фалсификувани евра – Kurir.mk

Со фалсификувани 100 евра платил на бензинска станица

Ивана Ефремовски — Thu, 15 Dec 2022 13:31:56 +0000

Единицата за економски и компјутерски криминал при СВР Скопје поднесе кривична пријава против П.И.(21) од Општина Дебарца поради постоење основи на сомнение за сторено кривично дело „фалсификување пари" по член 268 од Кривичниот законик. Пријавениот набавил фалсификувана банкнота од 100 евра и ја употребил при купување на бензинска станица во Скопје. По преземени мерки, тој бил пронајден и поднесена е кривична пријава.

Во Шпанија откриена работилница за лажни евра пласирани на пазарот, вклучително и Албанија

Магдалена Андонова — Sat, 08 Oct 2022 19:46:31 +0000

Во Шпанија е разбиена криминална група која фалсификувала евра при што постојат основи на сомнение дека мрежата се проширила и во Албанија и други земји на Балканот, јави дописничката на МИА од Тирана. – Според истрагите, оваа група за помалку од три месеци испечатила осум милиони лажни евра во апоени од по 500 евра, пренесува весникот „Шќиптарја”. Истиот извор објавува и фотографии од запленетите пари и машините пронајдени во работилница во регионот на Каталонија. Шпанската полиција уапсила 12 лица, додека полицијата успеала да заплени 4,3 милиони евра, а остатокот е пуштен на пазарот. Според Европол, оваа група дистрибуирала лажни пари низ Европа и балканските земји, а контроли за лоцирање или спречување пуштање на лажни пари на пазарот се вршат и во Албанија. (МИА)

Дел од нив се од Македонија: Албанската полиција за четири месеци запленила над 425.000 фалсификувани евра и 10.000 долари

Ивана Ефремовски — Tue, 03 May 2022 09:23:59 +0000

Само во текот на оваа година албанската државна полиција запленила 425.500 фалсификувани евра во 22 случаи. -Во споредба со неколку години наназад, се забележува растечки тренд на пуштање на пазарот фалсификувани банкноти, кои според полицијата не се произведуваат во земјава, туку доаѓаат од Бугарија, Македонија и Италија. Фалсификуваните банкноти се користат во трговијата и бензинските пумпи, но банкноти од 200 или 500 евра често се обидуваат да влезат во берзата користејќи измама, изјави за Топ чанел, Лутфи Минџози, директор на секторот за финансиски криминал во државната полиција. Според него најчестата деноминација на пазарот е банкнотата од 200 евра. -Нов тренд е рекламирањето на фалсификувани пари на социјалните мрежи, каде се рекламираат високо квалитетни банкноти за кои се тврди дека не се запленети од апарати.Покрај користењето на опремата со која се контролираат банкнотите, полицијата дава и совети како да се разликуваат луѓето кои се обидуваат да употребат фалсификувани пари, додава Минџози. Во изминатиот период од годинава, посочува тој, полицијата запленила и околу 10 илјади фалсификувани долари од по 100 апоени, додека албанската валута лекот, досега се покажала како најбезбедна валута на пазарот, бидејќи полицијата не открила случаи на фалсификување. (МИА)

Предложен притвор за двајца странски државјани фатени со фалсификувани евра на скопскиот аеродром

Катерина Бојаџиева — Tue, 12 Oct 2021 08:53:34 +0000

Основното јавно обвинителство Скопје донесе Наредба за спроведување истражна постапка против две лица кои се сомничат за кривично дело – Правење, набавување или отуѓување средства за фалсификување согласно член 271 став 2 од Кривичниот законик. Осомничените по потекло од Камерун, од кои едниот жител на Франција, а другиот на Луксембург, на 4 октомври пристигнале на граничниот премин на Меѓународниот аеродром Скопје без да поседуваат валидна документација за влез во земјава и финансиски средства потребни за престој. При проверка, во нивниот багаж било пронајдено поголемо количество предмети за правење лажни пари. Така, првиот осомничен во багажот имал 3.744 парчиња црна хартија исечени со идентична големина како оригинални евро банкноти со видлив принт на пари од по 50, 100, 200 и 500 евра. Кај вториот осомничен, пак, биле пронајдени 5.632 парчиња бела хартија исечени со идентична големина како оригинални евро банкноти со видлив принт на пари од по 50, 100, 200 и 500 евра, како и 78 парчиња хартија без ознака. Вкупниот износ на фалсификуваните евро банкноти во рана фаза за изработка изнесувал 902.150 евра. Кај осомничените биле пронајдени и две шишиња со течност, едното со жолтеникава, а другото со темно-црвена боја, кои се користат за диференцирање на обичната хартија од онаа на која се печатат банкноти, како и една УВ-ламба. Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за двајцата странски државјани за кои постои опасност да се дадат во бегство или да го повторат делото.

