фалсификувани пари – Kurir.mk

Со фалсификувани пари купил мобилен телефон, маж доби кривична

Ивана Ефремовски — Mon, 04 Sep 2023 13:00:31 +0000

Единицата за економски и компјутерски криминал при СВР Скопје поднесе кривична пријава против М.И.(29) од с.Пекљане, виничко, поради постоење основи на сомнение за сторени кривични дела „измама" и кривично дело „фалсификување пари“. Имено, на почетокот на јуни 2023 година, жена од Скопје објавила оглас за продажба на мобилен телефон, по што пријавениот и се јавил и се договориле да го купи телефонот. Откако ѝ дал четири банкноти од по 100 евра, таа се посомневала во нивната исправност и настанот го пријавила во полициска станица. По извршените проверки било утврдено дека парите се фалсификат.

Приведени две лица во липковско, кај нив пронајдени фалсификувани пари

Катерина Бојаџиева — Tue, 04 Jul 2023 10:51:03 +0000

На 03.07.2023 во 21.20 часот, полициски службеници од СВР Куманово во село Отља, липковско, ги лишиле од слобода О.О.(19) и О.М.(21) од Сингелиќ, скопско, осомничени за фалсификување пари. Имено, при контрола кај нив биле пронајдени 450 фалсификувани евра. Двете лица биле приведени во полициска станица и по целосно документирање на случајот против нив ќе следуваат соодветни пријави.

Кумановец со фалсификувани пари се обидел да плати гориво во Скопје

Дарко Андоновски — Tue, 20 Dec 2022 14:39:52 +0000

Секторот за внатрешни работи Скопје – Единица за економски и компјутерски криминал поднесе кривична пријава против 40-годишниот С.Д. од Куманово, поради постоење основи на сомнение за сторено кривично дело „фалсификување пари“ по член 268 од Кривичниот законик, информираше Министерството за внатрешни работи. – Пријавениот набавил фалсификувана банкнота од 2.000 денари и на 10.03.2022 ја употребил при купување гориво на бензинска станица во Скопје, појаснија од Министерството.

Фалсификувани пари и дрога најдени кај малолетник од Охридско

Дарко Андоновски — Sun, 10 Jul 2022 11:40:24 +0000

Фалсификувани пари и дрога пронашла охридксата полиција кај малолетник од селото Елшани. МВР денеска соопшти дека кај 16-годиншкикот биле пронајдени фалсификувани пари во вкупна вредност од 1.050 евра и дрога. – При преглед извршен на улицата „Гоце Делчев“ во Охрид, полициските службеници кај него пронајдоа и одземаа 21 банкнота од по 50 евра со ист сериски број и една ќеса со марихуана, стои во информацијата. Лицето е приведено синоќа во 22 часот и 30 минути во СВР Охрид, а по целосно расчистување и документирање на случајот против него ќе бидат поднесени соодветни пријави.

Скопјанец фалсификувал 396.200 американски долари

Ивана Ефремовски — Fri, 01 Apr 2022 15:39:13 +0000

СВР Велес поднесе кривична пријава против М.М.(22) од Скопје, поради постоење основи на сомнение за сторено кривично дело „фалсификување пари“. На 10.11.2021 во Велес во продажен објект, пријавениот употребил фалсификувана банкнота од 100 американски долари. На 25.11.2021 полициски службеници извршиле претрес во просторија која ја користел пријавениот, при што биле пронајдени сомнителни банкноти во износ од 396.200 американски долари во апоени од 100 долари.

Пуштени во оптег фалсификувани пари- кривична против двајца гостиварчани

Катерина Бојаџиева — Mon, 15 Mar 2021 16:06:50 +0000

ОВР Гостивар поднесе кривична пријава против А.С.(54) и М.И.(37), двајцата од с.Чегране, гостиварско, поради постоење основи на сомнение за сторено кривично дело „фалсификување пари“. Во септември 2020 година А.С. пуштил во оптек три фалсификувани банкноти од 50 евра, кои му ги дал М.И. и за услугата му дал одреден паричен надомест.

Малолетник набавил фалсификувани банкноти од по 50 евра

Ивана Ефремовски — Wed, 10 Mar 2021 15:04:26 +0000

ОВР Делчево поднесе кривична пријава против 17-годишен малолетник од Делчево и против Б.И. од с.Град, делчевско, со престојувалиште во Италија, поради постоење основи на сомнение за сторено кривично дело „фалсификување пари“. Во периодот од 25.10.2020 до 27.11.2020 малолетникот набавил и држел кај себе повеќе фалсификувани банкноти во апоени од 50 евра, од кои четири пуштил во оптек во продажни објекти и менувачница во Македонска Каменица. При претрес кај него биле пронајдени и одземени 35 банкноти. Б.И. земал една фалсификувана банкнота од малолетникот и ја дал на друго лице, кое не знаејќи дека е фалсификувана ја пуштил во оптек во продажен објект во Делчево.

Со фалсификувана банкнота од 500 евра се коцкал во казино

Ивана Ефремовски — Sun, 21 Feb 2021 14:58:29 +0000

На 20.02.2021 во 16:40 часот во Полициска станица Гостивар, И.Ј.(33) од Гостивар, вработена во казино во Гостивар пријавила дека околу 14:20 часот додека била на своето работно место, едно лице и дало банкнота од 500 евра да ја замени, а потоа ги однела парите во менувачница каде утврдиле дека парите се фалсификувани. Се преземаат мерки за расчистување на случајот.

Со фалсификувани пари прилепчанец купувал цвеќиња

Ивана Ефремовски — Thu, 24 Dec 2020 16:20:54 +0000

На 23.12.2020 во 16:00 часот во просториите на Одделението за внатрешни работи Прилеп, К.Д.(49) од Прилеп пријавила дека околу 15:40 часот во цвеќарница во Прилеп едно лице сакало да купи производи со банкнота од 50 евра по што, при обид во менувачница да ја замени банкнотата, пријавителката била известена дека е фалсификувана. Се преземаат мерки за расчистување на настанот.

Наточил гориво, па платил со банкнота од 500 евра- сега дебело ќе зажали поради казната од полицијата

Дарко Андоновски — Wed, 25 Nov 2020 14:41:13 +0000

На 24.11.2020 во Одделение за внатрешни работи Кавадарци, Н.М.(42) пријавил дека на 19.11.2020 на бензинската пумпа во с.Росоман,кавадаречко, од едно лице при наплата на услуга за гориво, му била дадена банкнота од 500 евра, која била фалсификувана. Се преземаат мерки за расчистување на случајот.