Факундо Кампацо – Kurir.mk

Факундо Кампацо се врати во Реал Мадрид

Бошко Тасиќ — Wed, 19 Jul 2023 04:17:25 +0000

Три години откако си замина од клубот и се пресели во НБА, аргентинскиот репрезентативец Факундо Кампацо се врати во Реал Мадрид. Денеска, тој официјално е претставен како нов играч/повратник во редовите на актуелниот европски шампион како најзвучно засилување во досегашниот дел од летниот преоден рок. Тој беше член на Реал од 2014 до 2020 година со тоа што две сезони помина на позајмица во Мурсија и во тој период освои 11 трофеи: две во Евролигата, три во АЦБ, два во Копа дел Реј и четири во шпанскиот Суперкуп. По враќањето во Европа, тој го облече дресот на Црвена Звезда чиј член беше минатата сезона, но во Евролигата одигра само девет натпревари поради суспензијата што ја доби белградскиот клуб. Просечно постигнуваше по 8,8 поени, 5,3 асистенции и 2,3 скока во елитното натпреварување. Интересно е тоа што Кампацо е прво засилување за Реал ова лето, а доаѓа откако клубот ги продолжи договорите со ветераните Руди Фернандес и Серхио Родригес, како и со Габриел Дек. Од Реал досега си заминаа Најџел Вилијамс Гос, Адам Ханга, Ентони Рендолф и Петр Корнели.

ОФИЦИЈАЛНО: Кампацо се врати во Реал Мадрид!

Ристе Здравков — Tue, 18 Jul 2023 13:42:32 +0000

Факундо Кампацо и официјално се врати во Реал Мадрид и потпиша четиригодишен договор. По одличната полусезона во дресот на Црвена Звезда, Аргентинецот реши да се врати во редовите на актуелниот освојувач на Евролигата. Кампацо играше за Реал од 2014 до 2020 година и учествуваше во освојување на 11 трофеи, од кои две во Евролигата во 2015 и 2018 година. По заминувањето од Реал во 2020 година, тој играше две години во НБА, прво за Денвер, а потоа многу кратко за Далас. Во декември минатата година тој потпиша за Звезда и му се приклучи на сонародникот Лука Вилдоза. Го освои Купот на Србија, Суперлигата, но загуби од Партизан во финалната серија од АБА-лигата, а не успеа да му помогне на тимот да стигне до фајјнал-ејт во Евролигата.

Факундо Кампацо не е повеќе кошаркар на Црвена Звезда

Бошко Тасиќ — Thu, 13 Jul 2023 20:00:55 +0000

Аргентинскиот кошаркар Факундо Кампацо, не е повеќе дел од Црвена Звезда. Кошарскиот клуб од Белград ја објави разделбата, после само неколку месеци. Кампацо имаше опција да продолжи со белградските „црвено-бели“ на уште една сезона, меѓутоа се одлучи да не ја активира таа опција. „Кошаркарот на Црвена Звезда и репрезентативецот на Аргентина, Факундо Кампацо не е повеќе играч на нашиот клуб“, објави српскиот тим на социјалните мрежи.

Факундо Камапцо се враќа во Реал Мадрид

Бошко Тасиќ — Sat, 03 Jun 2023 06:15:32 +0000

Факундо Кампацо ќе ја заврши сезонава во дресот на Црвена Звезда, но аргентинскиот репрезентативец наредниот месец ќе го напушти АБА-лигашот и кариерата ќе ја продолжи во дресот на Реал Мадрид. „Кралевите“ веќе извесно време го следат својот поранешен ас, а според последните информации испратена е и официјална понуда што Кампацо веќе ја прифатил. Реал ќе му го прости на Аргентинецот долгот што го има кон клубот кога ја активираше клаузулата за преселба во НБА (Кампацо тогаш не ја исплати целата сума што требаше според договорот со Реал), воедно нудејќи му дополнителни девет милиони евра бруто за тригодишен договор. Со оглед на даночните закони во Шпанија, половина од парите ќе одат на име данок, но Кампацо сепак ќе има плата од 1,5 милиони евра по сезона, доволна сума за да прифати камбек назад во Мадрид.

ПАО со милионска понуда за Кампацо

Бошко Тасиќ — Wed, 26 Apr 2023 05:04:38 +0000

Грчкиот кошаркарски гигант Панатинаикос продолжува со создавањето конкурентен тим за следната сезона. Откако беше објавено дека турскиот тренер Ергин Атаман ќе го преземе тимот наредната сезона сега доаѓа и информацијата дека ПАО му нуди богат договор на аргентинскиот кошаркар Факундо Кампацо. Кошаркарот во моменетот е во Црвена Звезда, но многу е веројатно дека наскоро ќе замине од Белград, а како најсериозни кандидати за неговиот потпис се наведуваат Панатинаикос и Реал Мадрид. Според грчките медиуми, ПАО му нуди одлична плата на Аргентинецот и сака да го привлече во Атина каде би бил еден од главните играчи во тимот. Грчкиот гигант наводно му понудил на Кампацо тригодишен договор со плата од 2,5 милиони евра по сезона, што значи дека заедно со додадните бонуси, оваа сума може да ја надмине границата од осум милиони евра.