МВР со детали: Приведени двајца фалсификатори од Камерун, пронајдени околу еден милион фалсификувани евра, еве каква казна ги очекува

Дарко Андоновски — Sat, 09 Oct 2021 08:31:53 +0000

На 08.10.2021 полициски службеници од Одделот за сузбивање на организиран и сериозен криминал (ОСОСК) во содејство со Одделот за гранични работи и миграции на Граничен премин „Меѓународен Аеродром“ – Скопје, при влез во државата, ги лишија од слобода Т.Р.Ф.(36) и М.Б.С.(40), двајцата од Камерун, поради постоење на основи на сомнение за сторени кривични дела „Правење, набавување или отуѓување средства за фалсификување “. Имено, при пасошка контрола на пријавените, кои допатувале од Милано, извршена им била дополнителна гранична контрола и при преглед на багажот, кај Т.Р.Ф. биле пронајдени 2.591 исечени парчиња хартија на кои од двете страни е отпечатен дел од дизајнот на банкноти од 50 евра, 2.363 такви парчиња со отпечатен дел од дизајнот на банкноти од 100 евра, 463 парчиња со дел од дизајнот на банкноти од 200 евра, 213 со дизајн на банкноти од 500 евра, 2 исечени парчиња хартија на кои од едната страна е отпечатен во повеќе бои дел од дизајнот на банкноти од 50 евра, 78 исечени парчиња хартија без никаква ознака, како и две шишиња со течност и УВ-ламба. При преглед на багажот кај М.Б.С. пронајдени се 2.072 исечени парчиња хартија со црна позадина на кои од двете страни е отпечатен дел од дизајнот на банкноти од 50 евра, 1.321 такви парчиња со отпечатен дел од дизајнот на банкноти од 100 евра, 247 со отпечатен дел од дизајнот на банкноти од 200 евра, 104 со дизајн на банкноти од 500 евра, како и 1 француска лична карта на име К.В.С. и 1 камерунска патна исправа на име С.И.Ф. за кои нема податоци дека се вистинити. Пронајдените предмети се одземени и предадени на вештачење во Народна банка и Одделот за за криминалистичко - технички испитувања и вештачења при МВР, при што било утврдено дека примероците се имитации на евро банкноти со различна апоенска вредност, кои се изработени со користење на професионална опрема. Исто така, од извршената експертиза од страна на Народната банка е констатирано е дека тие претставуваат примероци во рана фаза од изработката на фалсификувани евро банкноти со апоенска вредност од 50, 100, 200 и 500 евра. Поради тоа што кривично-пријавените предметите неовластено ги поседувале со намера истите да ги внесат на територијата на нашата држава за да се искористат за правење на лажни пари во вкупна вредност од 902.150 евра, Одделот за сузбивање на организиран и сериозен криминал до ОЈО Скопје , поднесе кривична пријава против двете лица поради постоење на основи на сомнение за сторени кривични дела „Правење, набавување или отуѓување средства за фалсификување“ по чл.271 ст. 2 од Кривичниот законик.

ВО СКОПЈЕ УАПСЕНИ ФАЛСИФИКАТОРИ: Сакале да внесат милион фалсификувани евра на скопскиот аеродром, а допатувале од овој европски град!

Магдалена Андонова — Fri, 08 Oct 2021 18:19:26 +0000

Полицијата уапси двајца фалсификатори од Камерун кои се обиделе да внесат скоро милион фалсификувани евра на скопскиот аеродром, дознаваме од извори на истрагата. Според нашите извори, тие во Скопје допатувале од Милано. Од МВР го потврдуваат апсењето на фалсификаторите односно дека Одделот за сузбивање на организиран и сериозен криминал работи на случајот во координација со Јавното обвинителство, а детална информација најавуваат за утре.

Во маркет во Тетово дал фалсификувана банкнота од 100 евра – приведен 58. годишен тетовчанец

Магдалена Андонова — Thu, 16 Sep 2021 09:18:33 +0000

На 15.09.2021 во 22.10 часот на ул.„Јане Сандански“ во Тетово, полициски службеници од СВР Тетово го лишиле од слобода Б.К.(58) од Тетово поради сомнение за сторено кривично дело „фалсификување на пари“. На 14.09.2021 околу 22.00 часот во маркет на ул.„Јане Сандански“ во Тетово тој пуштил во оптек фалсификувана банкнота од 100 евра, за чија исправност вработен се посомневал и пријавил во полициска станица. По целосно документирање на случајот против него ќе биде поднесена соодветна пријава.

Со фалсификувани 100 евра купил цигари и си заминал со кусурот

Дарко Андоновски — Sun, 24 Feb 2019 13:38:20 +0000

Непознато лице пред два дена со 100 фалсификувани евра пазарело во продавница во село Ранковци. Полицијата соопшти дека човекот купил две штеки цигари кои чинеле 1.800 денари и си го зело кусурот од 4.300 денари. подоцна е утврдено дека банкнотата е фалсификат Случајот во полиција е пријавен вчера од страна на 36-годишниот Д.В. од Крива Паланка.