фантом фирма – Kurir.mk

Филипче и Заев без одговор за фантом фирмата

Курир — Fri, 12 Mar 2021 10:34:11 +0000

Два дена по скандалот кој го објави италијанскиот весник „Ла Верита“ за набавката на кинеските вакцини „Синофарм“ која се обидела да ја направи Македонија, премиерот Зоран Заев и министерот за здравство Венко Филипче без одговор. Весникот објави дека кинеската компанија го вратила авансот поради нерегуларен пат на набавка на вакцината, односно поради внешување на фантом компанија. Претходно македонските власти објаснија дека авансот е вратен поради усогласување на документацијата. „Ла Верита” во средата објави дека има докази од контактите меѓу Македонија и Пекинг, кој ја напуштил зделката плашејќи се од измами”. Во текстот весникот наведе дека Заев бил првично одбиен од Пекинг поради тоа што одел преку фирма посредник која била фантом компанија со нестабилни темели во Хонг Конг. -Но, кулминацијата со лошото менаџирање и набавувањето на вакцините се случи уште еднаш во Македонија каде владата предводена од Зоран Заев е подготвена дури и на сметка на здравјето на граѓаните да се бори за својот спас. Во едно телевизиско интервју во јануари, Зоран Заев ги информираше Македонците дека никогаш не би побарал помош од Кина и Русија бидејќи земјата, по влезот во НАТО, треба да се потпре на своите западни сојузници. „Ла Верита“, меѓутоа, дојде до две писма од министерот за здравство Венко Филипче, кои уште еднаш го демаскираат македонскиот премиер. Првото писмо докажува дека министерот Филипче испратил барање до кинескиот Синофарм дури на 25 декември 2020, додека уште едно второ писмо од 25 јануари вели дека министерот дури и би ја ослободил Кина од било какви негативни ефекти од вакцината. Ова го потврдува притисокот на балканската влада за финализирање на договорот. Заев призна, подоцна, дека се обратил до Пекинг, но на крајот на февруари комунистичкиот Пекинг му го вратил авансот. Причината за ова, според извори на „Ла Верита“, е тоа што зделката требало да се одвива преку фантом фирма со седиште во Хонг Конг, која е наведена исто така во сите официјални писма на министерот. Фактот што приватна фирма, која според првични анализи нема стабилни темели, но има доволно средства депонирани во германската Deutsche Bank, била вклучена од страна на македонската влада во посредувањето, оставило сомнеж на официјален Пекинг дека можеби се наоѓаат пред обид за измама, и тоа донело до поништување на процедурата. На крајот од денот, Кина се држи до принципот на директно управување со помошта и провизиите со владите, уште од почетокот на пандемијата. Уште едниот потенцијален обид за корупција извршен од мрежата на Заев, дури и на сметка на здравјето на граѓаните, овој пат се судри со тврдоглавоста на комунистичкиот кинески режим, пишува во текстот на весникот. Заев во средата потврди дека Владата соработувала со приватни фирми за набавка на вакцини против Ковид-19. Негираше дека имал лоши намери и незаконски дејствија, оправдувајќи ги постапките како начин на Владата час поскоро да дојде до вакцини, кои граѓаните се уште ги немаат. Тој рече дека Владата се обидела на секој начин да дојде побрзо до вакцини за граѓаните. Следниот ден „Ла Верита“ ги објави писмата на министерот Филипче адресирани до кинеската компанија „Синофарм“. Во писмото на Филипче испратено на 25 јануари до „Синофарм“ се вели дека ја ослободува компанијата, односно Кина, од каква било одговорност од евентуални негативни последици од употребата на вакцината. Ова, според „Ла Верита“, е спротивно на многу меѓународни конвенции и претставува кршење на основната институционална мисија, а тоа е заштитата на здравјето на своите граѓани. Писмата на Филипче до Пекинг, и тоа од 25 декември 2020 и од 25 јануари 2021 година, оделе преку фирмата „Старби интернешнл“ (Starbi International) во Хонг Конг. Фирмата е основана во 2017 година, само 5 месеци по формирањето на владата на Зоран Заев и нема медицинско ниту фармацевтско портфолио. Компанијата, која има тројца вработени, е регистрирана во Самоа, островска држава во Тихиот Океан каде не се плаќаат даноци за трансакции. Потоа компанијата била регистрирана и во Хонг Конг. На интернет страна која посредува за офшор компании и меѓународни бизниси се наведува дека Самоа обезбедува поволен даночен систем особено за меѓународните бизниси. Во комбинација со многу привлечни деловни стимулации, островската земја е едно од најдобрите места за формирање офшор компанија. Странските компании кои работат таму се ослободени од сите даноци на приход. Покрај тоа, многу други локални даноци и такси се исто така отстранети за странски инвеститори, имено данок на капитална добивка, марки на марки, дивиденди, заработка или камати од надвор од Самоа. Даночната политика на Самоа е дизајнирана да им помогне на меѓународните бизниси да го извршат најдоброто од себе со ниски оперативни трошоци. Покрај тоа, владата на Самоа исто така ги поддржува странските инвеститори со различни деловни стимуланси и придобивки. Предностите што ги нуди вклучуваат: Нема годишно известување, сметководство или какви било барања за финансиска ревизија, Нема потребен капитал при основање компанија, Владините такси за деловно работење се релативно ниски, Нема контрола на девизи на какви било валути, Силно законодавство за заштита на средства, Комплетна политичка, економска и социјална стабилност, се наведува во описот на интернет страната. Се обидовме по регуларен пат, но не успеавме. Се обидовме по алтернативен пат и потпишавме договор за вакцини. Но, кинеските власти ни сугерираа дека треба да се вратиме на регуларниот пат. Вака накусо вчера звучеше одговорот на Филипче кој се обиде да објасни што се случило со набавката на кинеските вакцини и зошто истите се уште ги нема. По иницијалните обиди да направиме директен контакт со фабриката во што не успеавме, појасни министерот, побаравме помош од некои наши кинески компании тука во земјава активни што работат „Пауер Чајна“, понатаму „Синохидро“ кои ни укажаа на некои компании кои може да не спојат и тоа даде резултат. – За време на тие разговори во меѓувреме беше потпишан договор, се вклучи и нашата Амбасада во Кина која за тоа го извести и тамошното МНР од каде ни укажаа дека тоа не е патот по кој треба да одиме и дека треба да го пратиме оној регуларен пат по кој на почеток се обидовме, но за жал немаше резултати и заради тоа сакајќи целата постапка да ја забрзаме најдовме еден алтернативен начин. Не станува збор апсолутно за ништо незаконски, за ништо нерегуларно. Не станува збор за некакви провизии и за било што за што овие денови ме обвинува опозицијата, потенцира Филипче. Претседателот на државата Стево Пендаровски вчера во емисијата „Клик Плус“ на ТВ21 истакна дека информацијата на италијанската „Ла Верита“ околу вакцините, каде што објавија околу скандалот на министерот Венко Филипче за набавка на кинеските вакцини треба да се проверат до крај. Со реакција за случајот излезе и претседателката на Антикорупциската комисија Билјана Ивановска. -Ќе видиме дали Антикорупциската ќе постапува, ние се договоривме да ги прибереме сите информации кои се поврзани со веста која излезе во медиумите со набавката на вакцините, откако ќе ги собереме информациите ќе видиме дали постојат елементи којшто би бил во надлежност на нашата комисија, истакна Ивановска за Сител телевизија.