Факундо Кампацо од наредната сезона во дресот на Реал Мадрид

Бошко Тасиќ — Sun, 23 Apr 2023 15:01:04 +0000

Факундо Кампацо експресно ќе ја заврши авантурата во Црвена Звезда, откако аргентинскиот плејмејкер донел одлука каде ќе настапува наредната сезона. Одличниот кошаркар дојде како големо засилување во декември, потпишувајќи договор до крајот на сезонава, со опција за уште една дополнителна година. На маса имаше неколку понуди, но според шпанските медиуми, тој веќе ја избрал онаа на Реал Мадрид, прифаќајќи ја понудата за договор на почетни две години. Според истите извори, трансферот бил договорен пред гостувањето на Црвена Звезда во Барселона во Евролигата, а Кампацо веќе ги известил и челниците на „црвено-белите“ за својата одлука „Кралевите“ ќе му дадат на Кампацо плата од 1,6 милиони евра по сезона, а згора на тоа ќе му биде отпишан долгот од 2,6 милиони евра што Аргентинецот го има кон Реал кога реши да ја искористи клаузулата за заминување во НБА-лигата, останувајќи му должен на шпанскиот гигант.

Кампацо: Останувам во Црвена ѕвезда

Тале Кристо — Tue, 10 Jan 2023 17:43:56 +0000

Плејмејкерот на Црвена ѕвезда, Факундо Кампацо, кој привремено не може да игра во Евролигата, го појасни својот став по ова прашање. – Останувам во Црвена звезда! Останувам со клубот, со моите соиграчи, со нашите навивачи и со овој град. Заедно ќе одиме на нови победи. Напред, Црвена ѕвезда! – напиша Кампацо на социјалните мрежи. Финансиската комисија на Евролигата изрече санкции на белградскиот тим поради сериозно прекршување на правилата за финансиска стабилност и фер-плеј. На Црвена ѕвезда и е забрането да регистрира нови играчи и тренери до 28 февруари, па Аргентинецот до март нема право да игра во Евролигата, туку настапува само во регионалната АБА-лига.

Црвена Звезда тргна по Кампацо

Бошко Тасиќ — Wed, 07 Dec 2022 06:05:10 +0000

Екипата на Црвена Звезда сака да активира трансфер-бомба и сериозно е заинтересирана во својот тим да го донесе Факундо Кампацо. 31-годишниот аргентински плејмејкер си заминува од НБА-лигата, а Црвена Звезда тргна по него. Му нуди плата од 1,8 милиони евра до крајот на сезоната, за да го облече „црвено-белиот“ дрес. Плус, белграѓани се подготвени да платат и дел од сумата која Реал ќе ја добие затоа што Кампацо порано од предвиденото си оди од НБА. Се работи за 2,6 милиони евра.

Земјотрес во кошаркарска Европа – Кампацо слободен

Бошко Тасиќ — Mon, 28 Nov 2022 21:56:54 +0000

Факундо Кампацо по неуспешната приказна во Денвер се одлучи да остане во НБА лигата каде доби шанса во Далас. Таму се соедини со Лука Дончиќ со кој заедно настапуваа во дресот на Реал Мадрид, но 31-годишниот повторно не ги исполни очекувања и ќе се врати во Европа. Тоа отвара можност за негово враќање во Европа каде со успех настапуваше за Реал Мадрид, повторно во дресот на шпанскиот „крал“ или пак во Олимпија Милано која има повредени играчи.

Кампацо потпиша за Далас

Ивона Петрова — Thu, 13 Oct 2022 06:43:56 +0000

Аргентинскиот кошаркар Факундо Кампацо (178 см, 31 година) се согласил да потпише договор со Далас маверикс, информира „Марка“. Триесет и едногодишниот Кампацо ги помина претходните две сезони со Денвер нагетс. Минатата сезона тој имаше просек од 5,1 поен и 3,4 асистенции за 18,1 минута поминати по натпревар. Кампацо имаше понуди да се врати во Евролигата, каде Реал Мадрид и Фенербахче сакаа да го видат во своите редови. Сепак, Аргентинецот избра да потпише едногодишен договор вреден два милиони долари. Кампацо добро го познава лидерот на Далас Лука Дончиќ со кого заедно играа во Реал Мадрид.