фекална канализација – Kurir.mk

Ѓорѓиевски: По 40 години Пинтија добива фекална канализација

Ивона Петрова — Fri, 27 Oct 2023 14:02:03 +0000

Градоначалникот на општина Кисела Вода Орце Ѓорѓиевски, денес го означи стартот на градежните активности во населбата Пинтија за изградба на фекална канализација. Ова населено место 40 години е без фекална мрежа, а зафатот ќе биде во должина од 1400 метри кои ќе ги задоволат потребите на над 200 домаќинства. -Денес е убав ден за жителите од Пинтија. После четири децении лажни ветувања, лажни надежи пред секои избори, започнавме со она што го ветив, а тоа е изградба на фекална канализација и решавање на долгодишниот горлив проблем со кој се соочуваа граѓаните. Се работи за мрежа од 1400 метри која опфаќа над 200 домаќинства и која трајно ќе ја реши долгогодишната голгота и живеењето во супстандардни услови. Оваа фекална канализација привремено ќе биде приклучена во кругот на ОХИС до моментот кога ќе почнеме да ја градиме фекалната канализација за населбите Каменик 1 и 2, бидејќи за приклучување на оваа мрежа ќе треба да се премине преку булеварот ,,Борис Трајковски”. Веднаш откако ќе завршат градежните активности и сите домаќинства ќе бидат приклучени кон главните водови, ќе пристапиме кон санација на улиците со асфалт или бехатон, во зависност од постојната состојба или потреба. Ова е проект кој го ветив пред мојот народ, а денешното отпочнување со работа е доказ дека мојот збор вреди, изјави Ѓорѓиевски. Посочи дека нема да дозволи ниту еден жител на Кисела Вода да живее во услови кои не доликуваат за едно модерно општество.

Изградба на фекална канализација за дел од населба Илинден

Тале Кристо — Tue, 26 Sep 2023 12:14:57 +0000

На терен почнаа градежните работи за изгрaдба на дел од фекална канализација во населба Илинден, во месноста викана Плац, во должина од 4.200 метри, како и изградба на препумпни уреди. Ќе се зафати површина од 46 хектари, соопштија од Општина Илинден. Градоначалникотна Општина Илинден Александар Георгиевски изврши увид во градежните актовности. Информира дека овој дел од Илинден е еден од најниските делови од населбата и досега воопшто не бил третиран за работа поради својата сложеност за изведба и проблематичноста во реализација на фекалната канализација. - За таа цел изготвиме нова комплетна техничка документација (основен проект и негова ревизија), која го опфаќа овој дел од населбата и која по својата изведба воопшто нема да биде едноставна и лесна, бидејќи има работа и изведба на два премини под автотпатот Скопје-Куманово, четири премини под железничката пруга Скопје-Белград, како и еден премин на главниот отворен канал, кој минува низ централниот дел на општината, како и работа на подрачје со високи подземни води, изјави Георгиевски. Средствата за реализација на проектот се обезбедени од Буџетот на Општина Илинден. - Фекалната канализација од овој дел на населба Илинден ќе се поврзе со веќе изградениот колекторски систем за фекална канализација, кој е поставен на двете страни на главниот отворен канал, кој минува низ населените места Илинден и Марино, изјави градоначалникот Георгиевски. Додаде дека во изминатите две години се изградени повеќе од 11.000 метри фекална канализација во повеќе населени места и пуштена е во употреба нова пречистелна станица во Илинден и Кадино.

Изградба на нова линија за фекална канализација во општина Илинден

Тале Кристо — Fri, 09 Jun 2023 06:42:57 +0000

Општина Илинден започна со изградба на нова линија на фекална канализација на улица 11, во должина од околу 200 метри. Новата канализациона линија ќе биде изведена со полиетелиенски цевки со димезија Ø 200 и со истата ќе бидат опфатени околу 10-тина домаќинства. Новоизградената фекална канализација на улица 11, ќе се поврзе на фекалната канализација од припадна површина ПП8 Илинден, соопшти општинската прес-служба. Увид во работните активности направија градоначалникот на Општина Илинден Александар Георгиевски и директорот на ЈКП ,,Водовод” - Илинден, Ивица Трипуновски. -Инвестирањето во комуналната инфраструктура е од огромно значење за локалниот економски развој, како и унапредувањето и заштитата на животната средина со што се овозможува подобрување на квалитетот на живеењето во општина Илинден. Вложувањата во комуналната инфраструктура е од стратешко значење за Општина Илинден, истакна градоначалникот Георгиевски. Канализацискиот систем во Илинден припадна површина 8, е во должина од околу 4000 метри, и на истиот има можност да бидат опфатени околу 330 домаќинства од ова населено место, како и други јавни објекти.

