фарски острови – Kurir.mk

Еден гол беше доволен за Македонија да слави над Фарски Острови (ВИДЕО)

Дарко Андоновски — Mon, 27 Mar 2023 18:02:20 +0000

Македонија минимално со 1:0 славеше против Фаски Острови на арената „Тодор Проески“ во меч од пријателски карактер. Бојан Миовски со голот во 81 минута донесе радост на нашата репрезентација, која врза две победи во низа, откако пред неколку дена ја победивме и Малта, во квалификациите за ЕП 2024.

CUANDO PARECÍA QUE EL ARCO SE CERRABA CADA VEZ MAS, APARECE BOJAN MIOVSKI PARA ABRIR EL MARCADOR. 1-0 PARA LA MACEDONETA 🇲🇰🔥 @bojanmiovskii 🔥🔥🔥🔥 pic.twitter.com/FkZr1WVcmH
— Mecedonia 🇲🇰 ❁ (@macedoniaffmkd) March 27, 2023

Стефан Ашковски кој во игра влезе во 79 минута, одлично асистираше до Миовски кој исто така влезе како резерва во вториот дел, а напаѓачот од Абердин одлично биеше и го матираше голманот на гостите.

Фарските Острови го објавија списокот за мечот со Македонија во Скопје

Дарко Андоновски — Fri, 17 Mar 2023 20:06:40 +0000

Селекторот на фудбалската репрезентацијата на Фарските Острови го објави составот со кој ќе допатува во Скопје за пријателскиот натпревар против Македонија. Шведскиот стратег Хакан Ериксон кој ги води Фарските Острови од 2019 година во Скопје ќе допатува со 23 играчи, кои ќе бидат дел и за првиот меч со Молдавија во рамките од квалификациите за ЕП 2024. Досега Македонија нема меч со Фарските Острови во сениорска конкуренција. ГОЛМАНИ: Теитус Матрас Гетсон – ХБ Торшавн Матиас Хединсон Лахмхауге – Б36 Торшавн Бардур Рејнатрод – Викингур ОДБРАНА: Гили Ролантсон – Соренсен Ханус Соренсен – ХБ Торшавн Вилјормур Давидсен – ХБ Торшавн Даниел Јохансен – Фредериција (Дан) Одмар Феро – Клаксвик Хајни Ватнсдал – Клаксвик Гунар Ватнамар – Викингур Андриас Едмундсон – Агуилас (Шпа) СРЕДЕН РЕД: Јакуп Бископсто Андреасен – Клаксвик Ноа Ханс Мнеј – Брин (Нор) Мајнхард Егилсон Олсен – Мјондален (Нор) Мадс Бое Микелсен – Клаксвик Ари Мор Јонсон – ХБ Торшавн Солви Ватнхамар – Викингур Срефан Радосављевиќ – Слајго Р. (Ирс) Рене Јоенсен – Клаксвик НАПАД: Кламинт Андрасон Олсен – Брејдаблик (Исл) Патрик Јоханесен – Брејдаблик (Исл) Пал Андрасон Клетскард – Клаксвик Патур Петерсен – Акуреири (Исл)

Фудбал У-21: Фарски Острови ја изненадија македонската селекција

Ивана Ефремовски — Tue, 29 Mar 2022 18:12:59 +0000

Во квалификациски натпревар за Европското првенство 2023, македонската фудбалска репрезентација до 21 година, вечерва загуби од соодветната селекција на Фарски Острови со 1:0. Клучниот момент на натпреварот одигран на Арена „Тодор Проески“ во Скопје се случи во 52. минута кога Стефан Радосављевиќ реализира пенал за гостите. Избраниците на селектор Драган Канатларовски одиграа слаб натпревар без ниту една сериозна шанса за гол. „Црвено-жолтите“ го запишаа четвртиот пораз во Х-групата и останаа на шест бодови за во моментов претпоследно. 5. место. Фарски Острови со девет бодови се на 4. позиција. Следниот дуел македонските фудбалери треба да го имаат на 2 јуни против Украина на гостински терен. (МИА)

