федерализација – Kurir.mk

Искуството ги вознемири граѓаните: Заев „патриотски“ застана против федерализација на Македонија?!

Љупчо Цветаноски — Fri, 10 Jul 2020 09:33:50 +0000

Поведени од претходното горко искуство, граѓаните се видно вознемирени по најновата објава на лидерот на СДСМ, Зоран Заев, кој овојпат јавно и без посебна провокација проговори контра федерализацијата. Заев на својот Фејсбук профил напиша дека во ВМРО-ДПМНЕ ништо не се променило и оти обидот да ги заплашат граѓаните со федерализација е, како што посочува, доказ дека губат. – „Во ВМРО-ДПМНЕ ништо не се променило. Повторниот очаен обид да ги заплашат граѓаните со федералзиација е доказ дека губат! Да излеземе на гласање и силно да ги поразиме на 15 јули“, напиша Заев на ФБ. Проблемот е што секогаш кога Зев декларативно брани нешто, потоа испаѓа дека истото се остварува. Така беше со не/промената името, со Уставот, со двојазичноста. Подготвува ли нешто ново Заев сега на полето на федерализацијата на Македонија. Оваа негова објава на „ОДБРАНА“ контра федерaлизацијата, граѓаните ја гледаат и прифаќаат како спротивно дејание на лидерот на СДСМ. На страна што видното брзање во пораката со тотална правописна утка во зборот „федералзиација“ покажува дека некој на екс Бихаќка е во голема паника за она што следува на 15.јули. И се почестото спомнување на зборот „патриотизам“ од Зоран Заев во претходните објави и настапи на митинзите, истиот збор за кој тој лично напати призна дека воопшто не им прилега, во комбинацијата со паничниот говор на телото, за познавачите на состојбите е уште еден репер дека политичкиот давеник се фаќа за сламка. Граѓаните се потсмеваат со неговата претходна објава на ФБ, во која тој ветува правда за сите, како дел од неговиот „патриотизам“: „Како што покажавме одлучност и патриотизам во решавањето на отворените прашања и во внесувањето на земјата во НАТО, со истата одлучност, страст и сила ќе донесеме правда и владеење на правото за сите.“ вети трипати аболираниот Заев, кој во последната бомба за Мијалков, признава дека тој му го затскрил и забошотил криминалот во општина Струмица. На страна, што некој треба да го научи на вистинското значење на зборот ПАТРИОТИЗАМ, кој дефинитвно не значи газење нанационалните светии, понижување на нацијата, распродажба на историјата и ставање во подредена улога на својата држава.

ВИДЕО: Колозова освен промена на име, заговара и федерализација

Ивана Ефремовски — Thu, 27 Sep 2018 12:35:57 +0000

Професорката Катерина Колозова, која важи за поддржувач на договорот од Преспа за промена на името, повикува да се гласа „За“ на претстојниот референдум. Но, освен тоа, оваа професорка заговара и федерализација на Република Македонија, па бранејќи ги ставовивте на власта, таа во јавна телевизиска дебата зборува за правење на федерација. Недвосмислено, Колозова наведува дека е можно после референдумот на Македонија да ѝ следи федерализација. -Хипотетички да замислиме, утре можеби ќе бидеме некаква федерација. Федерација на што? На Албанци и ...? Како се вика оваа другава заедница? Македонци. Според мене, токму затоа што и особено во светло на ова договорите меѓу Косово и Србија и фактот дека лебди над нас некаква неизвесност околу стабилноста во геостратешка и геополитичка смисла, мене ми е важно оваа заедница, според членот 7 да го задржи нејзиното име, за ако утре биде некаква федерација, јас да постојам во некаква форма, истакна Колозова.

ВИДЕО: Заев за советник си избрал човек кој се залага за федерализација на Македонија

Ивана Ефремовски — Sat, 12 May 2018 08:25:36 +0000

Џезаир Шаќири, познат како командант Хоџа е лицето кое Зоран Заев си го вработи како свој советник. Под остар притисок од јавноста и медиумите, Шаќири вчера соопшти дека се повлекува од оваа функција. Сепак, останува прашањето кој дозволи овој човек да влезе во кабинетот на Заев? Според информациите кои допреа до медиумите, Зоран Заев лично ги бирал своите советници, меѓу кои и командант Хоџа, човек кој јавно се залага за федерализација на Македонија. -Мене ми се допаѓаат идеите на НДП и на Зијадин Села каде што велат стоп, до сега сте правеле што сте правеле со Албанците во Македонија, сега да одиме со федерализација на Македонија. И тоа се идеи за поздравување кои треба да се поддржат, вели човекот кого Заев го назначи за советник. Новинарот го прашува Шаќири: „Што значи федерализација, отцепување“? -Не, отцепување не се дозволува без меѓународната заедница која одлучува, но во рамките на шаховските коцки можеме да бараме федерализација, конфедерализација. Тоа се примери со кои дури и државите од европската заедница кога имале конфликти меѓу две националности ги стагнирал понатамошните проблеми. Јас лично, како единствен избор го гледам федерализирањето на Македонија, истакнува командант Хоџа. Да потсетиме, деновиве објавивме повеќе скандалозни изјави од овој човек. Така, човекот кој Заев си го избра за советник, предлага паралелни институции и соединување на Македонија кон Албанија. Порачуваше и дека Албанците во Македонија треба да војуваат со Македонците. Најсилни реакции кај јавноста јавија неговите изјави дека е горд на терористите кои кај Диво Насеље убија 8 и ранија над 30 припадници на македонските безбедносни сили. За командантите вели дека е горд на нив и сега му се другари. -Јас сум горд што ми биле другари, се бореле како лавови. Биле предадени и сепак издржале се до последен момент онака како што им доликува на јунаците слични на Мит Соколи на нашата нација, рече тој во интервју за KTV. Човекот кој Заев си го избра за советник искажува своевидна гордост за пукањето кон големиот број на припадници на македонските безбедносни сили во тоа време. -Да кажам само еден пример, единицата Тигри има 520 припадници кои што важат за најсилни и најтренирани во Македонија. Од нив 8 се убиени и 37 ранети. Ако ги поделиш излегува дека 10 % од најсилната полициска единица во Македонија се елиминираше. Да не зборуваме за деморализирање на останатите кои, според информациите што ги имаме се со големи трауми, истакна командант Хоџа.