Федерика Могерини – Kurir.mk

Заев во Брисел на проштална вечера со Могерини

Ивона Петрова — Tue, 29 Oct 2019 06:40:27 +0000

Премиерот Зоран Заев денеска во Рим ќе има средба со претседателот на италијанската Влада, Џузепе Конте, по што ќе замине за Брисел каде што ќе учествува на прошталната работна вечера на високата претставничка за надворешна и безбедносна политика на ЕУ Федерика Могерини со лидерите на земјите од Западен Балкан. Заев е во посета на Рим на покана од Конте, кој по состанокот на Европскиот совет во Брисел на кој беше одложена одлуката за старт на преговорите со Северна Македонија, најави дека ќе побара повторно отворање на прашањето за проширување на ЕУ во ноември. Заев минатата недела во ТВ интервју потврди дека со Конте ќе разговараат за проширувањето што треба да биде тема на Советот за општи работи на ЕУ (ГАК), најавен за 19 ноември. Премиерот на Италија, Џузепе Конте, по состанокот на европските лидери во Брисел на кој не беше донесена одлука за старт на преговрите со Скопје и Тирана, оцени дека тоа е историска грешка. Најави дека ќе побара да се поправи грешката и повторно да разговара за датумот за преговори со Северна Македонија и за Албанија веќе во ноември. МИА

Меркел, Клинтон и Могерини во бикини: Моќните политичарки во најопуштеното издание (ФОТО)

Ивана Ефремовски — Sat, 31 Aug 2019 11:25:37 +0000

Тие се најмоќните дами на планетата и секогаш ги гледаме конзервативно облечени, на службена должност. Но, што се случува кога папараците ги фаќаат во костим за капење? Па, се знае, ексклузивна вест во светот! Ангела Меркел, Федерика Могерини и Хилари Клинтон, вака изгледаат во бикини.

Во живо: Хан и Могерини ги презентираат извештаите за напредокот на земјите кандидати

Катерина Бојаџиева — Wed, 29 May 2019 11:54:32 +0000

Евромесарот за проширување Јоханес Хан и високата претставничка за надворешна политика Федерика Могерини, на прес-конференција во Брисел ги презентираат извештаите за напредокот за земјите кандидати за членство и стратегијата за проширувањето на ЕУ за 2019.

Лидерите на ЕУ вечерва ќе се договарат за наследниците на Јункер и Могерини

Ивана Ефремовски — Tue, 28 May 2019 10:22:58 +0000

Лидерите на ЕУ денеска ќе се сретнат во Брисел за да преговараат за личностите кои ќе ги предводат клучните институции на ЕУ во следните пет години, откако изборите за Европскиот парламент го разбрануваа политичкиот спектар во Европа. Шефовите на држави или влади на членките на ЕУ ќе имаат работна вечера, за да се договорат кој ќе биде наследникот на Жан-Клод Јункер на функцијата претседател на Европската комисија. Тие, најверојатно, ќе ги разгледаат и можните кандидати за претседател на Европскиот совет, за висок претставник на ЕУ за надворешна и безбедносна политика, функција што досега ја извршуваше Федерика Могерини, како и за прв човек на Европската централна банка. Германската канцеларка Ангела Меркел изјави дека сака брз договор за тоа кој треба да ја предводи Европската комисија, која предлага и ги спроведува законите на Унијата. На изборите за Европскиот парламент, Европската народна партија (ЕПП) освои најголем број мандати – 179, но за да обебзеди мнозинство, же мора да формира коалиција со најмалку две други партии. Засега е неизвесно дали ЕПП ќе ја продолжи коалициската соработка со второрангираната група на Прогресивната алијанса на социјалистите и демократите (СД), имајжи предвид дека нејзиниот лидер Удо Булман изјави дека конзервативците ја загубила политичката моќ на изборите и оти не може да бараат тие да решаваат кој ќе биде новиот претседател на Еврокомисијата. (МИА)

ФОТО: Вучиќ на Могерини ѝ подари корпа со Велигденски јајца, па ѝ го покажа нашиот обичај

Предраг Кукиќ — Tue, 30 Apr 2019 17:17:40 +0000

Претседателот на Србија, Александар Вучиќ денеска се состана со високата претставничка на ЕУ за надворешна политика и безбедност, Федерика Могерини во Берлин, каде вчера беше одржан самитот за Западен Балкан. Претседателот на Могерини како подарок ѝ однел Велигденски јајца, а потоа како што традицијата налага, се кршеле со јајца. Инаку, самитот за Западен Балкан се одржа во организација на лидерите на Германија и Франција, Ангела Меркел и Емануел Макрон.

