фекалии – Kurir.mk

Забрането пливање на познатата хрватска плажа

Ивона Петрова — Sun, 27 Aug 2023 08:12:04 +0000

Поради загадувањето не се препорачува капење на плажата Марек во центарот на Задар до понатамошно известување. Препораката е издадена врз основа на извештај од Задарскиот институт за јавно здравје поради краткотрајно загадување на морето. -Градскиот институт ќе го следи квалитетот на морето и ќе ја информира јавноста за прекин на загадувањето на морето, стои во соопштението. Неофицијално се дознава дека загадувањето настанало поради излевање на фекалии од канализацијата.

ИЈЗ: Во Охридското езеро се испуштаат фекалии, но тоа не влијае на квалитетот на водата

Ристе Здравков — Tue, 18 Jul 2023 08:09:36 +0000

Институтот за јавно здравје во својот извештај објавен на 10 јули објави дека Хотел „Десарет”, автокамп „Градиште”, „Љубаништа” и „Ливадишта“, ресторан „Острово” и другите угостителски објекти во „Св. Наум”, како и туристичките населби од Струга до Радожда, се приклучени на канализациониот систем кој е изграден во 2013 година, но истиот не функционира. Според наодите на институтот, во фазата на третман на отпадни води постои само дробилица за фекалните материи, но не постојат филтри и нема хлорирање на отпадната вода пред испуст во езеро при што претставува директен загадувач на езерото. Извештајот го елаборира квалитетот и здравствената безбедност на површинските води за капење и проценка на здравствениот ризик пред почетокот на летната сезона. Единствено на овој потег приклучен на колекторскиот систем е хотелот „Макпетрол”, хотел „Бисер“, наведено е во извештајот. „Согласно постојните информации за извршениот санитарно-хигиенски увид од Центарот за јавно здравје – Охрид, перзистираат објектите од последните години наназад кои не се вклучени во колекторскиот систем, а претставуваат потенцијални загадувачи. Тоа се хотелско-угостителските објекти, како и туристичките населби кои се сместени по должината на охридското крајбрежје, од хотел „Десарет“ до Св. Наум, потоа, хотелско-угостителските објекти и туристичките населби од Струга до Радожда. Во него пишува дека потенцијални загадувачи се и приватните куќи сместени на брегот од охридското езеро од плажата Сараиште до црквата Св. Софија до приобалниот дел на населба Канео. „Потенцијални загадувачи се и шанкови поставени на самиот брег на езерото на самите плажи, како и испустни цевки за собирање на атмосферски води кои се влеваат езерото, со можност за (намерно или ненамерно) приклучени отпадни фекални води од колективните станбени згради и приватни куќи“, пишува во извештајот.

ИЗМЕТ ПЛИВА ВО ПРИЛЕП: Една од главните улици во градот претворена во канализација, жителите стравуваат за здравјето на децата (ФОТО)

Дарко Андоновски — Tue, 06 Jul 2021 14:00:49 +0000

Измет плива по една од главните улици во Прилеп. Станува збор за улицата „11 октомври“ во близина на основното училиште „Гоце Делчев“ како и истоимената детска градинка. Прилеп е претворен во депонија, а денес родителите и децата кои живеат во близина на оваа улица заминаа да го тестираат своето здравје во прилепската болница и заводот за здравствена заштита што е на само 20-тина метри од оваа еколошка катастрофа, сведочат нашите извори. Прилепчани очекуваат Јавното претпријатие Водовод да даде одговор што се случува со гадот и здравјето на граѓаните, а во меѓувреме случајот се актуелизира и на социјалните мрежи.

ВИДЕО: Фекалии од шахта се излеваат сред центарот на Скопје

Катерина Бојаџиева — Tue, 23 Feb 2021 15:01:22 +0000

Фекалии од канализациона шахта се излеваат сред центарот на Скопје. Ова е глетка која граѓаните може да ја забележат пред средното училиште „Јосип Броз Тито“. Скопјани со кометари дека ова е срам за градот.

Ново видео од хоророт на Филипче наречен „се е под контрола“, со чадор се штитат од фекалии во битолската болница

Ивона Петрова — Wed, 25 Nov 2020 07:02:40 +0000

Со закачен чадор, пациентите во битолската болница се штитат од фекалии додека се во тоалет. За лошите услови во Клиничката болница во Битола сведочи пациент, кој на социјалните мрежи објави видео на кое покажува во каква состојба е болница. Пациентот вели дека се работи за дел од болницата каде болничките услови се сметаат за подобри и за ова треба да биде запознаена целата јавност. Додава дека во едниот тоалет пациентите сами поставиле нова светилка за да може да имаат светло. Јавноста вчера преку социјалните мрежи имаше можност да види уште една ситуација на „се е под контрола“ исто така од битолската болница, односно во дневната болница. Пациент објави фотографија на која јасно се гледа како додека примаат инфузија, до нив на креветите има починати пациенти чии тела се покриени.