фармацевти – Kurir.mk

Колапс на вакциналниот процес, неспособноста на власта кулминира! Одложена вакцинација на стоматолозите и фармацевтите

Тале Кристо — Tue, 23 Mar 2021 14:33:55 +0000

Министерот за здравство Венко Филипче откако не успеа да набави ниту една вакцина, да направи ниту еден договор за набавка на вакцини се пофали дека со незначитечните дози на вакцини ќе се вакцинира здравствениот персонал. Во Македонија до сега има само 8 илјади дози од Фајзер кои беа донација од Србија и три илјади од руската вакцина. Деновиве пак беа известени стоматолозите и фармацевтите дека процесот на имунизација се одложува. Овие податоци говорат само едно, лага е дека ќе бидеме првата земја во светот чии што здравствени работници се вакцинирани. Дополнително, ова говори само за колапс на вакциналниот процес и е доказ за неспособноста на власта да набави вакцини. Филипче на 16 февруари уверуваше дека Македонија ќе биде една од ретките земји во која сиот медицински персонал ќе биде вакциниран. „Ние за десетина дена, до крај на февруари (н.з.), ќе бидеме една од ретките земји, каде ќе биде вакциниран целосно медицинскиот персонал. Со самата пратка на вакцините пристигнуваат документите, за кои подоцна потребно е да се направи административен записник“, рече Филипче кон средината на февруари годинава. Но, веќе е втора половина на март и информациите говорат нешто друго. Фармацевтите се известени дека вакцинирањето се одложува. „Од Мој термин во овој момент не известија дека привремено се одложува вакцинирањето на фармацевтите“, стои во дописот до нив. За како што велат краткотраенпрекин на имунизацијата ќе има и за стоматолозите. „За жал од Мој термин не информираа дека потрошени дозите на Спутник кои беа предвидени и со кои се имунизираа стоматолозите и ќе следи краткотраен прекин на процесот на имунизација...“, се вели во објавата на веб страната на Стоматолошката комора. Овие податоци говорат само едно лага е дека ќе бидеме првата земја во светот чии што здравствени работници се вакцинирани. Ова говори само за колапс на вакциналниот процес. Неспособноста на власта кулминира.

Филипче ги заборави фармацевтите за вакцина против корона

Тале Кристо — Tue, 09 Feb 2021 11:48:56 +0000

Фармацевтите во Македонија извисени, министерот за здравство Венко Филипче не ги стави во приоритетната група која прва треба да се вакцинира со анти-ковид вакцините, за кои се очекува денес да биде потпишан договорот со кинеската компанија “Синофарм“. Министерот Филипче пред неколку дена, на прес конференција, го презентираше националниот планот за имунизација од кинеските вакцини против Ковид-19, вакцини кои во Македонија се очекуваат да стигнат најбрзо. Во презентираниот план, предвидено е во првата фаза да се вакцинираат здравствените работници кои се во директен контакт со ковид-пациенти и лица над 70 години. Но, иако и фармацевтите се категорија кои секојдневно се изложуваат на директни контакти со лица заразени на корона вирусот, тие не се предвидени да се вакцинираат во првата и приоритетна фаза на имунизација. Ти не можат да го избегнат контактите со лица позитивни на Ковид-19, било тоа да се симптоматски или асимптоматски носители, затоа што тие за да можат да се лечат треба од аптека да ги купат потребните лекови, односно потребната терапија. Фармацевтските работници, како и лекарите и целокупниот здравствен персонал, се значајна алка во целокупниот синџир на третмани лекување на пациентите заразени на корона вирусот. Неизбежен им е секојдневниот контакт со лица позитивни. Ризикот на кои тие се изложени од заразување, но и ширење на ковидот е огромен, но сепак министерот Филипче смета дека оваа категорија не треба да биди меѓу првите кои треба да се вакцинира и на тој начин да се заштитат од корона вирусот. Освен фармацевтите, во првично презентираниот план, изоставени беа матичните стоматолози и матичните гинеколози кои исто така се изложени на секојдневни директни конатакти со позитивни на ковид лица. Меѓутоа, откако овие реагираа дека се оставени за вакцинација во втората фаза, и откако го увиделе пропустот кој го направиле, вчера министерството за здравство да се јави со дообјаснување дека во првата фаза на имунизација, сепак ќе бидат вклучени и матичните стоматолози и гинеколози. Ќе го увиди ли Филипче и пропустот што го направи и во однос на фармацевтските работници за кои не смета дека треба да бидат во приоритетната, прва фаза за вакцинација против Ковид-19 а кои, од друга страна, се изложени на секојдневни контакти со лица носители на вирусот?!

