фејсбук статус – Kurir.mk

Дукоска: Која држава ја претставува Осман Шукриу кој што е во посета на САД?

Тале Кристо — Tue, 21 Jan 2020 19:59:33 +0000

Македонската активистка од САД, Ана Дукоска на сјојот Фејзбук профил објави статус преку кој на заменик директор на Агенцијата за иселеништво на Република Македонија, Осман Шукриу го прашува која земја тој ја претставува и зошто не е објавен детален распоред на средбите со иселениците со прецизна локација. Во продолжение ви го пренесуваме целиот нејзин Фејсбук статус: Осман Шукриу, заменик директор на државната институција "Агенција за иселеништво на Република Македонија" на официјални средби со иселениците во САД. Зошто не е објавен детален распоред на средбите со иселениците со прецизна локација, датум и време? Или се затворени средби со Албанската дијаспора и нивните бизнисмени предизборно? Најавуваат дополнително и средби со преставници на албанските училишта??? А Македонските училишта? Немам намера да подгревам етничка тензија, но не гледам причина за претставник на Македонската агенција за иселеништво да остварува средби со Албанската дијаспора. Албанија се грижи одлично за своите иселеници, а Македонија за своите??? Која држава ја претставува Шукриу?

Ел Чека до Заев: Љубопитен сум каде во азил ќе одиш ти и колку години затвор би си дал себе си (ФОТО)

Дарко Андоновски — Sun, 11 Aug 2019 08:35:11 +0000

Ел Чека кој од Америка објавуваше прислушкувани разговори на влијателни членови на ДУИ сподели статус на својот Фејсбук профил поврзан со случајот Рекет. -Откако ме осудивте на 5 години затвор Зоки, колку би се дале себе си за истиот прекршок и за рекетирањето кои го прават твоите колеги од Камчев, до Бујар Османи во соработка со Боки и Ката? Љубопитен сум каде во азил ќе одиш ти, или ќе завршиш и ти кај твојот стратег Груевски! Ќе ви донесам сапун од Америка и на тебе и на Боки, пријатно триење!, стои во неговиот пост на Фејсбук.

Во минатото водеше војна со Цеца, па сега се кае: Еве што му порача синот на Аркан на фудбалерот кој ја објави Карлеуша гола (ФОТО)

Дарко Андоновски — Thu, 17 Jan 2019 09:28:33 +0000

Скандалот со голите фотографии на пејачката Јелена Карлеуша и фудбалерот Огнен Врањеш никако да престане. Поддршката Карлеуша ја добива од сите страни, а овој пат се огласи и синот на Аркан, кој на својот Фејсбук профил објави статус по тој повод. -Ја гледам оваа сага и само помислувам дека никогаш нема да имам среќа јавно и така ниско да обрукам нечија мајка со (голи фотографии). Пред неколку години јавно водев битка за правда и вистина против маќеата, но се одлучив да престанам бидејќи жал ми беше за тие деца чија судбина им е да двата родитела им лежеле по затвори. Секогаш треба да бидеш човек и да мислиш на децата, колку и да сакаш некого јавно да понижиш, пишува Војин Ражнатовиќ.

Музичарот Златко Ориѓански: Вакцини, НАТО, УДБА, ХАРП, Македонија сељачка и необразована (ФОТО)

Дарко Андоновски — Thu, 03 Jan 2019 17:30:02 +0000

Незадоволството кај СДСМ и власта расте се повеќе и во Новата 2019 година. Граѓаните се уморни од лагите на Зоран Заев, а еден од тие е и музичарот Златко Ориѓански кој денеска објави статус за моменталната ситуација во Македонија. Вакцини, НАТО, УДБА ХАРП, вулкани и лудила... Македонија, сељачка и необразована, да и го опнам..глупавата Македонија.., ова денеска на својот Фејсбук профил го објави музичарот Златко Ориѓански.

Каракамишева: Заев нема 2/3 мнозинство во Собранието, нема да помине!