View this post on Instagram

"Uskršnji poklon" - Predsednik Vučić doneo je korpicu uskršnjih jaja Federiki Mogerini, visokoj predstavnici EU za spoljnu politiku i bezbednost #Serbia #EU #Eastertradition

A post shared by Budućnost Srbije (@buducnostsrbijeav) on Apr 29, 2019 at 5:03am PDT

Могерини повика на мирно и политичко решение во Венецуела

Предраг Кукиќ — Thu, 07 Feb 2019 17:39:41 +0000

Високата претставничка на ЕУ за надворешна политика и безбедност Федерика Могерини денеска повторно побара мирно и политичко решавање на кризата во Венецуела. Таа на отворањето на состанокот на Меѓународната контакт група во Уругвај истакна дека такво решение претставува единствен начин да се избегне натамошен хаос во Венецуела. Претседателот на Венецуела Николас Мадуро е повикан од граѓаните кои протестираат да се замине од власт, а истовремено три милиони луѓе ја напуштиле земјата и заминале во странство.

Тахири: Ставот на ЕУ за Трепча е воено подбуцнувачки, Могерини е во служба на Србија

Предраг Кукиќ — Tue, 05 Feb 2019 20:33:53 +0000

Поранешната косовска министерка за евроинтеграции и главна преговарачка во дијалогот меѓу Приштина и Белград, Едита Тахири ја оцени како скандалозна изјавата на портпаролката на Европската комисија, Маја Коцијанчич дека „прашањето на рудникот Трепча треба да се реши со финалниот договор меѓу Косово и Србија“, јави дописникот на МИА од Приштина. Тахири за порталот „Калѕо“ оцени дека ваквата изјава на Коцијанчќ е „воено подбуцнувачка“, додека за високата претставничка на ЕУ за надворешна политика и безбедност, Федерика Могерини вели оти покажала дека застанала на страната на Србија и веќе не може да биде посредник во преговорите меѓу двете држави. – Силно се спротивставувам на оваа скандалозна, воено подбуцнувачка изјава, од канцеларијата на Могерини, која покажува дека Могерини застана на страната на Србија, со што ја изгуби довербата дека може да биде неутрален посредник во дијалогот во Брисел. Ова не е став на ЕУ, туку само на некои тамошни службеници кои се на погрешен пат, изјави поранешната главна косовска преговарачка со Белград. Според неа, Могерини веќе не службува за ЕУ и работи на штета на земјите од Западен Балкан. – Мислам дека прашањето во чија служба е Могерини е хипотетичко, бидејќи е јасно дека не ѝ службува на ЕУ, ниту пак ги штити принципите на ЕУ за Западен Балкан, каде што шест држави, вклучително и Косово, се на патот на евроинтеграциите, изјави Тахири. Според неа, алрамантно е непочитувањето од страна на канцеларијата на шефицата на дипломатијата на ЕУ на ставовите на земјите кои ја признаваат независноста на Косово. – Не треба да заборават ниту Могерини, ниту Коцијанчич, дека 23 земји членки на Европската унија ја признаваат косовската држава, а само пет не ја признаваат. Алармантно е што Канцеларијата на Могерини не ги почитува ставовите на државите лидери во Европа, како Германија, Франција, Велика Британија…, кои се категорично против промената на границите меѓу Косово и Србија, изјави Тахири. Денешната изјава на Коцијанчич за српските медиуми, по повод изгласувањето на Статутот на рудникот Трепча во Собранието на Косово, дека тоа прашање, „како и сите други отворени прашања меѓу двете држави, треба да се реши единствено преку финализација на дијалогот“ меѓу Косово и Србија, предизвика жестоки реакции во Приштина. Косовскиот премиер Рамуш Харадинај, како и претседателот на Собранието Кадри Весели, лидерот на опозицијата Иса Мустафа, вицепремиерот Енвер Хоџај и други косовски челници порачаа дека Трепча е внатрешно прашање на Косово, за кое апсолутно не може да се преговара со Белград. Харадинај, како што јави МИА од Приштина, оцени дека, со ваквиот став кон Трепча, Брисел покажа дека „го изгубил патот во сопствениот двор“ и дека „очигледно се залага за поделба на Косово“. Парламентарниот спикер, Весели порача дека „Трепча ниту била, ниту е, ниту пак ќе биде отворено прашање во дијалогот со Србија“. – Со овој јазик, ЕУ ги урива сите перспективи на дијалогот за добрососедство. Трепча е природно право на косовската држава, напиша Весели. Лидерот на најголемата опозициска партија, Демократскиот сојуз на Косово (ЛДК), Мустафа, оцени дека барањето за дијалог со Белград за Трепча е „апсурдно и неприфатливо, како што е неприфатливо со Србија да се води дијалог за границите и територијата на Косово“. – Вака како што тргнале (од ЕУ), еден ден ќе ни бараат и да не дишеме без за тоа да водиме дијалог со Србија, напиша Мустафа на својот профил на Фејсбук. Вицепремиерот и поранешен шеф на косовската дипломатија Енвер Хоџај рече дека е „шокиран од изјавата за Трепча на портпаролката на ЕК“. – Апсолутно е неприфатливо ЕУ да дава такви неодмерени изјави кои можат да му наштетат и на дијалогот со Србија. Националните ресурси на Косово не се дел од дијалогот, напиша Хоџај на Твитер.

