фаланга – Kurir.mk

СРАМНО: Инцидент, конфликт и меѓу „Фалангата“ на трибините…, редарите изнесуваа навивачи (ВИДЕО)

Ристе Здравков — Tue, 17 Jan 2023 18:16:02 +0000

Срамната игра на македонските ракометари на терен во дуелот со Аргентина во 3. коло од групната фаза на СП 2023 во Краков, дополнето и со срамно однесување на дел од „Фалангата“. На полувремето од натпреварот меѓу Македонија и Аргентина конфликт и меѓу дел од македонските навивачи на трибините. Две групи се судрија на трибините, најпрво со вербална пресметка а потоа со обид и за физичка пресметка, за да на крај реагираат организаторите па на крај редарите замолуваа дел од навивачите кои се впуштија во конфликт да ја напуштат „Таурон арената“… извор: ekipa.mk

Свирежи за македонските ракометари и од „Фалангата“

Ристе Здравков — Tue, 17 Jan 2023 17:48:44 +0000

Македонската ракометна репрезентација е пред убедлив пораз од Аргентина во последниот натпревар од првата фаза на Мундијалот во Послка и Шведска. На полувремето Македонија губи 11:18, едноставно немавме решение за аргентинскиот напад, скоро ништо не одигравме во одбрана и епилогот е висока негатива по првите 30 минути. Конкурентни бевме само во почетните минути, а потоа дојдоа проблемите во нападот, правевме и многу технички грешки, па Аргентина полека се „одлепуваше“. Филип Талески постигна три гола, по два постигнаа Манасков и Кузмановски, а по еден Георгиевски, Ѓоргиев, Коста Петров и Пешевски. Ќе потсетиме, Македонија мора да победи ако сака пласман во следната фаза. Незадоволството од лошата игра на нашта репрезентација беше видливо и кај Македонците на трибините кои во финишот од првите 30 минути испратија силни свирежи.

ВИДЕО: Популарната „Јовано Јованке“ одекна по улиците на Краков!

Ристе Здравков — Sun, 15 Jan 2023 13:54:27 +0000

Ракометна Македонија го очекува вториот натпревар на репрезентацијата предводена од Кирил Лазаров на Светското првенство. Ако во првиот меч се знаеше дека Норвежаните се апсолутен фаворит, во вториот Холандија е во стартна предност, ама не е непобедлива. Средбата од првата рунда во „Таурон Арената“ во Краков мина во знакот на црвено-жолтата боја. Норвешка можеби доминираше на теренот, ама „фалангата“ доминираше на трибините. Слично се очекува да биде и во дуелот против „лалињата“, а македонските навивачи од рано наутро се подготвуваат за натпреварот. По улиците на полскиот град ечат песни од навивачите од Македонија, а заедно со хармоникаш кој свири во Краков одекна и популарната „Јовано Јованке“. Атмосферата никогаш не била проблем, каде и да отиде македонската „фаланга“ прави забава и привлекува внимание, па така е и годинава во Краков. Македонија ќе брка изненадување против Холандија во натпревар кој се игра во 18:00 часот. извор : gol.mk

„Фалангата“ бројна како некогаш, Македонија добива екстра поддршка против Холандија

Ристе Здравков — Sun, 15 Jan 2023 08:57:40 +0000

Како во најдобрите денови македонската ракометна репрезентација ќе има поддршка од голем број фанови на денешниот дуел против Холандија. Имено, се најавуваат скоро 2.000 луѓе во сегментот каде што се наоѓаат македонските фанови, на првото ниво во „Таурон Арена“. Голем број наши навивачи од овој дел на Европа го користат викендот и ќе ја бодрат селекцијата водена од Кире Лазаров на првите два натпревари од групата Ф. Холанѓаните се единствени кои се малку побројни од просекот на двете групи во Краков, но се пак далеку помалку од „Фалангата“, а и воопшто не се бучни и не навиваат како македонските ракометни навивачи. Овој натпревар е прв меѓусебен на Македонија и Холандија на големите натпреварувања, а од голема важност е исходот и конечниот скор. Евентуална победа може да значи пласман во главната групна фаза во Катовице, која почнува следниот четврток. Во вториот натпревар од второто коло во нашата група Ф, Аргентина се соочува со фаворитот Норвешка. извор: gol.mk

Организаторот призна: Македонците направија фантастична атмосфера! (ФОТО)

Ристе Здравков — Sat, 14 Jan 2023 08:26:54 +0000

Официјалниот полски профил на Светското првенство, се заљуби во македонските фанови кои синоќа креираа убава атмосфера во „Таурон Арената“. Македонските ракометари доживеаа висок пораз од Норвешка, но македонските фанови креираа одлична атмосфера која ги импресионираше организаторите. На официјалниот полски твитер профил за Светското првенство, организаторот на двапати ја истакна фантастичната атмосфера која ја креираше Фалангата.