Ова е најмоќниот антибиотик во природата: Рецепт за напиток кој ги уништува вирусите и ја прочистува вашата крв

Ивана Ефремовски — Fri, 25 Sep 2020 09:40:55 +0000

Модерните фармацевти имаат производи кои што ќе ви помогнат да се изборите со било каква инфекција која што ќе се појави во вашето тело. Прашањето е следно: „Колку таквите производи можат да го заштитат нашиот организам?“. Природната медицина исто така содржи широк спектар на производи кои што успешно ги лечат инфекциите на целосно природен начин и без никакви последици. Овојпат ќе ви го претставиме рецептот за најмоќниот антибиотик на светот кој што ги убива гама-позитивните и гама-негативните бактерии, вклучувајќи и Кандида. На овој антибиотик не можете да развиете отпорност. Тој помага да ја прочистите вашата крв, лимфните чворови и лимфните канали. Овој лек содржи седум природно моќни антибактериски и антивирусни супстанци. Овој рецепт е осмислен така што најлесно може да се избори со вирусите во доба на епидемија. Состојки: – 700 милилитри домашен јаболков оцет; – 1/4 шолја ситно исечкан лук; – 1/4 шолја исечкан кромид; – 2 ситно исечкани лути пиперки; – 1/4 шолја свежо исечкан ѓумбир; – 2 лажици изрендан рен; – 2 лажици куркума во прав. Подготовка: Сите состојки ставете ги во тегла, па добро затворете и протресете. Оставете ги состојките да отстојат во теглата 2 седмици, а одвреме-навреме протресувајте ја теглата. По 2 седмици течноста процедете ја низ газа, а потоа ставете ја во шише. Примена: Во текот на болестите, пијте по една лажица од течноста, шест пати дневно. Со овој сируп може да јадете и портокал или лимон и да пиете многу течности.

Грчките фармацевти со „Маска-19“ против семејното насилство во време на Ковид-19

Ивона Петрова — Tue, 28 Apr 2020 09:20:00 +0000

Ако си жртва на семејно насилство или на сексуални напади, дојди во аптеката во твојата населба и побарај ја маската што ќе ти спаси живот. Побарај „Маска-19“. Фармацевтот знае дека треба да извести на бројот 15900, пишува на постерот од Здружението на фармацевти во Грција кои учествуваат во европската кампања за борба против семејното насилство , јави дописничката на МИА од Атина. Од Здружението истакнаа дека кампањата „Маска-19“ се однесува на семејното насилство, како и на злоупотребата на жени и деца, а „семејното насилство, генерално достигна загрижувачки размери за време на пандемијата на Ковид-19“. Тие објаснуваат дека доста често жртвите се колебаат или се плашат да пријават насилство во полиција или да се јават на дежурниот телефон, со оглед на тоа дека поради карантинот, постојано се со сторителот, па затоа ги охрабруваат да се обратат до аптеката во нивната населба која најчесто ја посетуваат и веќе се познаваат со фармацевтите. – Не треба да се занемари блискоста што граѓаните ја имаат со фармацевтите, бидејќи нив им се обраќаат за секој нивни здравствен проблем. Здружението на фармацевти сака да помогне во охрабрувањето на жртвите на семејно насилство да го искористат меѓународниот код „Маска-19“ за време на разговорот со нивниот фармацевт, соопштуваат од здружението и објаснуваат дека во продолжение, фармацевтите одговорно и дискретно ќе им објаснат на жртвите што треба да направат или едноставно да ги остават нивните податоци, за фармацевтот да ги извести надлежните.