У21: Македонските фудбалери оптимисти пред дуелот со Фарски Острови

Тале Кристо — Wed, 06 Oct 2021 16:13:57 +0000

Македонската фудбалска репрезентација до 21 година денеска го одржа последниот тренинг пред утрешниот натпревар на гостински терен против Фарски Острови во Класвик, во рамки на квалификациите за пласман на ЕУРО 2023. Играчот за врска Али Адем истакна дека целта на сите репрезентативци е со победа да се вратат од Класвик и дуелот со домаќините, кои претходно на домашен терен одиграа нерешено против апсолутниот фаворит во групата, селекцијата на Франција. – Максимално сме фокусирани на натпреварот со Фарски Острови, со нетрпение го очекуваме утрешниот дуел. Имаме доволно време да се приспособиме на временските прилики тука, и да се подготвиме што подобро за мечот. Идеме чекор по чекор, верувам во моите соиграчи, имаме квалитет и доколку одиграме како што од нас очекува селекторот, ќе ја оствариме целта, а тоа е да се вратиме дома со три бода“, изјави Адем – Нема да биде лесно, во денешниот фудбал нема слаба репрезентација, истото важи и за нашата група. Фарски Острови е незгодна селекција, поготово кога игра на домашен терен. Играме на мал стадион, со вештачка трева, нема да биде лесно, но ќе дадеме се од себе за да ги освоиме трите бода, додаде македонскиот репрезентативец во изјава за сајтот на ФФМ.

Прогласија победа на коронавирусот – три недели немаат ниту еден случај

Магдалена Андонова — Thu, 11 Mar 2021 10:44:59 +0000

Отпрвин се чинеше дека е резултат на чиста среќа, но сега се чини дека било успешна стратегија, вели премиерот на Фарски Острови Бардур Штајг Нилсен. Фарските острови прогласија победа над коронавирусот на 26 февруари. Повеќе од три недели немаат нови случаи на инфекција. Од јули 2020 година, групата острови во Северен Атлантик има три бранови и секој пат кога бројот на случаи рапидно опаѓа. Отпрвин, се чинеше дека е резултат на чиста среќа, но сега се чини дека сепак е успешна стратегија, изјави премиерот на Фарски Острови Бардур Штајг Нилсен за Гардијан. Одговорот на данската автономна покраина на пандемијата беше многу сличен на стратегијата на другите земји: тестирање, следење контакти, заклучување, кампања и реорганизација на здравствениот сектор. Премиерот Нилсен смета дека нивниот пристап бил единствен. За разлика од другите влади, тие многу рано одлучија дека ќе влијаат на своите граѓани преку давање препораки наместо со издавање обврзувачки налози. Дека довербата раѓа доверба се покажа вистинита во нивниот случај. Фарската влада беше убедена дека законското ограничување на однесувањето на граѓаните ќе резултира со полош исход отколку што имаат денес. Сепак, стратегијата заснована на доверба не беше единствената причина зошто тие успеаја да го елиминираат Ковид-19. Нивното управување со пандемијата во текот на пролетта и летото беше уникатно заради ефикасноста на тестирањето. Тие имаа највисока стапка на тестирање по глава на жител минатата година. Тие тестираа до 2 проценти (или 1.000 луѓе) од вкупното население од 50.000 жители секој ден, а во јуни ги тестираа сите патници кои дојдоа на островите на аеродромот, со препорака сите да бидат повторно тестирани за шест дена. Кога започна пандемијата, ветеринарите предложија нивните лаборатории да се прилагодат на новонастанатата ситуација, така што луѓето во нив ќе можат да бидат тестирани за Ковид. Имаше соработка помеѓу приватните лаборатории и јавното здравство, така што тие ги зголемија своите капацитети за тестирање и до август можеа да тестираат 5-7 проценти од населението. Во комбинација со следење на контакти и стратегија за изолација, тие успешно го потиснаа ширењето на инфекцијата.