Фирмата „Стабри“ има тројца вработени, нема фармацевско порфолио

Ивона Петрова — Thu, 11 Mar 2021 11:30:58 +0000

Фантом фирмата „Стабри“ преку која Зоран Заев и Венко Филипче се обиделе да набават вакцини од кинеската компанија „Синофарм“, има тројца вработени. Компанијата е регистрирана во Самоа, островска држава во Тихиот Океан каде не се плаќаат даноци за трансакции. Потоа компанијата била регистрирана и во Хонг Конг. На интернет страна која посредува за офшор компании и меѓународни бизниси се наведува дека Самоа обезбедува поволен даночен систем особено за меѓународните бизниси. Во комбинација со многу привлечни деловни стимулации, островската земја е едно од најдобрите места за формирање офшор компанија. Странските компании кои работат таму се ослободени од сите даноци на приход. Покрај тоа, многу други локални даноци и такси се исто така отстранети за странски инвеститори, имено данок на капитална добивка, марки на марки, дивиденди, заработка или камати од надвор од Самоа. Даночната политика на Самоа е дизајнирана да им помогне на меѓународните бизниси да го извршат најдоброто од себе со ниски оперативни трошоци. Покрај тоа, владата на Самоа исто така ги поддржува странските инвеститори со различни деловни стимуланси и придобивки. Предностите што ги нуди вклучуваат: Нема годишно известување, сметководство или какви било барања за финансиска ревизија, Нема потребен капитал при основање компанија, Владините такси за деловно работење се релативно ниски, Нема контрола на девизи на какви било валути, Силно законодавство за заштита на средства, Комплетна политичка, економска и социјална стабилност, се наведува во описот на интернет страната. Според регистарот во Хонг Конг фирмата нема медицинско ниту фармацевтско портфолио. Случајно или не, фантом фирмата „Стабри“ е регистрирана во 2017 година, само 5 месеци по формирањето на владата на Зоран Заев.