Дарко Андоновски — Wed, 10 Oct 2018 13:11:51 +0000

Заев нема 2/3 мнозинство во Собранието! Тоа е сигурно! Овој театар што го гледаме во Собрание е купување на време за да се направи некаков пазар во пет минути до дванаесет часот, ова преку својот Фејсбук статус го објавува професорката Тања Каракамишева. Таа понатаму додава дека НЕМА ДА ПОМИНЕ!

-Следи оставка на Заев, но и борба за техничка влада согласно законот за влада! Како што важеа правилата за СДС кога беа во опозиција истото ќе важи и за ВМРО-ДПМНЕ, ништо повеќе ништо помалку. Ако сега се прекрши правилото за техничка влада 100 дена пред избори тогаш СДС треба да знае дека истите правила ќе важат и за нив кога ќе бараат избори како опозиција! Како што мајскиот договор победник со победник од македонскиот и од албанскиот блок партии пропадна поради неговото кршење од страна на ДУИ во 2017 година кога формираше влада со СДС, така СДС ќе биде виновен ако се прекрши правилото за техничка влада 100 дена пред избори. Или правилата важат за сите или за никого! Селективност нема да прифатиме и нема да поддржиме!, стои во статусот на Каракамишева.

Србов: Судијката Кацарска е пример што се човек треба да стори за едно обично унапредување и стотина евра повисока плата

