Фехми Стафа – Kurir.mk

Државно правобранителство: Стафа поднесе неотповиклива оставка од лични причини

Ивана Ефремовски — Tue, 23 Aug 2022 14:54:33 +0000

Од Државното правобранителство попладнево информираа дека државниот правобранител Фехми Стафа денеска до Владата поднел неотповиклива оставка од лични причини. -Јас, државен правобранител на РСМ, Фехми Стафа поднесувам неотповиклива оставка од лични причини. Барам да се прифати мојата оставка на наредната владина седница, стои во оставката од Стафа. Од Владата потврдија дека на денешната седница е разрешен државниот правобранител. Стафа беше именуван за државен правобранител на 22 август 2018 година. (МИА)

Разрешен државниот правобранител Фехми Стафа

Ивана Ефремовски — Tue, 23 Aug 2022 14:42:38 +0000

Државниот правобранител Фехми Стафа е разрешен на денешната владина седница, потврдија за МИА владини извори. Стафа беше именуван за државен правобранител на 22 август 2018 година од страна на Владата.

Пендаровски се сретна со Државниот правобранител Фехми Стафа

Ивона Петрова — Tue, 08 Feb 2022 09:33:02 +0000

Претседателот Стево Пендаровски го прими Фехми Стафа, Државен правобранител. На средбата се разговараше за тековните активности на Државното правобранителство во функција на правна заштита на имотните права и интереси на државата. Претседателот Пендаровски ја нагласи важноста на улогата на Државното правобранителство во севкупниот правосуден систем, во контекст на владеењето на правото како предуслов за напредок на државата. -Реформите во сферата на владеењето на правото, според претседателот Пендаровски, се меѓу приоритетите на нашата држава, што не треба да се поврзува само со процесот на пристапување кон Европската Унија, туку и со потребата од функционална правна држава и систем на правда кој ќе ги штити нашите слободи и права и заедничкиот систем на вредности, стои во соопштението.