Фатмир Лимани – Kurir.mk

Фатмир Лимани на Алфа: Извршителот на мафијата е Груби – шоферот на Али Ахмети е милионер, а живееше во куќа со штала

Ристе Здравков — Fri, 21 Jul 2023 19:45:10 +0000

Направив скрининг на богатството што го имаат луѓето во ДУИ, собрав храброст и ги објавив и вилата на Али Ахмети и куќата на неговиот шофер. Сите знаеме во каква куќа живееше порано неговиот шофер. Беше тип на куќа во два спрата, штала ја викавме порано, две соби горе, две долу, а долу стоеја животните. Сега има вила и огромно дворно место кое го има узурпирано, вели Фатмир Лимани, потпретседател на Движењето Беса во „За или против“ на телевизија Алфа. Меѓу другото, Лимани истакна дека извршителот на мафијата е министерот за политички систем и односи меѓу заедниците, Артан Груби. „Артан Груби имаше многу голема садоверба и за време на локалните избори, но во Кичево победија со помош на СДСМ, самодовереба дека ќе победат имаа и во Тетово, но изгубија со пет советнички места разлика. Самодовербата ја базираат на злоупотребените средства, мислат дека со тие пари ќе ги купат граѓаните, но не знаат дека граѓаните сега се на на друго повисоко ниво и парите ти ги зема и гласа против“, додаде Лимани.

Лимани: Крајот на ДУИ започнува со црната листа на САД која започна со Рамиз Мерко, само возниот парк на Али Ахмети е еден милион евра

Ристе Здравков — Fri, 21 Jul 2023 17:16:18 +0000

Американците ги ориентираат нашите граѓани со тоа што објавуваат лица како непожелни за САД, како што е последниот случај со градоначалникот на Општина Струга, Рамиз Мерко. Со тоа, тие велат дека во државата има криминал и тој криминал е кренат на ниво на градоначалници и во политичките субјекти. Тој е длабоко навлезен и се развива како метастаза и во владата и тоа е еден показател за кого граѓаните треба да гласаат. Американците не можат да донесат демократија тука, туку тие не ориентираат кон демократијата. Потенцирам уште еднаш, почетокот на разоткривањето и на нивниот крај крајот започнува со црната листа, или листата на непосакуваните на американскиот Стејтдепартмент, која почнува со Рамиз Мерко и на крај ќе заврши со секој функционер е замешан во курупција, без разлика да му припаѓа на таборот ДУИ, СДСМ или други, вели Фатмир Лимани во „За или против“ на телевизија Алфа, кој меѓу другото додаде дека крајот на ДУИ веќе започнал кога се тргнаа од програмските цели, кои во суштина беа во интерес на сите граѓани. Во однос на тоа дека граѓаните и до сега го знаеле, а ДУИ сепак уште владее веќе дваесет години, Лимани вели дека до сега граѓаните не знаеле за вилите кои ди поседува Али Ахмети, не знаеле дека неговиот син вози Порше, а неговата сопруга возило од марката БМВ и дека има високи партиски експоненти, како Фартмир Меџити кои не се согласуваат и веќе не ја поддршуваат веќе. „Корупцијата и криминалот не беше разоткриен како сега. Пред пет години не се знаеше дека Али Ахмети има вили, дека неговиот син има Порше, дека неговата сопруга има БМВ, дека вредноста на нивниот возен парк достигнува некаде околу еден милион евра. До вчера Албанците, но и Македонците мислеа дека тој е лидер кој не е замешан во овие коруптивни афери“, рече Лимани.

Лимани за „Фокус“: Ги познавам Ахмети, фамилија сме, пред 2001 беа сточари и земјоделци на работ на егзистенцијата

Ристе Здравков — Thu, 29 Jun 2023 12:07:56 +0000

Откако внукот од брат на лидерот на ДУИ, Али Ахмети, Дрин Ахмети се претстави пред јавноста како успешен млад бизнисмен, другиот внук на првиот човек на ДУИ, поранешен сопартиец, а сега потпретседател на „Беса“, Фатмир Лимани за „Фокус“ вели дека семејството Ахмети пред 2001 година биле сточари и земјоделци и секогаш на работ на егзистенцијата. -Јас ги познавам, фамилија сме, кои биле, колку имале, со што се занимавале пред 2001 година и после. Биле сточари и земјоделци и секогаш на работ на егзистенција, целата фамилија Ахмети, вели Лимани за „Фокус“. Нивното богатство, според неговите кажувања го стекнале после војната на сомнителен начин и според него сите институции да се ангажираат нема да можат да го најдат крајот на нивниот криминал. -Искористија непотрошени фондови кои останаа после војната во 2001 година, а за кои средства не дадоа конечна информација за потрошениот фонд „Повикува родниот крај“ и „Народното ослободување“, над 5 милиони швајцарски франци, долари и тогашни марки. Ја искористија позицијата на лидерот Али Ахмети при секоја тендерска постапка во сите институции, обвинува Лимани. Тој вели дека треба да се анализираат постапките за доделување на лиценци за хидроцентрали со капацитет од 1 мегават на Бачишка река и делот на Попова шапка, каде се учесници по други фирми. целиот текст прочитајте го ТУКА

