фалсификувани тестови – Kurir.mk

На граничен премин Табановце откриени фалсификувани ПЦР тестови и возила кои вршеле меѓународен превоз на патници без соодветна документација

Магдалена Андонова — Mon, 14 Feb 2022 13:07:32 +0000

На 11 и 12.02.2022 на Граничен премин Табановце, од страна на полициски службеници од Полициската станица за граничен премин Табановце и од Одделот за прекуграничен криминал и миграции при Регионалниот центар за гранични работи Север откриени се 5 фалсификувани ПЦР тестови и 3 возила кои вршеле превоз на патници без соодветна документација. Имено, на 12.02.2022, при пасошка контрола, било констатирано дека О.Б.(51) од Скопје, Т.Т.(28) од Скопје, Д.М.(28) од с.Тромеѓа, кумановско, Д.Г.(56) од Кочани М.П.(61) од Скопје приложиле фалсификувани ПЦР тестови. По целосно документирање на случајот против нив ќе бидат поднесени соодветни пријави. На 11 и 12.02.2022, при контрола на автобус со скопски регистарски ознаки, управуван од Х.П.(54) од Скопје, патничко возило „митсубиши“, управувано од З.Б.(26) од Струмица и возило комби, управувано од Ж.Г.(46) од Струмица, двете со струмички регистарски ознаки, било констатирано дека вршеле меѓународен превоз на патници без поседување на соодветна документација. Од страна на Државниот инспекторат за транспорт изречени се соодветни санкции за возачите и возилата.

Со фалсификувани негативни ПЦР тестови ги фатиле на скопски аеродром-кривична за 4 лица

Катерина Бојаџиева — Tue, 23 Mar 2021 15:31:46 +0000

Одделението за прекуграничен криминал и миграции Скопје до ОЈО Скопје поднесе кривична пријава, против У.И.(54), А.И.(32), В.С.(36) и С.М.(21), поради постоење основи на сомнение за сторени кривични дела „фалсификување исправа“ и „непостапување според здравствените прописи за време на епидемија“. Имено, пријавените на 17.03.2021 на Меѓународниот аеродром Скопје приложиле фалсификувани негативни ПЦР тестови.

Поради фалсификувани негативни ПЦР-тестови на аеродром, кривична за 10 лица

Катерина Бојаџиева — Thu, 04 Mar 2021 16:11:41 +0000

Регионалниот центар за гранични работи Север поднесе кривични пријава против Б.Ф.(44), Б.Ф.(43), В.Ф.(37), А.Ф. (37), К.А.(23) – македонски државјани, против Е.К.(42), Д.О.(40), Т.Е(32), Ј.Ј.(53) и Ј.Х.(48) – турски државјани поради постоење основи на сомнение за сторено кривично дело „фалсификување исправа“. Во периодот од 25 февруари 2021 до 1 март 2021 на Граничен премин „Меѓународен аеродром Скопје, на излез од Република Северна Македонија, пријавените приложиле фалсификувани негативни ПЦР-тестови.