Дарко Андоновски — Wed, 16 May 2018 16:25:49 +0000

Изминатиот период низ медиумите следам на што се нафатила судијката Кацарска во случајот „Тенк“ каде е обвинет Никола Груевски. Од она што може да се види забалежливо е што се човек треба да стори за едно обично унапредување на крајот од својата кариера, за една обична функција, за неколку стотини евра повисока плата, возач, нешто поубава канцеларија и некаква минимално поголема важност во општеството, ова во својот најнов Фејсуб статус го објави Никола Србов. Тој понатаму додава: -Да прогласите човек за виновен, за кој знаете дека нема ниту вина ниту дело, знајќи дека доколку не беше Никола Груевски, немаше ниту да пристигне случајот до судијката а камоли да го осуди, е погазување на својата стручност и на една цела фела. Однапред се извинувам доколку впечатокот од медиумите ми е погрешен, но тоа ќе го дознаеме набрзо, прво од исходот на пресудата, а потоа и од исплонувањето на ветувањата за истата пресуда. За првото се во прашање денови, за второто веројатно недели или месеци, но секако, сѐ ќе стане јасно и се ќе влезе во историјата. Сите знаеме, вклучително и судијката, дека ова е политички процес како дел од еден политички прогон. Знаете и зошто му го прават ова на Груевски. Затоа што и покрај тоа што водеше разговори и имаше волја да ги реши отворените прашања со соседите, со цел да ни се отвори патот кон ЕУ и НАТО, сепак, докрај остана цврст во однос на промената на уставното име, идентитетот и јазикот... нешто што по неговата смена е предмет на распродажба од новата власт. Сите знаеме дека многу луѓе во политиката посакуваат да видат еден извалкан и оцрнет Никола Груевски затоа што им пречи неговиот став по однос на државните и националните интереси. Им треба да го оцрнат за да не им е непријатно кога се погледнуваат во огледало и ќе се споредат со него во однос на политиката кон националните прашања. Судијката е доволно искусна за да знае дека нејзе ја одбрале за егзекутор и сигурно се мислат дека евтино ја купиле со едно унапредување. Но оваа работа е премногу крупна за да се влезе во нејзе за некакво унапредување. Речиси цела судска фела денеска е исплашена од Зоран Заев, но утре истите ќе се срамат од него. Запомнете го ова. Оние кои пресудуваат во монтирани судски процеси од нив утре ќе се срамат оние кои сега ги воспеваат и се гордеат со нив бидејќи тие се само камшикот во политичкиот процес. После оваа срамна пресуда, која е сѐ поизвесно дека судијката ја подготвува, несомнено, до крајот на животот, а и потоа, името ќе ѝ носи флека која не се чисти. Целата фела говори дека се подготвува пресуда за Груевски во која ќе биде прогласен за виновен. Тука зборуваме за правда и како таа се задоволува во Македонија со моменталната власт. На некои луѓе денеска ВМРО како партија и Груевски како поединец им изгледаат слаби и победени иако парламентарните избори беа добиени. Денеска стана „политички коректно“ да се плука по ВМРО ДПМНЕ и по поранешниот претседател Груевски, обратната опција е „политички некоректна“. Од друга страна на Заев се гледа како на надмоќен па се наклонуваат кон неговите барања и ставови занемарувајќи ја професионалноста, стручноста и вистиноста, што е тажно за едно општество. Иста ваква ситуација владеела и во 1941 година кога фашистите ја окупирале Македонија. Тие изгледале надмоќни а народот бил иплашен. Тогаш било тренд или да ги воспеваш окупаторите или да си молчиш. Но тоа била привремена состојба од неколку години. По ослободувањето луѓето кои ги воспеваа фашистите се срамеа од самите себеси, а некои биле и судени за нивните злодела. Македонија денес е под огромен притисок. Секој сам избира како ќе реагира на тој притисок. Дали ќе го задржи својот интегритет и чест или ќе слугува за да оствари корист секој одлучува за себе. Груевски одбра да не слугува и не слугуваше, а сѐ уште се надевам дека и судијката нема да слугува. Но, што и да одлучи, Никола Груевски и ВМРО ДПМНЕ ќе останат горди на своето работење за Македонија. И ништо, ниту една судска одлука во вакви монтирани процеси нема да ја сруши неговата и на ВМРО ДПМНЕ сработена работа за Македонија. Можат колку сакаат да го влечкаат по судови, па и по затвори ако сакаат, нема да го скршат ниту пак ќе го избришат неговото дело за Македонија. Ова е политичко судска кампања против голем број луѓе од ВМРО ДПМНЕ, во која политичарите нарачуваат а дел од судиите извршуваат. Ги имало вакви и во минатото, ги памети историјата. Но сите завршиле со ревизија и рехабилитација на жртвите од политичкиот прогон и следело вечно оцрнување на оние кои ги суделе и оние кои нарачувале пресуди. Вие одберете дали ќе бидете во редот на Панта Марина и редица други кои во комунистичкиот режим прифатија да ги судат неистомислениците на власта и македонските патриоти во монтирани судски процеси. Ваш е изборот. И тие тогаш добивале унапредувања. Но запрашајте се како тие денеска ги толкува историјата. Размислете каква ќе биде вашата улога во таа режија и што за тоа ќе кажат идните поколенија. Што за тоа ќе каже Македонија кога ќе се ослободи од моменталната власт. Сега е време на понижување на луѓето кои покажале цврстина за Македонија. Груевски треба да плати што 11-12 години работеше на подигнување на македонската национална свест. На зацврстувањето на државата и нејзиниот суверенитет. За суверенизмот како политика и како нешто кое не беше својствено за претходните власти. Тој ќе го издржи овој период, во тоа бидете сигурни, ви гарантирам, исто како што целиот македонски народ притиснат и заплашен го издржува овој терор на власта и ја чека својата шанса на изборите. Народот сега е скриен и молчи. Но ќе дојде ден, и тоа набргу, кога тие од кои сега народот се крие ќе се кријат од сопствениот народ, пишува во својот статус Србов.

