феенорд – Kurir.mk

Над 70 навивачи на Феенорд упасени во Ротердам

Тале Кристо — Thu, 26 May 2022 17:22:20 +0000

Полицијата во Ротердам соопшти денеска дека привела вкупно 72 навивачи по вчерашниот пораз на нивниот тим од Рома во Тирана во финалето на УЕФА Конференциската лига, кое на видеобим се следеше и на стадионот „Де Којп“ на холандскиот клуб. Навивачите на Феенорд предизвикале бројни инцидент во различни делови на Ротердам, а нападнале и полицајци со стаклени шишиња, чаши и камења. Полесно се повредени две лица, а оштетени се градски автобус и трамвај. Полицијата соопшти дека била принудена да употреби солзавец и водени топови за да ги растера навивачките групи.

Навивачи на Феенорд и Рома предизвикаа инциденти во Тирана

Ивона Петрова — Wed, 25 May 2022 06:21:53 +0000

Навивачи на Феенорд и Рома се судрија со полицијата во Тирана, каде вечер ќе се одржи финалето на Конференциската лига. Локалните медиуми јавуваат за неколку акти на насилство што се случиле на најмалку три места низ градот. Службениците за спроведување на законот мораа да употребат солзавец. Има десетина повредени полицајци, додека осум навивачи на Феенорд се уапсени затоа што удриле Албанец со стол додека тој ги провоцирал со јавна поддршка за Рома. Албанскиот жител морал да биде пренесен во болница. Исто така, околу 200 навивачи на холандскиот тим се судрија со полицијата обидувајќи се да стигнат до местото каде што се наоѓаат навивачите на Рома. За возврат, навивачите на италијанскиот клуб исто така ги нападнале полицајците со шипки и камења. Оштетен е полицискиот автобус. Според полицијата, уапсени се вкупно 60 навивачи на двата тима. Финалето на Конференциската лига на УЕФА меѓу Рома и Феенорд ќе се одигра вечер со почеток во 21 часот.

Ван Перси ќе биде тренер во Феенорд

Бошко Тасиќ — Tue, 04 May 2021 18:29:32 +0000

Некогашниот холандски репрезентативец Робин ван Перси повторно се врати во Феенорд, но сега како тренер. Тој ќе биде тренер на тимот до 16 години каде што игра неговиот син Шаквил. Истовремено Ван Перси ќе биде дел од стручниот штаб на првата екипа на Феенорд и ќе биде надлежен за талентирани фудбалер од младинските категории во А тимот. Ван Перси како играч на Феенорд освои Куп на Холандија во 2018, истата година и Суперкуп на Холандија како и Куп на УЕФА во 2002 година. Играше за Арсенал и за Манчестер Јунајтед.

Многу актери може да му завидат: Фудбалерот на Феенорд ги покажа своите актерски способности (ВИДЕО)

Матеја Петровски — Mon, 24 Sep 2018 08:11:19 +0000

Феенорд вчера успеа да победи со 1:0 против Утрехт, но шоуто сепак го украде фудбалер на тимот на од Ротердам. Фудбалерот на Феенорд Стивен Бергес се најде во комична ситуација. Тој покажа дека е добар актер при еден допир од противнички играч. Домашниот фудбалер падна на тревникот како да добил силен удар. Комичната ситуација беше снимена од камерите и се најде на социјалните мрежи. Судијата не реагираше на обидот на 26-годишниот Бергес да изнуди санкција за противничкиот фудбалер.