Македонскиот бенд „Фанк шуи“ со концерти во Англија

Ивана Ефремовски — Fri, 15 Apr 2022 13:29:14 +0000

Македонскиот бенд „Фанк шуи“ оваа пролет ќе имаат свое гостување во Англија. Како што најавија од бендот, на 29 април ќе одржат концерт во Лондон, а ден потоа ќе гостуваат на „Sound City“ фестивал во Ливерпул. „Фанк шуи“ ја започнаа 2022 година со онлајн претставување на најголемиот и најпрестижен „шоукејс“ фестивал во Европа – „Eurosonic“ во Холандија. Од бендот соопштија дека се возбудени што ќе имаат можност да настапат во Лондон и Ливерпул и што ќе ја споделат својата музика со тамошната публика. -Возбудени сме што ќе имаме можност да настапиме во Лондон и Ливерпул и што ќе ја споделиме нашата музика со тамошната публика. Почестени сме што ќе бидеме дел од програмата на „Sound City Festival“ во Ливерпул, еден од најголемите шоукејс фестивали во Европа. Исто така, со нетрпение го очекуваме и нашиот концерт во добро познатиот клуб „ The old blue last” во Лондон, посочуваат од бендот. (МИА)

„Метеори” од Фанк Шуи преработен во фанки-хаус верзија

Магдалена Андонова — Wed, 05 Aug 2020 11:38:05 +0000

Фанк звуците од два различни света почнуваат да се спојуваат. Заемната почит помеѓу постојаниот скопски диџеј Алек Солтиров и динамичните Фанк Шуи е изразена преку хаус ремикс од страна на Солтиров. Синглот „Метеори” е преработен во фанки-хаус верзија, што ја отвара оригиналната песна на еден тотално поинаков начин. – Заеднички пробивајќи се на домашната и странската музичка сцена, патот на Фанк Шуи е сличен со тој на Алек Солтиров. Трпеливо и постепено низ последниве 10 години музичарите си го имаат развивано и надоградувано звукот, достигнувајќи истовремено височини како ретко кој друг. Солтиров низ годините уживал поддршка и признание од бројни светски хаус имиња како Joey Negro, Mark Farina и DJ Sneak. Издавачки куќи ширум светот исто така го имаат препознаено талентот на Алек Солтиров, од „Salted Music“ и „Fogbank Recordings“ до „Mind Medicine“ и „Nervous Records“ меѓу останатите. Истовремено, зимско-пролетната балканска турнеја на Фанк Шуи го одбележа нивното претставување пред странска публика со голем број позитивни критики, велат Фанк Шуи. Како ексклузивци на најголемата продуцентска куќа Авалон бендот го издаде EP-то „Импулс”, како и настапувано рамо до рамо со музичари како Morcheeba, SARS и Roisin Murphy (Moloko). Двете резимиња се несомнено богати и соодветно ги претставуваат способностите и репутацијата на овие перпсективни македонски музичари. (MИА)

Фанк Шуи – Kurir.mk

Македонскиот бенд „Фанк шуи“ со концерти во Англија

„Метеори” од Фанк Шуи преработен во фанки-хаус верзија