Лимани: Ви ги презентирам сараите на Али Ахмети (ВИДЕО)

Ивана Ефремовски — Thu, 26 Jan 2023 13:15:25 +0000

Потпретседателот на Движењето БЕСА, Фатмир Лимани, излезе со нови обвинувања против првиот човек на ДУИ, Али Ахмети за неговите богатства и имоти. Еве ја неговата објава: САРАИТЕ НА АЛИ ПАША ВО МОЛК! • Дали навистина мислевте дека вечно ќе молчиме, за да го чувствувате луксузот со вкус и во целосен мир?! • Мислевте дека молкот е поради стравот дека можеме да бидеме елиминирани и да ги казниме нашите семејства?! • Набивањето со разумност е нашето воспитување од нашите предци, кои нè научија на културата на разумност, но и ни ги покажаа границите на трпението кои не треба да се надминуваат и толерираат. • Додека ние имаме затвори како племе и никогаш не се плашиме од никого затоа што сме биле тестирани во минатото со освојувачи од вашиот вид. ПРАШАЊА НА КОИ ТРЕБА ДА СЕ ОДГОВОРИ: -Штабот во Тетово (кај палатата на културата) со чии пари и на чие име е купен?! -Штабот во Скопје (во Чаир) со чии пари и на чие име е купен?! -Вилата во заливот Лалез со чии пари и на чие име е купена?! -Хидроцентралите на реката Бачишти во име и сопственост на кое лице се?! -Кога и за колку се купени парцелите?! -Со кои пари се купени парцелите околу Сарајот на Али?! -Надоместокот на швајцарскиот суд, за злоупотребената пензија од Али бег, од кои фондови се враќаат средства?! -4.000.000 евра од Фондот „Национална слобода“ што останаа по војната, каде отидоа, кој ги зема?! *ПС: Осмели се и сподели да те видат сите, жртвувај се за твоето дете утре да биде блиску до тебе, на денот кога даваш душа, да ти даде чаша вода ... Продолжуваме...“, напиша Лимани.

Лимани: Беса не оди во Тирана за да ја спасува владата

Ристе Здравков — Mon, 09 Jan 2023 09:41:38 +0000

Во разговор за МКД.мк потпретседателот на Движењето Беса, Фатмир Лимани вели дека Беса нема да оди во Тирана на покана од албанскиот премиер Еди Рама. Toj вели дека целта на закажаната средба на лидерите на партиите на Албанците во Тирана е промовирање на нова Влада на Димитар Ковачевски проширена со уште еден коалициски партнер и спас на речиси две години мандат. „На иста маса со Ахмети не седнуваме“, вели Лимани. „На Централно претседателство на Беса донесовме одлука ако на состанокот во Тирана присуствува Ахмети дека ние нема да седнеме на иста маса, односно Беса не оди во Тирана“, вели Лимани. Тој потсетува дека Беса пред еден месец имаше упатено покана до партиите на Албанците со свои претставници да седнат на една маса и да изградат заеднички став во врска со „францускиот предлог“ за уставни измени. „Ахмети тогаш врати со понижувачки одговор кон нас, во смисла дека Беса не е фактор за да повикува на вакви состаноци, но и рече дека состанок само на албански лидери не е во духот на градење доверба помеѓу Албанците и Македонците. Значи, не треба да седнуваме одделно од Македонците зашто се работи за критичен период, кога се потребни гласови за уставни измени од пратеници Македонци“, вели Лимани. Тој поставува прашања: „Во овој случај дали состанокот во Тирана е во духот на градење на меѓусебна доверба? Зошто СДСМ го поздрави овој чин и состанокот во Тирана? Што се крои таму?“ И дава одговори: „Просто е. Состанокот е во духот на спасување на криминалната влада СДСМ - ДУИ, а во која, според мене, ќе промовираат и други коалициски партнери. Лимани вели дека Беса останува на ставот за уставни измени, останува на евроинтеграцискиот пат, но нагласува дека се тоа прашања за кои треба тука во Македонија да се постигне договор, а не да се бара помош за опстанок на криминалци во врвот. Тој потсетува како пред шест години т.н. тиранска платформа креваше тензии во Македонија и вели дека ако партиите се за напредок на земјава дека треба проблемите овде да се решаваат, и сите пратеници и Албанци и Македонци да создадат добра клима за позитивни одлуки во парламентот. На крајот Лимани потсетува на партиски став. „Нема да присуствуваме на состаноци на кои се присутни криминалци кои депортирајќи ги младите ја испустија земјава“.