„БГ пасоши и фантом фирма во Хонг Конг“

Тале Кристо — Thu, 11 Mar 2021 11:24:16 +0000

Краток коментар за објавата од пријателот на Заев: "Фантом фирма, Фантом ваксајнс, Фантом пасоши", кратко и иронично изреагира на социјалната мрежа на Фејсбук претеникот од редовите на ВМРО-ДПМНЕ Антонио Милошоски, на лажните објави на Каракачанов.

Андоновска: Зошто некој би преговарал преку посредник, а не директно?

Тале Кристо — Thu, 11 Mar 2021 09:23:28 +0000

Денес излезгоа документи, со потпис на Венко Филипче (кои за жал не се лажни), каде тој на Кинезите им нуди фирма за посредник во набавката за вакцини, која воопшто не се занимава со медицинска дејност, нема ниту едно вработено медицинско лице и е регистрирана во 2017, само 5 месеци по доаѓањето на СДС на власт, пишува на својот Фејсбук профил Марија Андоновска од ВМРО-ДПМНЕ. Зошто некој би преговарал преку посредник, а не директно!? Јасно е! За провизии, за личен профит!? Згора на тоа уште Венко им пишува (се гледа во докуменрот) дека не му е грижа за евентуалните негативни појави од вакцината и дека ги ослободува од одговорност за нус појавите, само да го прифатат неговиот предлогот!? Замислете не му е важно на Венко дали ќе останете парализирани или ќе ви откаже некој орган поради евентуален нус ефект, туку важно тој да си го наполни џебот и бизнисот да му врви!? 👇Погледнете, ова се документите кој ќе ви дадат одговор зошто почина вашата мајка, татко, тетка, баба, брат, комшика, пријател, колешка, дедо,сестра. .... 👇 Погледнете зошто се зацрнуваат сеуште фамилии 👇 Еве зошто сеуште не можете да си ги прегрнете своите сакани родители, роднини... Ова е еден ужасен монструозен чин кој директно го загрозува здравјето и животот на граѓаните, по повеќе правни основи. Не само оставка од Филипче! Не само оставка од Владата! Туку институционална правда и одговорност! Изгубените животи не се враќаат!, вели Андоновска во својата објава.

Николоски: Во трка по ПРОВИЗИИ се губат човечки животи, целта е јасна зошто се одело преку фантом фирма

Тале Кристо — Thu, 11 Mar 2021 08:51:59 +0000

Во трка по ПРОВИЗИИ се губат човечки животи. Во прилог две писма кои се доказ дека се одело преку ФАНТОМ ФИРМА. Целта е јасна зошто се одело преку фантом фирма, а не директно до производителот. АЛЧНОСТА чини човечки животи, пишува на својата Фејсбук потпретседателот на ВМРО-ДПМНЕ Александар Николоски. Во продолжение интегрално ви ја пренесуваме целата реакција на Николоски, откако утринава италијанскиот весник „Ла Верита“ ги објави двете писма од министерот за здравство Венко Филипче каде што се фаворизира фантом фирмата ,,Starbi International": -Скандалот со набавка на вакцини продолжува. Во трка по ПРОВИЗИИ се губат човечки животи. Во прилог две писма кои се доказ дека се одело преку ФАНТОМ ФИРМА. Целта е јасна зошто се одело преку фантом фирма, а не директно до производителот. АЛЧНОСТА чини човечки животи. Писмата на Филипче до Пекинг, оделе строго преку фантом фирмата ,,Starbi International" во Хонг Конг и во декември 2020 и во јануари 2021, а фирмата не се знае ни колку вработени има, доколку ги има воопшто, фирмата исто така според регистарот нема медицинско ниту фармацевтско портфолио. Случајно или не, фантом фирмата Starbi е регистрирана во 2017г, само 5 месеци по формирањето на владата на Заев, пишува Николоски во својата објава.

Милошоски: Филипче и Заев се бореле за провизии при набавката на вакцини преку фантом фирмата „Starbi International“

Тале Кристо — Thu, 11 Mar 2021 07:54:02 +0000

Додека граѓаните се борат за сопственото здравје и живот, Филиче и Заев се бореле за провизии при набавката на вакцини преку фантом фирмата Starbi International регистрирана во Хонг Конг, пишува на својата Фејсбук страница пратеникот од редовите на ВМРО-ДПМНЕ Антонио Милошоски. Која е оваа фирма, регистрирана септрмври 2017 во Хонг Конг и зошто Заев и Филипче ја одбрале токму неа, и дали ќе го објават преддоговорот на министерот за здравство со Starbi International? На чија сметка Заев и Филипче го уплатиле авансот од парите за 200.000 вакцини и дали трката по провизии била главната причина зошто Кина не сакала да склучи договор за вакцини со владата на Заев?, прашува Милошоски?

Стоилковски: Наместо за набавка на вакцини мислеле на криминал, Кина го одбила Заев бидејќи оделе преку фантом – фирма

Ивона Петрова — Wed, 10 Mar 2021 11:08:35 +0000

Портпаролот на ВМРО-ДПМНЕ, Наум Стоилковски денеска одговарајќи на новинарско прашање поврзано со информациите објавени во италијанскиот весник „Ла Верита“ за набавка на вакцини, истакна дека наместо за набавка на вакцини, власта мислела на криминал. --Точно се наведува во „Ла Верита“ што е проблемот, зошто е вратен авансот за вакцини од Кина. За набавка на вакцините од Кина, била избрана фантом - фирма од Хонг Конг, таа фирма била наведена и во писмата испратени од Венко Филипче. Затоа Кина го враќа авансот, затоа Македонија и денеска нема вакцини! Ова е уште еден голем меѓународен скандал, ова е уште едно меѓународно тонење на Македонија во криминал и висока корупција! Луѓе умираат секојдневно, тие избрале фантом фирма посредник за набавка на вакцини од Кина! Наместо на вакцини, се мисли на профит преку фантом фирми! Само еден збор го опишува ова - НЕЧОВЕЧНОСТ, нагласи Стоилковски.

Милошоски: Кога провизијата за власта е поважна од здравјето на граѓаните, тогаш набавката на вакцини оди преку фантом фирма

Тале Кристо — Wed, 10 Mar 2021 10:13:59 +0000

Кога провизијата за власта е поважна од здравјето на граѓаните, тогаш сакаш набавката на вакцини да оди преку фантом фирма од Хонг Конг. Во меѓувреме бројот на жртви расте, а економијата тоне!, реагира по објавениот скандал поврзан со владата а во врска со набавката на кинеските вакцини пратеникот од редовите на ВМРО-ДПМНЕ Антонио Милошости.

Нема вакцини затоа што Филипче протежирал фантом фирма од Хонг Конг – која е фирмата поради која владата на Заев била одбиена од Кина?

Тале Кристо — Wed, 10 Mar 2021 07:56:47 +0000

Официјален Пекинг авансот за кој што беше уплатен од страна на македонските власти го вратил бидејќи набавката не вакцините требало да се одвива преку фантом фирма со седиште во Хонг Конг, пишува италијанскиот весник „Ла Верита“. -Заев призна, подоцна, дека се обратил до Пекинг, но на крајот на февруари комунистичкиот Пекинг му го вратил авансот. Причината за ова, според извори на „Ла Верита“, е тоа што зделката требало да се одвива преку фантом фирма со седиште во Хонг Конг, која е наведена исто така во сите официјални писма на министерот, пишува весникот. До поништување на процесурата за набавката на кинески вакцини дошло откако првичните анализи покажале дека фирмата нема стабилни темели, но има доволно средства депонирани во германската Deutsche Bank, а била вклучена од страна на македонската влада во посредувањето, оставило сомнеж на официјален Пекинг. -Фактот што приватна фирма, која според првични анализи нема стабилни темели, но има доволно средства депонирани во германската Deutsche Bank, била вклучена од страна на македонската влада во посредувањето, оставило сомнеж на официјален Пекинг дека можеби се наоѓаат пред обид за измама, и тоа донело до поништување на процедурата. На крајот од денот, Кина се држи до принципот на директно управување со помошта и провизиите со владите, уште од почетокот на пандемијата. Уште едниот потенцијален обид за корупција извршен од мрежата на Заев, дури и на сметка на здравјето на граѓаните, овој пат се судри со тврдоглавоста на комунистичкиот кинески режим, пишува во текстот на весникот, пишува „Ла Верита“. За потсетување, според официјалните изјави на премиерот Заев и Министерството за здравство причина за враќање на авансот за кинеските вакцини е поради усогласување на документацијата.