фејсбук профил – Kurir.mk

Меѓу април и септември Фејсбук избриша 1,5 милијарди лажни профили

Ристе Здравков — Sat, 17 Nov 2018 11:09:06 +0000

Фејсбук беше предмет на многу критики во последниве месеци, главно поврзани со начинот на чување на личните податоци на корисниците. Компанијата беше хакирана неколку пати од почетокот на годината и е дел од големи истраги од страна на регулаторите на ЕУ. Но, ова не се нејзините единствени проблеми, бидејќи социјалната мрежа се обидува да се бори и против лажните вести и дистрибуцијата на навредливи содржини на профилите. За да се спротивстави на ваквите практики, Фејсбук користи специјални алгоритми и голем тим од луѓе кои ги следат и блокираат сметките кои ги кршат правилата на платформата. Врз основа на овие правила помеѓу април и септември 2018 година, Фејсбук избриша 1,5 милијарди лажни профили. Ова е значително зголемување во однос на истиот период минатата година, објави „НекстВеб“. Во вториот квартал се избришани 800 милиони кориснички сметки, а во третиот се блокирани уште 754 милиони. Во периодот јануари- март годинава биле избришани 534 милиони профили. Ваквите практики го подобруваат квалитетот на содржината и успешно го запираат ширењето на спамови на социјалната мрежа. – Фејсбук ќе продолжи да биде доста агресивен во решавањето на овој проблем, тврдат извори во компанијата.

ФОТО: Индонежани на Фејсбук пишуваа за земјотресот, а социјалната мрежа им испраќа конфети и балони

Дарко Андоновски — Thu, 09 Aug 2018 11:54:33 +0000

Социјалната мрежа Фејсбук изрази жалење поради тоа што на корисниците при објавувањето статуси и коментари во врска со катастрофалниот земјотрес во Индонезија им се појавувала анимација со балони и конфети. Многу корисници на Фејсбук во Индонезија во статусите и коментарите го употребувале зборот „селамат“, што на локален јазик, во зависност од конекстот значи „неповреден“ или „честитам“. Меѓутоа со пишувањето на тој збор корисниците на Фејсбук покренуваат анимација со балони и конфети. Фејсбук соопшти дека анимацијата е достапна насекаде и оти автоматски се активира со пишувањето на зборот кој може да значи „честитам“, објави Би-Би-Си. „Жалиме што тоа се појави во овој несреќен контекст и ја исклучивме анимацијата на локално ниво. Нашите срца се со луѓето кои се загрозени од земјотресот“, соопштија од компанијата. Најмалку 142 лица загинаа во земјотресот кој во неделата ги погоди индонезиските острови Ломбок и Бали.

По Лила, хакерите „удрија“ по македонската пејачка – остана без Фејсбук

Дарко Андоновски — Tue, 24 Jul 2018 16:22:26 +0000

Пред некое време беше хакиран Инстаграм профилот на македонската водителка Лила Филиповска која за среќа успеа да го врати, а сега е хакиран Фејсбукот на фолкерката Татјана Лазаревска. Во соооштението на нејзиниот профил пишува: „Почитувани! Профилиот на Татјана Лазаревска е хакиран. Сите што сакате да останете нејзини пријатели побарајте ја на новиот.

Скандалозен Фејсбук профил „Дрога Србија“: Тинејџери објавуваат фотографии како се дрогираат на училиште

Катерина Бојаџиева — Fri, 02 Feb 2018 14:01:32 +0000

Српската полиција и обвинителството се на трага на средношколците кои го формирале Фејсбук профилот „Дрога Србија“, на кој тинејџери постираат свои фотографии како се дрогираат за време на час или пред полициска станица. Српската полиција побарала помош и од Интерпол, затоа што е констатирано дека администраторот се наоѓа некаде во странство. Администраторот веќе го затворил овој профил откако целата приказна излезе во јавност. Но, српските деца веќе повикуваат да се префрлат приказните и фотографиите на друг профил, кој е формиран веднаш откако првиот е затворен. Неименуван извор од полицијата, сепак верува дека зад овие профили и фотографии стојат препродавачи на дрога за да ги примамат своите потенцијални муштерии.