Fantastyczna atmosfera w @TAURONArenaKrk 😍 Do przerwy Norwegia 🇳🇴 prowadzi z Macedonią Północną 🇲🇰 18:11.@krakow_pl @malopolskaPL #sticktogether pic.twitter.com/BTLkj1lZE9
— Mistrzostwa Świata 2023 Polska | Szwecja (@handball2023) January 13, 2023

Norwegowie pokonują Macedonię Północną 39:27. Na trybunach kibice stworzyli fantastyczną atmosferę 🤩 Dziękujemy, że byliście z nami 🫶@krakow_pl @malopolskaPL @TAURONArenaKrk #sticktogether pic.twitter.com/SrpMgQR5is
— Mistrzostwa Świata 2023 Polska | Szwecja (@handball2023) January 13, 2023

Курир директно од Краков ви ја пренесува атмосферата во фан зоната на „ФАЛАНГАТА“ (ФОТО+ВИДЕО)

Ристе Здравков — Fri, 13 Jan 2023 15:04:19 +0000

Екипата на Курир која има свој новинар во Краков, Полска, каде денес нашата репрезентација ќе го одигра првиот натпревар на светското првенство против селекцијата на Норвешка ви ја пренесува атмосферата меѓу македонските навивачи кои ќе ја бодрат македонската репрезентација.

ФОТО: Македонската „фаланга“ од Виена замина на пат за Краков!

Ристе Здравков — Fri, 13 Jan 2023 13:36:06 +0000

Ракометна Македонија и овој јануари ќе пулсира со репрезентативците. Овој пад збирно место на популарната македонска „фаланга“ ќе биде полскиот град Краков, каде што избраниците на Кирил Лазаров ќе ги одиграат натпреварите од првата групна фаза од СП. Утрово, група од околу сто македонски навивачи од Виена тргнаа за Краков, каде што ќе имаат задача да им дадат поддршка на младите македонски ракометари. Македонски фанови ќе има од цела Европа, па како и на секој досегашен голем ракометен собир така и во арената „Таурон“ се очекува да преовладува црвената боја. Македонија првиот натпревар го игра вечерва, против моќната Норвешка. В недела нè чека средба со Холандија, а по два дена ќе се судриме со Аргентина. извор+фото: gol.mk

Ќе гори Краков – позната е локацијата за фан зоната на македонската фаланга!

Ристе Здравков — Fri, 13 Jan 2023 10:52:22 +0000

Репрезентацијата на Македонија денес со дуел против Норвешка ќе го стартува своето учество на Мундијалот 2023. Како и на секое Светско или Европско првенство, нашата репрезентација ќе има голема поддршка од трибините. Како што е познато, Македонија натпреварите од групната фаза ќе ги игра во Краков, а домаќин ќе биде „Таурон Арена“. Македонците во Краков ќе имаат и своја навивачка база. Станува збор за познатата пивница „Љубич“, која е основана во далечната 1840 година. Пивницата, која ќе биде навивачка база на „Фалангата“ се наоѓа во самиот центар на Краков, односно на два до три километри од „Таурон Арена“. Македонија на 13 јануари ќе игра против Норвешка. Два дена подоцна, односно на 15 јануари, избраниците на Лазаров ќе имаат дуел против Холандија, додека последниот натпревар од групната фаза ќе го одиграат против Аргентина на 17 јануари. Извор: 24rakomet.mk

„Фалангата“ се мобилизира – сите патишта водат кон Краков!

Ристе Здравков — Wed, 11 Jan 2023 11:35:14 +0000

Македонската ракометна репрезентација и на ова Светско првенство ќе има поддршка од трибините. „Фалангата“ се мобилизира од сите страни. Дел од фановите ќе бидат од Македонија, дел ќе дојдат од земјите надвор, сите со една цел – да им дадат ветер во грб на младите ракометари. Во Арената Таурон треба да има над 500-македонски навивачи. Дел од нив веќе ги запалија автомобилите и тргнаа кон Краков, веќе добро познато место. Во овој град пред седум години Македонија играше на ЕП. Нашите ракометари уште денеска ќе бидат во Скопје, утре со чартер лет ќе заминат за Краков, а веќе на 13. овој месец го играат првиот меч, за противник ја имаат селекцијата на Норвешка. Фото: sportmedia.mk

ВИДЕО: „Фалангата“ грмеше, „Бисер Балкански“, „Послушајте Патриоти“ ечеше во Дебрецин

Ристе Здравков — Fri, 14 Jan 2022 08:57:07 +0000

На трибините македонските навивачи го добија дуелот со Словенија, на теренот „змајчеки“ за жал победија со 27-25. Ако е за утеха, македонската навивачка Фаланга е апсолутен победник на трибините, црвено и жолто во Дебрецин. Но така беше и надвор од салата, ечеа македонски песни среде Дебрецин, „Бисер Балкански“, „Послушајте Патриоти“...