фан зона – Kurir.mk

Ќе гори Краков – позната е локацијата за фан зоната на македонската фаланга!

Ристе Здравков — Fri, 13 Jan 2023 10:52:22 +0000

Репрезентацијата на Македонија денес со дуел против Норвешка ќе го стартува своето учество на Мундијалот 2023. Како и на секое Светско или Европско првенство, нашата репрезентација ќе има голема поддршка од трибините. Како што е познато, Македонија натпреварите од групната фаза ќе ги игра во Краков, а домаќин ќе биде „Таурон Арена“. Македонците во Краков ќе имаат и своја навивачка база. Станува збор за познатата пивница „Љубич“, која е основана во далечната 1840 година. Пивницата, која ќе биде навивачка база на „Фалангата“ се наоѓа во самиот центар на Краков, односно на два до три километри од „Таурон Арена“. Македонија на 13 јануари ќе игра против Норвешка. Два дена подоцна, односно на 15 јануари, избраниците на Лазаров ќе имаат дуел против Холандија, додека последниот натпревар од групната фаза ќе го одиграат против Аргентина на 17 јануари. Извор: 24rakomet.mk

Аргетинскиот навивач Данило е првиот кој се напи пиво во „фан паркот“ во Катар, ќе ве изненади цената на пивото

Ристе Здравков — Sat, 19 Nov 2022 17:09:37 +0000

Навивачот на аргентинската фудбалска репрезентација, Данило Антонело е првиот навивач кој се напи пиво во „фан паркот“ во Доха, Катар пред стартот на Светското првенство по одлуката на земјата домаќин да забрани продажба пиво на стадионите. Продажбата на алкохол и така е крајно ограничена во арапската земја, но се веруваше дека навивачите на стадионите ќе добијат дозвола да пијат алкохол, но Катар реши да ги смени договорените правила на два дена пред стартот, предизвикувајќи бес кај спонзорот на ФИФА, „Бадвајзер“. И покрај тоа што на осумте мундијалски стадиони ќе може да се нарача само „Бад зиро“, односно безалкохолно пиво, во „фан центрите“ ќе има дозволено точење алкохол, само во вечерните часови. Данило, супер-навивач на Аргентина вели дека чекал повеќе од еден час за да биде прв во барот. „Сакав да бидам дел од историјата. Во Катар сум веќе два дена и едвај го чекам пивото. Штета што барот не се отвара порано“, вели 37-годишниот Аргентинец. Цената: 12 евра!

ВИДЕО: Фалангата ја крена Хрватска на нозе, ечи „Бисер балкански” во нашата фан зона

Дарко Андоновски — Mon, 15 Jan 2018 17:49:46 +0000

Македонската Фаланга ја крена Хрватска на нозе. Медиумите со воодушевување пишуваат за „црвено-жолтите“ навивачи кои досега приредуваат неверојатна атмосфера каде и да се појават. Вечерва Македонија го игра вториот натпревар од Европското првенство против Црна Гора, а навивачите уште побројни ќе го проследат мечот во арената и околните кафулиња. Ваква била атмосферата во клубот “Роко” кој е македонска фан зона, пред натпреварот со Словенија, погледнете: