фалсификувани банкноти – Kurir.mk

За петпати зголемен бројот на фалсификувани банкноти во Бугарија

Катерина Бојаџиева — Mon, 17 Jul 2023 17:11:02 +0000

Во вториот квартал од 2023 година во Бугарија биле откриени 1.155 фалсификувани банкноти од 50 лева и тоа означува најголем пораст на фалсификувани банкноти во таа држава во изминатите 13 години, соопшти Бугарската национална банка. Во вториот квартал биле запленети вкупно 1.247 лажни банкноти. За споредба, во првиот квартал биле пронајдени 253 банкноти, што го прави зголемувањето петкратно. Последен пат такви нивоа имало во 2010 година. Најфалсификувана е банкнотата од 50 лева. Во првиот квартал беа запленети 200 такви фалсификати. На второ место се 20 лева, кои повеќе не им се омилени на фалсификаторите поради растот на цените. БНБ ги советува граѓаните на Бугарија внимателно да ги прегледаат банкнотите и монетите што ги добиле, да се запознаат со безбедносните знаци и во случај на најмало сомневање да ги однесат до најблиската банка или менувачница и да ја известат полицијата.

Приведен 20. годишник од Прилеп – сакал да пушти во промет фалсификувана банкнота од 200 евра

Магдалена Андонова — Sun, 06 Jun 2021 14:46:06 +0000

На 05.06.2021 во 13.50 часот на ул.„Дебарца“ во Прилеп, полициски службеници од Полициската станица Прилеп го лишиле од слобода А.Р.(20) од Прилеп затоа што претходно во маркет во нас. Тризла се обидел да пушти во промет фалсификувана банкнота од 200 евра. При преглед кај него била пронајдена и одземена банкнотата. По целосно расчистување на случајот против него ќе биде поднесена соодветна пријава.

Се обидел да замени фалс евра во менувачница во Кочани- си заработи кривична

Катерина Бојаџиева — Tue, 18 Feb 2020 16:32:57 +0000

Надворешната канцеларија за криминалистички работи Кочани поднесе кривична пријава против З.М. (55) од Оризари, кочанско, поради постоење основи на сомнение за сторено кривично дело „фалсификување пари“. Пријавениот набавил две фалсификувани банкноти во апоени од 50 евра со ист сериски број и на 20.01.2020 во менувачница во Кочани се обидел да ги замени, но бидејќи банкнотите ѝ биле со сомнителен квалитет на вработената, настанот го пријавила во ОВР Кочани. Со експертиза од Народна банка било утврдено дека банкнотите биле фалсификат.

Приведени тројца кавадарчани осомничени за фалсификување пари

Предраг Кукиќ — Fri, 19 Jul 2019 11:42:28 +0000

Полициската страница Кавадарци поднесе кривична пријава против Б.Ч.(27), Љ.Т.(30) и С.О.(20), сите од Кавадарци, поради постоење основи на сомнение за сторено кривично дело „фалсификување пари“. – Пријавените го сториле делото во текот на јуни оваа година. Тие набавиле вкупно 193 банкноти од по 500 денари, сите со ист сериски број, и 1.000 денари со ист сериски број, по што ги пуштале во промет во Кавадарци и во други градови – појасни Верољуб Додевски, портпарол на СВР Велес. Лицата се приведени во полициска станица за понатамошна постапка.