фатмир дехари – Kurir.mk

И градоначалник од редовите на ДУИ со критики до Владата на СДСМ и ДУИ

Ивана Ефремовски — Tue, 04 Oct 2022 16:00:07 +0000

Покрај низата високи партиски членово и екс-функционери, незадоволство од министрите на ДУИ изрази и градоначалникот на Кичево од редовите на оваа партија, Фатмир Дехари. Тој упати јавни критики поради одолговлекувањето на изградбата на кичевската болница, но и поради застојот на автопатот Кичево-Охрид. Говорејќи на овие теми во емисија на МТВ 2, Дехари го спомена и министерот за економија Крешник Бектеши, кој доаѓа токму од Кичево. Според кичевскиот градоначалник, Бектеши треба да биде, како што вели, погласен во насока на реализација на овие проекти.

Заев со поддршка за ДУИ во сите општини каде што се натпреварува со опозицијата: Во Кичево ќе го поддржат Фатмир Дехари, наместо Александар Јовановски

Катерина Бојаџиева — Sat, 23 Oct 2021 19:00:46 +0000

СДСМ во неколку општини ги поддржа кандидатите за градоначалници на ДУИ, а истото ќе го стори и во вториот изборен круг. Ја потврдија поддршката за кандидатите на ДУИ во сите општини каде што се натпреварува со опозицијата, па така во Кичево ќе го поддржат Фатмир Дехари, наместо Александар Јовановски. Премиерот и лидер на СДСМ Зоран Заев отворено порача дека во Чаир, Гостивар, Струга и Кичево, СДСМ ќе ја поддржи ДУИ. -Во Струга го поддржуваме Рамиз Мерко, во Кичево го поддржуваме Фатмир Дехари, во Гостивар го поддржуваме Невзат Бејта, во Чаир го поддржуваме Висар Гани и обратно во другите општини, како и очекуваме поддршка. Каде се нашите двајца коалициски партнери ДУИ и БЕСА, оставаме граѓаните сами да одлучат, вели лидерот на СДСМ, Зоран Заев.

ФОТО: Фатмир Дехари со другарите од 112-та бригада Мујдин Алиу го слави изгласувањето на Законот за јазици

Ивона Петрова — Wed, 14 Mar 2018 19:07:49 +0000

Градоначалникот на Кичево, Фатмир Дехари, поранешен пратеник на ДУИ, и поранешниот војник на УЧК, Хисен Џемаили, заедно со поранешните борци Хамзи Гаши, Али Самадраџа, Хусни Реџа, Измит Нура и Мемет Селмани, сите членови на 112-та бригада Мујдин Алиу, го прославија изгласувањеот на Законот за употреба на јазиците, известува Aktuale.mk. Поранешниот борец на бригадата 112 Мујдин Алиу, Хамзи Гаши со свој статус на Фејсбук. -Прославувајќи го официјализирањето на албанските јазик, војници, борбени другари на 112-та бригада Мујдин Алиу. Нема поубаво нешто од тоа кога аманетите од војната се реализирани, пишува Гаши на Фејсбук.

Фатмир Дехари, кој сега е познат и како “командант Струмица”, за четири години касата на фирмата “Ас сењак” ја наполни со над 2 милиони евра?!

