Федерико Бернардески – Kurir.mk

Бернардески: Јас сум европски шампион, а никогаш не сум играл на Мундијал – апсурдно

Ивона Петрова — Sat, 26 Nov 2022 17:45:38 +0000

Италијанскиот репрезентативец Федерико Бернардески е незадоволен од начинот на кој се добива „билет“ за Светските првенства. – Фактот што не сме во Катар ме боли затоа што заслужуваме да бидеме таму. Четирите победници на континентални турнири треба да одат на Светското првенство автоматски. Јас сум европски шампион и никогаш не сум играл на Светско првенство – ова е апсурдно“, изјави играчот на Торонто во интервју за „La Gazzetta dello Sport“. Италијанците го пропуштаат второто Светско првенство во низа. Во плејофот годинава загубија од македонската репрезентација.

Бернардески нема намера да го напушти Јувентус

Магдалена Андонова — Fri, 21 Aug 2020 14:32:18 +0000

Напаѓачот на Јувентус, Федерико Бернардески нема да го напушти тимот, пренесува „Tuttosport“. Според изворот, 26-годишниот Италијанец нема планови да го смени клубот, и покрај понудите кои доаѓаат од Наполи и Атлетико Мадрид. Во сезоната 2019/20, Бернардески одигра 38 натпревари за Јувентус, постигнувајќи два гола и три асистенции. „Transfermarkt.com“ ја проценува вредноста на Италијанецот на 28 милиони евра. (МИА)

Ребиќ: Не ги сакам играчите како Игуаин, изгледаат силни, но всушност лежат на тревникот три минути

Тале Кристо — Sat, 18 Jul 2020 19:33:09 +0000

Напаѓачот на Милан, Анте Ребиќ ги обвини играчот од средниот ред на Јувентус, Федерико Бернардески и напаѓачот на „Бајаконерите“, Гонзало Игуаин за симулација. – Постојат двајца Анте Ребиќ: во обичниот живот сум многу мирен, срамежлив и не сакам да се зборува за мене. На теренот се појавува уште еден Анте, кој станува проблем за сите. На натпреварот против Јуве, му кажав нешто на Игуаин. Не ги сакам играчите како него, кои се чини дека се големи и силни, но за време на натпреварот се тркалаат на тревникот три минути кога едвај се допираат. Истото важи и за Бернардески. Кај нас Ибрахимовиќ постојано прима многу удри, но веднаш станува и не лелека. Останатите постојано плачат, истакна Ребиќ.

Матуиди, Кедира и Игуаин може да го напуштат Јувентус

Магдалена Андонова — Fri, 17 Jul 2020 15:43:15 +0000

Актуелниот лидер и бранител на трофејот во италијанскиот фудбал, Јувентус, е подготвен да се раздели со голем број играчи заради ажурирање на тимот ова лето, пренесува „Тутоспорт“. Според изворот, „Торинците“ се подготвени да ги ослободат Гонзало Игуаин, Федерико Бернардески, Сами Кедира, Блез Матуиди и Даниеле Ругани. Управата на клубот е подготвена да најде играчи кои одговараат на визијата на Маурицио Сари, како и да ја намалат просечната старост на тимот. Другите изнајмени играчи на Јувентус, како Лука Пелегрини и Кристијан Ромеро, ќе бидат продадени или искористени како дел од договорот. Претходно беше објавено за размена на Миралем Пјаниќ во Барселона за Артур Мело. (МИА)

Бернардески нема да му помогне на Јувентус во дуелот со Лацио поради дисквалификација

Магдалена Андонова — Thu, 16 Jul 2020 11:04:48 +0000

Фудбалерот на Јувентус, Федерико Бернардески нема да игра на натпреварот од 34. коло од Серија А против Лацио, поради акумулирани жолти картони. Бернардески доби жолт картон вчеравечер во натпреварот од 33. коло против Сасуоло. Дваесет и шестгодишниот фудбалер оваа сезона има одиграно 33 натпревари за Јувентус, постигна еден гол и две асистенции. Дербито Јувентус – Лацио кое може да биде решавачко за шампионскиот трофеј во Серија А е закажано за 20 јули. По 33 кола Јувентус е прв со 77 бода, Аталанта е втора со 70, Лацио има 69. (МИА)

Бернардески може да го напушти Јувентус поради трансферот на Кулушевски

Ивона Петрова — Mon, 06 Apr 2020 06:45:28 +0000

Останувањето во тимот на крилниот играч на Јувентус, Федерико Бернардески е доведено во прашање. Италијанецот може да го смени клубот на крајот од сезоната, бидејќи во јануари „бјанко-нерите“ го купија 19-годишниот фудбалер на Аталанта, Дејан Кулушевски, кој до крајот на тековниот италијански шампионат ќе продолжи да игра за Парма на позајмица. Претходно се водеа преговори дека Бернардески може да стане дел од договорот за трансфер на Лукас Пакета од Милан или Иван Ракитиќ од Барселона. Договорот на Бернардески со Јувентус е со важност до јуни 2022 година.

Бернардески: Роналдо е голем играч и човек

Предраг Кукиќ — Mon, 24 Sep 2018 10:58:35 +0000

Напаѓачот на Јувентус, Федерико Бернардески, изјави дека неговиот тимски колега Кристијано Роналдо е најдобар играч во светот. На вчерашниот натпревар од петтото коло на италијанскиот шампионат против Фросиноне (2:0), Роналдо и Бернардески постигнаа голови. - Одиграв добро, сакам да продолжам во истиот дух. Сезоната е долга, има уште многу натпревари. Роналдо? За мене тој е најдобриот играч на светот. Тој е одличен фудбалер и човек. Кристијано е многу важен за нас, изјави Бернардески. Јувентус има извонреден старт во Серија А со максимални пет победи. (МИА)

Бернардески ја напушта репрезентацијата поради повреда

Ристе Здравков — Thu, 24 May 2018 10:00:17 +0000

Федерико Бернардески нема да може да игра на следните пријателски натпревари што ја очекуваат италијанската фудбалска репрезентација. Денес тој ќе ја напушти базата на „азурите“ поради повреда. Како што објавија медиумите на Апенинскиот Полуостров, играчот не закрепнал по повредата добиена во Јувентус, па стручниот штаб одлучи да го ослободи. Бернардески ќе ги пропушти пријателски натпревари со Саудиска Арабија, Франција и Холандија.