Федерико Валверде – Kurir.mk

Реал ќе ги продолжи договорите со Камавинга и Валверде

Ивона Петрова — Thu, 12 Oct 2023 06:08:16 +0000

Реал Мадрид се согласи да потпише нови договори со фудбалерите од средниот ред Едуардо Камавинга и Федерико Валверде, пренесува „El Partidazo de COPE“. Клубот од Мадрид ќе ги зголеми платите на играчите. Двајцата играчи ќе ги продолжат договори до 2028 година. Актуелниот договор на 25-годишниот Уругваец е до 2027 година, а на 20-годишниот Французин до 2025 година. Камавинга дојде во Реал Мадрид од Рен во 2021 година за 31 милион евра. Валверде во 2016 година од Пенарол се пресели во академијата на мадридскиот клуб за пет милиони евра.

„Плачи, твоето дете нема да се роди“: Оваа реченица е причината за тепачката меѓу славните фубалери?!

Ивана Ефремовски — Sun, 09 Apr 2023 15:24:45 +0000

Шпанскиот фудбалер и член на Виљареал, Алекс Баена, демантираше денеска преку социјалните мрежи дека го испровоцирал физичкиот напад од играчот на Реал Мадрид, Федерико Валверде, навредувајќи го, наводно, во врска со неговото неродено дете.

-Навистина сум среќен поради фантастичната победа на стадионот „Сантијаго Бернабеу“, но во исто време и многу сум тажен поради нападот што го претрпев после натпреварот. Изненадувам сум што се зборува за мене. Апсолутно не е вистина дека тоа сум го рекол, напиша Баена на социјалните мрежи.

Валверде по поразот на Реал (2-3) во Мадрид од Виљареал го сочека Баена на паркингот и неколку пати го удри, а шпанските медиуми пренесуваат дека повод биле навреди од претходниот меѓусебен дуел на двајцата играчи на теренот.

Медиумите тврдеа дека Баена тогаш му рекол на Валверде: „Плачи, бидејќи твоето дете нема да се роди“. (МИА)

Реал одбиле 90.000.000 за Валверде

Ристе Здравков — Tue, 23 Aug 2022 17:00:53 +0000

Реал Мадрид, од неименуван клуб од Премиер лигата, одбиле понуда од неверојатни 90.000.000 евра за репрезентативецот на уругвај, Федерико Валверде. Откако „Снатијаго Бернабеу“ го напушти Касемиро, во Реал веруваат дека Валверде заедно со Камавинга и Чуамени ја претставува иднината на клубот. Овие тројца добиваат се повеќе шанси и покрај тоа што Модриќ и Крос се уште се незаменливи во стартниот состав. Реал од продажбата на Касемиро заработи 70.000.000 евра. Мистерија е само кој клуб понудил богатство за Уругваецот. Мадридските медиуми пишуваат дека веројатно не станува збор за Тотенхем и Ливерпул, додека останатите од врвот на англискиот фудбал: Челси, Манчестер јунајтеди Арсенал ќе се обидат до крајот на предониот рок да се засилат со играч од редот за врска. Манчестер сити е надвор од сите комбинации бидејќи Пеп Гвардиола изјави дека неговиот клуб повеќе нема да купува во актуелниот преоден рок.