Фатмир Лимани на Фејсбук објави средба со Мицкоски

Ристе Здравков — Fri, 13 May 2022 18:56:29 +0000

Откако албанските медиуми како скандалозна и тајна ја објавија средбата на лидерот на ВМРО-ДПМНЕ Христијан Мицкоски, градоначалникот на Тетово и лидер на Беса Билал Касами и Фатмир Лимани, сега дел од Беса, тој на „Фејсбук“ им возврати со сите теми на кои разговарале, порачувајќи му на „Али Бег“ дека нема потреба од шпиони, зошто сам ќе си каже што се зборувало. НА СРЕДБАТА СО МИЦКОСКИ РАЗГОВОРЕМЕ: ️️🔸 За средбата на А.Ахмети и Мицкоски што се одржа во Собранието, но и молбите на Али за формирање предизборна коалиција..❗️ 🔸️ За барањето на ДУИ, да добијат „ЛИЦЕНЦА“ за приватна ЛОТАРИЈА, за уште појако да се инсталира Коцкарскиот систем во државата..❗️ 🔸️ За милионските пазарења на ЧЕТАТА, во врска со „КОРИДОРОТ 8“ ❗️ 🔸️ За злоупотребите и рекетирањето направени од страна на функционерите кои ја водат УЈП .. ❗️ ️ 🔸️За спас на државата од АРАМИСКАТА ЧЕТА на чело со Карадузен Али Бег.. ❗️ 🔸️ Дури и за .... ️ ️Напиша на Фејсбук Лимани. Проект за проширување на најфреквентниот пат во Чаир кој го вети и никогаш не го реализираше четата на Карадузенот... 😉 ️◾️ * П.С.: На шпионот на Карадузенот да не му „останува на ум“ за што сме дискутирале, следниот пат е добредојден на масата затоа што јас секаде зборувам отворено. 13 мај 2022 година Тетово Ф.Б.Л. Додаде Лимани.

Внукот на Али Ахмети обвини дека ДУИ направија милиони: „Еден шофер има куќа од милион долари“ – најави и дека ќе презентира докази

Магдалена Андонова — Wed, 23 Feb 2022 09:23:16 +0000

Независниот кандидат за градоначалник на Општина Кичево на изминатите избори, воедно и внук на лидерот на ДУИ Али Ахмети, Фатмир Лимани во „Kлик плус“ на ТВ21 истакна дека членови, односно тесната структура на ДУИ направиле милиони, а во наредниот период ќе презентира и докази. - Како може еден шофер да има куќа од милион долари, рече Лимани. Меѓу другото, претходно го обвини и лидерот на ДУИ Али Ахмети дека е диктатор кој е 20 години на власт. - Никаде во Европа нема таков пример, рече Лимани. Како што е познато пред извесно време, односно по локалните избори Лимани одлучи да се приклучи на Беса.