Могерини повторно побара укинување на косовските царини

Ивона Петрова — Tue, 08 Jan 2019 12:49:57 +0000

Високата претставничка за надворешна политика и безбедност на ЕУ, Федерика Могерини, денеска во Брисле се сретна со членовите на косовската делегација избрана за дијалогот со Србија, соопшти нејзиниот кабинет. Во соопштението се наведува дека за Могерини „присуството на делегацијата во Брисел е доказ за тоа дека косовските власти даваат приоритет на нормализацијата на процесот“. Како што јави дописничката на МИА од Брисел, високата претставничка ја искористила можноста да им повтори на членовите на делегацијата дека под „итно“ треба да се укинат царините за производите од Србија и Босна и Херцеговина, кои Косово ги покачи на сто отсто кон крајот на 2018 година. Србија инсистира дека додека не се укинат овие царини дијалогот помеѓу двете страни не може да продолжи. Овој дијалог го посредува Федерика Могерини во име на Европската Унија. Последната рунда во ноември во Брисел заврши без никаков напредок. – Постигнувањето на комплетен и правно обврзувачки договор за целосна нормализација на односите во контекст на дијалогот помеѓу Белград и Приштина бара клима која придонесува за доборососедски односи, во кои минатите договори се почитуваат и применуваат, а акциите и изјавите кои не се компатибилни со општиот интерес и стратешките цели на регионот се избегнуваат, посочи Могерини по средбата. МИА

Могерини очекува Приштина да ги укине дополнителните царини

Предраг Кукиќ — Wed, 14 Nov 2018 19:33:13 +0000

Високата претставничка на ЕУ за надворешна политика и безбедност Федерика Могерини денеска изјави дека очекува властите во Приштина да ги укинат воведените дополнителни царини од 10 отсто за увоз на стоки од Србија и Босна и Херцеговина. На заедничката прес-конференција со албаснкиот министер за надворешни работи Дитмар Бушати во Брисел, одржана по завршувањето на соостанокот за спроведување на Договорот за стабилизација и асоцијација меѓу Албанија и ЕУ, Могерини нагласи и дека очекува и продолжување на дијалогот меѓу Белград и Приштина. Бушати на прес-конференцијата одби да одговори дали Албанија би поддржала евентуален договор меѓу Белград и Приштина за „разграничување“, односно промена на гранците или размена на населание, на што Могерини изјави дека „го цени мудриот став на Тирана“ да не се изјаснува по ова прашање.

Могерини организира вечера за премиерите од Западен Балкан

Предраг Кукиќ — Wed, 26 Sep 2018 11:58:30 +0000

Високата претставничка на ЕУ за надворешна политика и безбедност Федерика Могерини вечерва во Њујорк ќе организира вечера за премиерите на земјите од Западен Балкан присутни на заседанието на Генералното собрание на ОН. Како што соопшти Европската комисија, на вечерата ќе присуствува и еврокомесарот за проширување и соседска политика Јоханес Хан, кој во текот на вчерашниот ден имаше средби со некои од министрите за надворешни работи од Западен Балкан. На средбите Хан нагласи дека регионалната поврзаност претставува катализатор за напредокот на западнобалканските земји кон ЕУ, за поттикнување на економскиот раст и за отворање нови работни места. - Западнобалканската шесторка би требало да го искористи сегашниот позитивен момент кога станува збор за проширувањето, порача Трамп на Твитер. (МИА)