ВИДЕО: Погледнете како изгледа тунелот со кружен тек на дното на Атланскиот Океан

Ивона Петрова — Sun, 06 Dec 2020 13:54:44 +0000

Завршени се подводните работи на тунелот со кружен тек кој е изграден во Атланскиот Океан и истиот ќе биде отворен за неколку недели. Како дел од новиот 11 километри долг тунел на дното од океанот кој поврзува два од 18 Фарски острови, кружниот тек не е само функционален туку е и вистинска архитектонска скапоценост. За неговото уредување се погрижил фарскиот уметник Трондур Патурсон. Најниската точка на тунелот се наоѓа на 189 метри под морската површина. Фарскиот парламент во 2014 година ги одобри плановите за изградба на тунелот кој е втор по големина во светот. Тунелот ќе го скрати времето на патувањето меѓу двете места од 64 на само 16 минути, односно од 55 километри патување на 17 километри.

Милевски го објави списокот на фудбалери за натпреварите против Шпанија и Фарски Острови

Дарко Андоновски — Thu, 27 Aug 2020 13:16:56 +0000

Македонската фудбалска репрезентација до 21 година на почетокот од следниот месец ги продолжува квалификациските натпревари за пласман на Европското првенство. Селекцијата предводена од Благоја Милевски на 3 септември ја пречекува Шпанија (18:45 часот, Национална арена „Тодор Проески), додека на 8 септември гостува на Фарски Острови. Селекторот Благоја Милевски повика 24 играчи кои ќе конкурираат за настап на двата натпревари. Голмани: Ристе Јанков (Работнички), Давид Денковски (Брегалница), Марио Алчевски (Академија Пандев); Одбрана: Агрон Руфати (Истра, Хрватска), Есмин Личина (Македонија Ѓ.П.), Филип Антовски (Динамо Загреб, Хрватска), Тодор Тодоровски (Осиек, Хрватска), Ване Јованов (Академија Пандев), Никола Серафимов (Академија Пандев), Блертон Шеји (Струга Трим Љум), Марио Младеновски (Фремад Амагер, Данска); Среден ред: Давор Здравковски (АЕЛ, Кипар), Кристијан Ацковски (Брегалница), Енис Фазлагиќ (Жилина, Словачка), Димитар Тодоровски (Работнички), Томче Гроздановски (Злате Моравце, Словачка), Ердон Даци (Коњаспор, Турција); Напад: Милан Ристовски (Ријека, Хрватска), Дарко Чурлинов (Штутгарт, Германија), Кристијан Трапановски (Академија Пандев), Давид Тошевски (Ростов, Русија), Марко Ѓорѓиевски (Раднички Пирот, Србија), Љавдрим Фазлиу (Пелистер); – Поради промената во системот за натпреварување и начинот за пласман на Европското првенство, (првопласираните по група и петте најдобро пласирани втори репрезентации обезбедуваат место на ЕП), не ни преостанува ништо друго освен да се обидеме да освоиме колку што е можно повеќе бодови до крајот од квалификацискиот циклус. За овие натпревари ќе ни недостасуваат, односно нема да сметаме на Јани Атанасов и Емил Абаз, фудбалери кои се уште го немаат решено клупскиот статус, а поради повреда го немаме ниту Хајдари, вели Милевски во изјават за ФФМ.

Неизвесен натпреварот на младата репрезентација со Фарски острови

Дарко Андоновски — Mon, 18 Nov 2019 20:03:39 +0000

Утре во 10 часот ќе се знае дали македонскиот национален тим за фудбалери до 21 година, ќе игра со Фарски острови. Проблем е замрзнатиот терен. Судиите и делегатот во 10 часот ќе извршат инспекција на теренот, и потоа на официјален состанок ќе информираат дали има услови да се игра мечот на младите селекции, или ќе мора да биде одложен. Македонските таленти имаа тренинг кој траеше 40-тина минути, и тоа на мал дел од теренот, кој бил најмалку замрзнат. Доколку состојбата не се подобри, големи се шансите да не се игра овој дуел од квалификациите за ЕП. И домашната селекција ја информираше УЕФА за состојбата во Торшавн.