фалсификуван пасош – Kurir.mk

БИЛ БАРАН ОД ИНТЕРПОЛ, А САКАЛ ДА ВЛЕЗЕ ВО МАКЕДОНИЈА СО ФАЛСИФИКУВАН ПАСОШ – полицијата веднаш му ставила лисици на рацете

Дарко Андоновски — Mon, 30 Oct 2023 11:09:20 +0000

Основното јавно обвинителство Гевгелија поведе постапка против полски државјанин, осомничен дека сторил кривично дело – Фалсификување исправа од член 378 став 3 во врска став 1 од Кривичниот законик. На 26 октомври, осомничениот како патник во автобус со грчки регистарски ознаки се јавил за влез во земјава на граничниот премин „Богородица“. При редовна контрола од страна на овластени службени лица, тој употребил лажна јавна исправа – полска лична карта со туѓо име. Исправата ја употребил како вистинита иако таа се разликувала од оригиналната и во техниката на печатење на образецот и нејзино персонализирање, квалитетот на хартијата, заштитните знаци, како и во сјајот и интезитетот на застапените бои. При дополнителна контрола било утврдено дека осомничениот се бара со меѓународна потрага од страна на Интерпол Варшава, Полска за сторени кривични дела – Тешка кражба и Измама. Бидејќи постојат околности кои укажуваат на опасност од бегство, јавниот обвинител до Основниот суд во Гевгелија достави предлог за определување мерка притвор за осомниченото лице. Судот го прифати предлогот и на осомничениот му ја определи бараната притворска мерка.

Државјанин на Албанија со фалсификуван пасош се обидел да излезе од Македонија

Магдалена Андонова — Sun, 13 Sep 2020 09:06:29 +0000

На Граничниот премин Табановце, на излез од Македонија, приведен бил В.А. (20) од Албанија. Тој сакал да излезе од земјава со фалсификувана косовска патна исправа на име Д.Ф. (32) од Ѓаковица. По извршениот разговор В.А. бил предаден на полициски службеници од СВР Куманово за понатамошна постапка.

Апсење вчера на охридскиот аеродром – Турчин сакал да патува со фалсификуван пасош

Дарко Андоновски — Mon, 26 Nov 2018 10:23:22 +0000

Вчера на аеродромот “Св. Апостол Павле” во Охрид, од слобода е лишен А.С. (28) од Р. Турција поради сомнение дека патната исправа му е фалсификувана. Истиот е предаден во Основен суд Охрид.

Приведен кумановец: Со фалсификуван пасош сакал да излезе од Македонија

Ивана Ефремовски — Thu, 22 Nov 2018 09:37:25 +0000

На 21.11.2018 година во 16:00 часот на Граничниот премин Табановце, за излез од Р.Македонија при извршена пасошка контрола на лице Љ.С.(34) од Куманово било утврдено дека патната исправа била фалсификувана. Лицето било приведено и предадено на полициски службеници од Секторот за внатрешни работи од Куманово, за понатамошна постапка.