федерико киеза – Kurir.mk

Италија без двајца клучни играчи за мечот против Македонија

Бошко Тасиќ — Fri, 08 Sep 2023 13:10:15 +0000

Новиот италијански фудбалски селектор Лучијано Спалети мораше во последен момент да го менува планираниот состав за утрешниот квалификациски натпревар против Македонија во Скопје. И покрај тоа што беше планиран за левата офанзивна позиција, ѕвездата на Јувентус Федерико Киеза денеска се пожалил на повреда . Тој и дефинитивно нема да игра, исто како и Лоренцо Пелегрини, кој исто така се претпоставуваше дека ќе стартува за селекцијата на Италија.

ПСЖ заинтересиран за Киеза како можна замена за Нејмар

Ивона Петрова — Tue, 15 Aug 2023 15:14:37 +0000

Пари Сен-Жермен е заинтересиран за Федерико Киеза како замена за Нејмар. Јувентус е подготвен да го продаде 25-годишниот офанзивен играч за врска и сака да добие 50-60 милиони евра за него, пишува „La Gazzetta dello Sport“. Договорот на Киеза со клубот од Торино е со важност уште две сезони. Забележано е дека играчот е разочаран од позицијата на која беше поставен од страна на тренерот Масимилијано Алегри. Можеби гледа позитивно на можноста да игра во Лигата на шампионите и на зголемувањето на платата. Претходно ПСЖ го продаде Нејмар на саудискиот клуб Ал-Хилал за 100 милиони евра.

Јувентус е подготвен да го продаде Киеза за најмалку 50 милиони евра

Дарко Андоновски — Wed, 12 Jul 2023 08:17:15 +0000

Ливерпул и Њукасл нема да можат да го ангажираат крилниот напаѓач на Јувентус, Федерико Киеза додека не продадат играчи, пишува„ La Gazzetta dello Sport“. Според италијанскиот весник, интерес за 25-годишниот фудбалер покажуваат и двата англиски клуба. Исто така и Астон вила го бараше Киеза, но играчот не е заинтересиран за оваа опција. Раководството на „Старата Дама“ е подготвено да ги разгледа понудите, но не сака да го продадат фудбалерот за помалку од 50 милиони евра. Ливерпул и Њукасл се подготвени да направат обид да го купат Киеза доколку ги продадат Мохамед Салах, односно Алан Сент Максимин. И двајцата играчи може да завршат во Саудиска Арабија. Претходно беше објавено дека Ливерпул е подготвен да понуди 40 милиони евра за Киеза. Договорот на Киеза со Јувентус е до 2025 година. Минатата сезона постигна четири гола и имаше шест асистенции на 33 натпревари. Порталот „Transfermarkt“ го цени играчот на 40 милиони евра.

Киеза ќе пропушти шест месеци поради повреда на коленото

Дарко Андоновски — Mon, 10 Jan 2022 12:45:08 +0000

Лекарскиот преглед ја потврди повредата на лигаментите на коленото кај напаѓачот на Јувентус, Федерико Киеза. Фудбалерот ќе пропушти околу шест месеци, тврди „La Gazzetta dello Sport“. Киеза се повреди вчера на натпреварот од 21. коло на италијанскиот шампионат против Рома (4:3). Дваесет и четиригодишниот Италијанец оваа сезона одигра 18 натпревари за тимот на сите турнири и постигна четири гола и четири асистенции.Тој беше еден од најдобрите во италијанската репрезентација која го освои Евро 2020. Италија во март ќе се сретне со македоската репрезентација во полуфиналето од баражот за Светското првенство во Катар.

Киеза со помош на штаки дојде на прегледот за неговото колено (ВИДЕО)

Ристе Здравков — Mon, 10 Jan 2022 11:22:57 +0000

Тимот на Јувентус оствари драматична победа на вчерашната средба против Рома во Рим, но оваа победа „старата дама“ може скапо да ја плати затоа што на подолг период може да остане без Федерико Киеза. Офанзивецот се повреди на вчерашниот натпревар и медиумите во Италија веќе информираат, шпекулираат дека оваа сезона за него може и да е завршена. Најдобар доказ дека ситуацијата е сериозна говори тоа што Киеза со помош на помагала или поточно со штаки дојде на деталните медицински прегледи кои ги заврши по еден час. Ако се остварат најавите тоа ќе биде тежок удар за Јувентус.

Ecco #Chiesa al JMedical, accompagnato da suo padre. Visite ora in corso. pic.twitter.com/dtJDVRChnj
— Cristiano Corbo (@CriCor9) January 10, 2022

#Juve, dopo un'ora #Chiesa abbandona il #JMedical pic.twitter.com/LG1F6VfAl4
— TUTTOmercatoWEB (@TuttoMercatoWeb) January 10, 2022

Киеза: Ја одбрав втората опција

Бошко Тасиќ — Sun, 27 Jun 2021 07:00:09 +0000

Федерико Киеза беше „џокерот“ на селекторот Манчини и постигна одлучувачки гол со кој ја „отвори“ Австрија во 95-та минута. 25 години по погодокот на легендарниот Енрико Киеза, Федерико постигна погодок и се погрижи за првпат да видиме како татко и син постигнуваат голови на еден континентален собир на стариот континент. – Заслуживме да постигнеме гол и да се пласираме во четвртфиналето. Селекторот бара од сите играчи да бидеме подготвени, тој постојано ни вели дека има 26 стартери и дека сите се тука за да му помогнат на тимот. Останав мирен, во вакви ситуации, играчите обично сакаат веднаш да бијат на гол и да шутнат на прва. Наместо тоа, ја избрав втората опција, решив да останам мирен, да ја примам топката и да си земам време пред да шутнам на гол. Австрија беше навистина добра, има одлични играчи и се изборија за поседот, но на крајот, мислам дека заслужено сме во следната фаза,– изјави Киеза.

Јувентус ги купува Икарди и Киеза

Дарко Андоновски — Fri, 26 Jul 2019 06:11:23 +0000

Мауро Икарди од Интер и Федерико Киеза од Фиерентина се следната цел на директорот на Јувентус, Фабио Паратици.

„Кориере ди Торино“, наведува дека преговорите се во завршна фаза и дека играчите се уверени да се приклучат на италијанскиот шампион. Двајцата играчи последниве месеци биле многу блиски со Паратици кој работи на тоа да ги напуштат нивните соодветни клубови Фиорентина и Интер. Сепак, истиот извор додава дека новите засилувања нема да дојдат во Торино за мала цена, така што Јувентус ќе треба да продаде некого од своите играчи.