Ивана Ефремовски — Thu, 08 Mar 2018 13:07:04 +0000

Општина Кичево, од општина која треба да биде во служба на граѓаните, стана општина која е во служба на одредени бизнис кланови, кланови кои го имаат "исцрпено" буџетот на општина Кичево со милиони евра, на штета на граѓаните и во нивна корист и во корист шефот на општината, Фатмир Дехари, кој прави далавери со благајната на општина Кичево, пишува Журнал. Фатмир Дехари, веќе е познат како "Командант Струмица" поради распределбата на средства за компании од Струмица за извршени обврски кон општина Кичево. Во последно време, општина Кичево е цел на незадоволство на своите граѓани, поради занемарување и неможност на градоначалникот Дехари да ги раководи ресурсите на општината за нивна корист. Журнал поседува неколку официјални документи на јавните набавки во општина Кичево со кои лесно може да се утврдат финансиските малверзации од страна на градоначалникот Дехари и неговата "тајфа" кои ги прават на штета на граѓаните на оваа општина. Врската со Фатмир Дехари на фирмата "АС СЕЊАК" во сопственост на Селаудин Арифи му помогна преку разни тендери од општина Кичево за четири години да апсорбира над 2 милиони евра. Не случајно, градоначалникот на општина Кичево, Фатмир Дехари, го избра станот на Селаудин Арифи за да живее со своето семејство. Иако според законските одредби, секој македонски службеник е должен целиот свој имот да го пријави во Антикорупциската комисија. Се сомнева дека станот од 200м2 каде што живее Фатмир Дехари, му е подарен како надоместок или благодарност за дадените тендери на компанијата "АС Сењак" на Селаудин Арифи. Тој не го почитува правилото и го нема пријавено како недвижност од 200 м2, лоцирана на првиот кат во една населба во Кичево, додека станот е изграден од фирмата „АС СЕЊАК" на Селаудин Арифи. Жителите на Кичево имаат бројни дилеми за овој факт и различно коментираат за нетранспарентноста на првиот човек на градот Кичево, Фатмир Дехари. Тие прашуваат дали Дехари го добил овој стан како награда за дадените тендери на компанијата на г-дин Селаудин Арифи? Покрај оваа компанија, во мрежата на финансиски малверзации на Фатмир Дехари е исто така и компанијата Дукла. Значи фирмите "Сењак" и "Дукла" имаат ист сопственик, пријателот и партнер на Фатмир Дехари, "АГАТА" Селаудин Арифи, кој поседува акции и во фабриката "Европа". Но, дали овие акции навистина се негови?! Во сите нормални земји во светот по објавување на такви документи, дури и во случај на пријавување од страна на граѓаните, во таа институција се врши официјална ревизија. Потпирајќи се на ваквото законско право, државниот завод за ревизија на Република Македонија, треба да ја провери и анализира целата документација на Кичево, со цел да се спречи понатамошна злоупотреба на граѓанските средствата на општина Кичево за лична корист, а не за доброто на граѓаните. Граѓаните чекаат реакција на Државната ревизија во општина Кичево.

Поранешен УЧК борец, сега градоначалник на Кичево, троши околу 150 илјади евра за тоалетна хартија, чоколади и пијалаци

Курир — Sat, 03 Mar 2018 10:51:38 +0000

Скандалите во општина Кичево не запираат. Парите на оваа општина од градоначалникот Фатмир Дехари и неговата "тајфа" се трошат залудно, а не во интерес на граѓаните за што се избрани да работат, пишува порталот на албански јазик Журнал.мк. Според порталот, скандалот што неодамна ги потресе "темелите" на општина Кичево, има врска со голема сума на пари потрошени од оваа општина за хигиенски производи (тоалетна хартија) и слични работи. Потпирајќи се на официјален документ за јавни набавки на Општина Кичево, кој го поседува Журнал, јасно се гледа како општина Кичево има потрошено големи средства за тоалетна хартија. -Само фирмата „Сењак“ од Кичево за снабдување на општината со храна, пијалоци и хигиенски производи добила 99,677.56 евра во три последователни добиени тендери во рок од 2 септември 2013 година до 15 декември 2014 година, објави Журнал. Градоначалникот на Кичево, Дехари, потрошил голема сума пари не само за тоалетна хартија, туку и за пијалоци и чоколади. -Така што од 13 јануари 2017 година до 26 декември 2017 година, фирмата "Дукла" ја снабдувала администрацијата на градоначалникот Дехари со пијалоци и прехранбени производи во вредност од 39,693.24 евра. Од друга страна потсетуваме дека претседателот Дехари во горенаведените периоди се жалеше дека општината нема доволно количество на нафта за затоплување на училишта во оваа општина, а од друга страна за (WC) тоалетна хартија, пијалоци и чоколадо потрошил околу 150 илјади евра. Значи, господине Дехари што е најважно, едукација на децата и интересите на граѓаните на Кичево или (WC) тоалетна хартија и чоколадо, пишува албанскиот портал.