Груевски: Автопатот Кичево – Охрид, владата на СДСМ го затекна на изграденост од 50 осто, но и покрај тоа тој една година е во застој

Дарко Андоновски — Wed, 25 Apr 2018 11:19:15 +0000

Сличен на проектот автопат Скопје - Штип е градбата на нов автопат Кичево - Охрид. Слична приказна како и првиот. Требало анекс, бидејќи надвор од проектот излегла поголема потреба на теренски активности. Сосема вообичаена појава во градбата на автопати, насекаде во светот и во сите времиња. Се регулира со закон и без никакви застои. Додека тече градбата, се вршат пресметките на вишоците одработено, се потпишува анекс и нема запирање на работите, ова на својот Фејсбук го објави поранешниот премиер Никола Груевски. Тој во статусот вели и дека додека тече градбата се завршуваат и експропријациите. Така се работи и законски и ефикасно, а не бирократски.

-Обезбедена финансиска рамка со кредит од кинеската Ексим банка, со преференцијална каматна стапка од само 2 осто. Подобро, здравје. Автопатот Кичево - Охрид, трансферот на власта го затекна на изграденост од 50 осто. Но, потребата да се фабрикуваат скандали и потребата да се прикаже дека не 50 осто, туку како 100 осто да го завршиле СДСМ и тука стапија на сцена. Една година застој, стотици телевизиски прилози, спинови, полувистини и јавни дебати и се на крај ќе заврши со истиот резултат. Ќе потпишат анекс согласно реалната ситуација на теренот и ќе продолжи градбата. Имаат и друг избор. На пример, доколку имаше некаков криминал или незаконско работење на било кого, или надвор од договорот отстапувања на фирмата, може да го раскинат договорот без да плаќаат пенали и да распишат нов тендер. Но, такво нешто нема. И бидејќи нема, нема да го раскинат договорот, бидејќи ако го раскинат, државата ќе треба да плаќа пенали, а не градежната компанија. Една година, работниците седеа дома без плата, една година помалку даноци во буџетот. Една година помалку пари за стотици фирми директно или индиректно вклучени во изработката на автопатот. И наместо да заврши до крајот на оваа година или првата половина на 2019-та, сега ќе заврши во јуни 2021-та, пишува Груевски. Тој додава дека за толку подолго нашиот народ и туристите ќе се возат по стариот и небезбеден пат, ќе гинат луѓе и ќе се губат човечки животи на стариот и помалку безбеден пат. Ќе се амортизираат возилата многу повеќе. Каков што е сега лош патот, ќе си продолжат за година и пол стомачните тегоби на мнозинството граѓани кои се превезуваат по овој пат, за да во јуни 2021, веројатно сметајќи дека уште ќе е на власт, СДСМ, Заев и останатите пресечат лента и кажат дека тие го изградиле патот. Ако пак некој се потсети дека повеќе од пола од автопатот бил готов, а финансиската рамка за втората половина обезбедена во моментот кога тие дојдоа на власт и цела година го запреа проектот, тогаш ќе се обидат да затскријат со лажни образложенија дека проектот бил во криза, но бил криво насаден па тие го спасиле. Какви измамници!!!, завршува во својот статус Груевски.

Скандал: Невидена партизација на институциите, добила отказ за статус на Фејсбук

Ивона Петрова — Thu, 22 Feb 2018 19:12:58 +0000

Власта спроведува невиден партиски реваншизам, вработени во администрација ги губат своите работни места, поради искажан став на социјална мрежа. Вработена во Министерството за труд и социјална политика добила отказ поради постирање и споделување на партиска содржина на својот приватен Фејсбук профил. Ова е прв пример во историјата на независна Македонија, како административен службеник добива отказ од работно место поради политичко убедување и делување. Како што се наведува во дисциплинската постапка против неа со која и е изречен отказ, вработената го губи работно место, зошто според наводите на комисијата објавила партиско соопштение на својот Фејсбук профил. Станува збор за Сузана Анова, вработена како државен советник во Министерството за труд и социјална политика. Државниот секретар во МТСП, Елена Грозданова ја преиначила одлуката со која се изрекува 30 % намалување на плата во времетрање од еден месец со отказ. Ова е прво такво решение од ваков тип, со кое државен службеник го губи работното место поради политички погледи.