фаворити – Kurir.mk

Манчини ги прогласи фаворитите за освојување на Серија А во сезоната 2022/23

Тале Кристо — Wed, 10 Aug 2022 15:05:22 +0000

Селекторот на Италија, Роберто Манчини зборуваше за неговите очекувања за сезоната 2022/23 во италијанскиот шампионат. Фудбалскиот стручњак верува дека Милан, Интер и Јувентус ќе конкурираат за трофејот во Серија А. – Милан имаше тивко лето, но има простор да расте. Леао може да стане уште подобар. Истото важи и за Тонали. Кога сме кај Интер, Лукаку прави голема разлика во Италија. Алесандро Бастони може да стане одличен дефанзивец, но треба да работи за тоа, го цитира Манчини „La Gazzetta dello Sport“. Италијанскиот шампионат за сезоната 2022/23 започнува на 13 август. Милан победи минатата сезона под водство на тренерот Стефано Пиоли.

Анчелоти: ПСЖ и Сити се фаворити за трофејот во ЛШ

Магдалена Андонова — Tue, 04 Aug 2020 14:01:37 +0000

Менаџерот на Евертон, Карло Анчелоти, ја коментираше големата желба на Јувентус да ја освои ЛШ, исто така откривајќи кои се неговите фаворити за трофејот на турнирот. – Тоа е манија, но и многу силна мотивација. Двете работи се поврзани. Клубот ја гледа Лигата на шампионите како инвестиција, не само емотивна. Мислам дека до моментот кога ќе стигнете до финалето, веќе сте го дадле најдоброто. Остатокот е во рацете на Господ. Непредвидливоста на „Ф8“ може да биде предност. Натпреварите се одлучуваат во еден меч, ќе има многу финалиња, не само во едно. Кои се фаворитите? Овие се најмотивираните клубови. Оние кои го поставија трофејот од турнирот како нивна главна цел за дадена сезона или период. Пари Сен Жермен, кој никогаш не стигна до полуфиналето, и Манчестер Сити, иако Французите не се многу среќни што им се падна, изјави Анчелоти за „Кориере дело Спорт“. (МИА)

Венгер ги именува фаворитите во Лигата на шампионите

Магдалена Андонова — Mon, 03 Aug 2020 07:03:50 +0000

Поранешниот тренер на Арсенал, Арсен Венгер ги кажа своите фаворити во тековната Лига на шампиони. – За мене, Манчестер сити и Пари Сен-Жермен се два фаворита во однос на нивниот потенцијал. Чувствувам дека ПСЖ е малку посилен од пред три или четири години, кога и конкуренцијата исто така беше посилна. Мислам дека има генерален пад на квалитетот на европскиот фудбал. Но, парижаните сè уште се меѓу првите две или три екипи во Европа, изјави Венгер. Не смееме да бараме лажни причини зошто ПСЖ сè уште не ја освои ЛШ. Дури и Реал Мадрид не победи 10-15 години, а потоа трипати по ред го освојуваше европскиот трон, додаде францускиот фудбалски стручњак. Лигата на шампионите ќе продолжи на 7 август, а во двете формирани четвртфинални двојки се среќаваат: Аталанта – ПСЖ Лајпциг – Атлетико Мадрид. (МИА)