Внукот на Ахмети кој премина кај Касами: Мицкоски е идниот мандатар

Ристе Здравков — Fri, 28 Jan 2022 18:36:34 +0000

Фатмир Лимани, роднина на лидерот на ДУИ Али Ахмети и независен кандидат за градоначалник на Кичево на последните локални избори, кој денеска премина во Беса, најавува дека ќе се залага за обединување на албанската опозиција во пресрет на следните парламентарни избори, независно дали ќе бидат вонредни или во редовниот термин. Во изјава за Фокус, Лимани вели дека преговарал за припојување и кон Алијанса за Албанците на Зијадин Села, но наместо со АА, успеал да постигне договор за соработка со Беса на Биљал Касами, каде ќе биде координатор за цела петта изборна единица. -Преговорите со Алијанса не успеаа поради нивниот локален огранок во Кичево, поради кој всушност не постигнавме договор. Но, успеавме да се договориме со Беса, во чии рамки нема само да делувам само во Кичево, туку и во Струга, Охрид, Битола, Долнени и цела петта изборна единица – вели Лимани. Кога говори за обединување на албанската опозиција, тој посочува дека мисли на Беса и на Алијанса за Албанците, но не и за новиот владин партнер Алтернатива, бидејќи, според него, партијата на Африм Гаши има договор со ДУИ за да добие 3 пратенички места на заеднички листи на следните избори. Според него, Беса и Алијанса заедно можaт да ја загрозат ДУИ на изборите и да освојат доволен број на пратеници кој ќе им овозможи да бидат легитимен и стабилен партнер во идната влада, која, како што истакнува Лимани, нема дилеми дека ќе ја формира ВМРО-ДПМНЕ, а Христијан Мицкоски ќе бидат мандатар. -Ако сме обединети, може да освоиме 12 пратеници најмалку, од кои еден во првата, по 2 во втората и петтата изборна единица, како и најмалку 7 во шестата изборна единица, каде локалната власт во Тетово и Гостивар е во раце на опозицијата. Со 12 пратеници, а може да освоиме и повеќе, дефинитивно влегуваме во идната влада – смета Лимани. Инаку, Лимани е во роднински врски со Ахмети и со неговиот вујко Фазли Велиу. Тој стана актуелен во јавноста кога лани најави дека ќе се кандидира за градоначалник на Кичево, за да му се спротивстави на долгогодишниот градоначалник и некогашен сопартиец Фатмир Дехари. Дотогаш, беше заменик-директор на АД ЕСМ или поранешно ЕЛЕМ. Како што е познато, во градоначалничката трка во Кичево, Лимани освои над 5 илјади гласа во првиот изборен круг, но не успеа да се пласира во вториот круг, каде влегоа Дехари и кандидатот на ВМРО-ДПМНЕ Александар Јовановски. Иако Јовановски водеше во првиот круг, а Лимани индиректно ги упати своите поддржувачи кон него, сепак, на крајот Дехари доби уште еден мандат.

Фатмир Лимани од денеска е член на Беса

Тале Кристо — Fri, 28 Jan 2022 09:47:10 +0000

Поранешниот заменик-директор на ЕСМ и внук на Али Ахмети, Фатмир Лимани, денес ќе ѝ се приклучи на партијата Беса заедно со својата политичка структура, објави Алсат. Лимани беше независен кандидат за градоначалник на Кичево на локалните избори минатата есен. Од Беса велат дека станува збор за крупен политички настан, поради тоа што Лимани, покрај во Кичево, каде водеше тесна борба за градоначалничката функција, има ограноци и во Скопје, Арачиново, Битола, Струга и во други места. Приклучувањето на Лимани го потврди и лидерот на опозициската партија Беса, Биљал Касами. Лимани со години беше член на ДУИ, но ја напушти партијата по серија несогласувања со раководството.

Лимани: ДЕГЕНИ! Секогаш кога им е загрозена власта ги спомнуваат НАТО и ЕУ

Ивана Ефремовски — Wed, 10 Nov 2021 15:36:42 +0000

Секогаш кога им е загрозена власта, тие ги спомнуваат: Америка, Европска Унија и НАТО. Всушност тие се против падот на криминалната власт, која не се задоволува со присвојување општото погатство. Абе гревчиња, каде Америка се занимава со докажани криминалци, кои за две децении жив го дерат народот на оваа земја, пишува Фатмир Лимани, кој беше кандидат за градоначалник на општина Кичево. „Последни докази дека пред се ги интересира богатењето од злоупотреба на народните фондови се: • Прогласување на вонредна состојба поради електричната криза, која однапред ја имаа испланирано и наместено, за продажба и купување на електрична енергија преку компании создадени и управувани од тие кои ја прогласија кризната состојба !!! • Промовирање на проектот за пругата Кичево-Лин, кој го обновуваат секогаш кога же им дојде јајцето до г...., а кој во последната деценија не е поместен од нулта точката ниту милиметар. • Го промовираа и проектот Коридорот 8, однапред испланиран да помине низ нивните шатори и каменорезери во легендарниот Буковик, а од кој корист ќе имаат само оние кои го правеле планот. • Ќе го направат патот Тетово-Призрен, проект кој како и десетици други проекти ќе остане само нацртан хартија слично како автопатот Кичево-Охрид, Скопје-Блаце... итн. Плановите дизајнирани со мапи додадени на Буковик нема да ја видат светлината на денот бидејќи времето на диктаторското животно дејствување е во фаза на вечно заоѓање. Казната ви доаѓа викендот, за сите досегашни злодела„ - пишува Лимани.