Црвено-црните“ беа подобриот тим и имаа водство во поголем дел од дуелот, одиграа подобро од вчера против Монпелје, но сепак потклекнаа на крајот и го завршија турнирот со два порази за два дена. Лука Циндриќ беше најефикасен кај Вардар со седум гола, Македа постигна шест, а Страхиња Милиќ имаше девет интервенции. Прв стрелец на мечот беше Недим Ремили од ПСЖ со девет гола. Новиот европски шампион ќе биде познат по финалето меѓу Нант - Монпелје, кое е со почеток од 18 часот. МИА

Moќна порака од Германија: Името не го даваме и во Келн (ФОТО)

Даниел Василев — Sat, 26 May 2018 14:36:36 +0000

На трибините во „Ланксес арена“ има голем број навивачи на Вардар, кои се дојдени и од цела Германија и од соседните земји. Има многу транспаренти со поддршка, но еден секако е во центарот на вниманието, а тој се однесува за актуелната ситуација во која се наоѓа Македонија на политички план, пишува порталот 24ракомет. „Едно име, една нација. МАКЕДОНИЈА!“ Тоа е транспарентот со кој се дава до знаење дека Македонците се насекаде низ светот и се во одбрана на името. Најдобрите амбасадори на Македонија секако ќе бидат и на теренот и од 18 часот ќе бидат во битка за нов пласман во финалето што ќе значи дека Македонија останува високо на ракометната карта на клупска Европа.

Вардарки против Ростов во полуфиналето на ЛШ

Даниел Василев — Tue, 17 Apr 2018 17:07:52 +0000

Екипата на ЖРК Вардар во полуфиналето од Лигата на шампионите ќе игра со екипата на Ростов Дон, кој е дебитант на завршниците во најквалитетното европско клупско натпреварување. Во другото полуфинале ќе се сретнат актуелниот ампион Ѓер и ЧСМ Букурешт. „Црвено-црните“ со Ростов Дон имаат одиграно само еден натпревар и тоа во битката за трофејот на меѓународниот турнир чиј домаќин беше Вардар. Русинките победија со 33:26. Завршниот Ф4 турнир ќе се игра во арената „Ласло Пап“ во Будимпешта, на 12-ти и 13-ти мај. Термините за саботните полуфиналиња се 15:15 и 18:.00 часот, но дополнително ќе биде одредено кој меч кога ќе се игра. „Фајнал-фор“ на ракометната Лига на шампиони, полуфинале: Ростов Дон - ЖРК Вардар ЧСМ Букурешт - Ѓер. МИА