Изготвена проектна документација за изградба на фекална канализација на дел од Илинден

Ивана Ефремовски — Wed, 12 Apr 2023 13:24:44 +0000

Во рамки на Проектот за изградба на фекална канализација во општина Илинден се продолжи со активностите за изготвување на проектна документација за делови од населените места кои не беа опфатени со техничка документација за изградба на фекална канализација. За таа цел денес се изврши презентација на техничката документација за изградба на фекална канализација за дел од н. Илинден, поточно месноста викана Плац на влезот во општина Илинден. Презентацијата беше извршена од страна на овластени проектанти кои пред градоначалникот на Општина Илинден, Александар Георгиевски, претставници од општинската администрација и ЈКП ,,Водовод”- Илинден. Градоначалникот Георгиевски детално се запозна со должината на колекторскиот систем кој изнесува 4200 метри со кои ќе бидат опфатени повеќе од 400 домаќинства кои ќе бидат поврзани во колекторскиот систем за одведување на отпадни фекални води за населените места Илинден и Марино. Со изготвувањето на документацијата се создадени услови за распишување на набавка за избор на изведувач и надзорен орган на градежните работи на терен. Со овој проект целосно ќе бидат зафатени отпадните води кои се вливаат во главниот одводен канал кој минува центарлно низ населените места Илинден и Марино.

Изградба на фекална канализација во Илинден

Дарко Андоновски — Sat, 09 Jul 2022 11:26:00 +0000

Градоначалникот на Општина Илинден, Александар Георгиевски денеска направи увид во изградбата на нова линија за одведување на фекалните води во н.м Илинден. Градежните активности се одвиваат на крак од улица 9 н.м Илинден со должина од околу 200 метри. Изградбата на оваа линија за одведување на отпадни фекални води е дел од колекторскиот систем што ги опфаќа населените места Илинден и Марино. Со изградбата на фекалната канализација од овој крак се опфатени црковниот храм Константин и Елена и дополнително уште 10 (десет) домаќинства, кои се дел од објектите кои не беа опфатени во канализациониот систем на припадна површина 6. На овој начин се решава долгогодишниот проблем со одведување на фекални отадни води од овие делови на н.м Илинден.

Реконструкција на фекална канализација на четири велешки улици

Магдалена Андонова — Wed, 15 Dec 2021 14:10:33 +0000

Од почетокот на декември се изведуваат градежни работи за реконструкција на фекална канализација на улиците „Страшо Пинџур“, „Никола Оровчанов“ и „Илинденска“ во должина од 400 метри. Истите се во строгиот центар на Велес, кај времените дуќани во близина на мостот „Гемиџии“. Реконструкцијата на фекалната канализација на овие две велешки улици е во вредност од 5.797.950 денари и е дел од проектот финансиран од Министерството за транспорт и врски за реконструкција на водоводни и канализациски линии на територија на Општина Велес. Изведувач на градежните работи е фирмата „Делта Пром Инг“ од Велес. Како што информира за МИА, Ване Јаваз инженер од „Делта Пром Инг“ во зависност од временските услови, планираат градежните работи да ги завршат до крајот на годинава. Прва веќе е целосно реконструирана фекалната канализација на улицата „Јовче Чучук“, а сè уште се работи на соседната улица односно на дел од улицата „Орце Шутев“ во должина од 350 метри. Двете улици се наоѓаат на левата висока страна од градот во месноста „Јурија“. Реконструкцијата на овие две велешки улици е во вредност од 5.302.000 денари, обезбедени преку проектот финансиран од Министерството за транспорт и врски. Изведувач и на овие на градежните работи е фирмата „Делта Пром Инг“.од Велес, а како што информира инж. Јаваз и овие градежни работи во зависност од временските услови планираат да ги завршат до крајот на месецов, односно годината. (МИА)

Стефковски: Фекална канализација за Страчинци, инвестиција во прва фаза вредна над 5 милиони денари

Ивона Петрова — Thu, 18 Nov 2021 10:14:09 +0000

Градоначалникот на Општина Гази Баба, Бобан Стефковски денеска истакна дека започнува со изградба на фекална канализациона мрежа во населеното место Страчинци. Овој проект опфаќа три крака. Крак еден, крак два и крак три во прва фаза, во вкупна должина од 710 м2. Инвестицијата е 5.173.000 денари, средства од буџетот на општина Гази Баба. -Со почетокот на реализација на низа проекти во Гази Баба докажуваме дека Гази Баба ќе се менува и ќе се гради. Во периодот што претстои пред нас и во 2022 година најавувам низа на проекти со цел да ја направиме општина Гази Баба инфраструктурно развиена и еколошки чиста општина. После повеќе од 50-тина години во ова населено место започнуваме со ваков капитален проект за фекална канализација и многу ми е мило што граѓаните на населено место Страчинци во наредниот период ќе имаат и ќе добијат фекален канализационен систем, посочи Стефковски.

Ѓорѓиевски: Фекална канализација од 1.100 метри, со ова решаваме 30 годишен проблем на над 200 домаќинства

Ивона Петрова — Wed, 17 Nov 2021 11:21:05 +0000

Градоначалникот на Општина Кисела Вода, Орце Ѓорѓиевски денеска истакна дека по 30 години во Речиште започнуваат со изградба на фекална канализација, проблем со кој што граѓаните се мачеле изминативе 30-тина години, а бил еден од приоритетите во програмата. -Денеска започнуваме со зафат кој што вклучува 1.100 метра фекална канализација, практично цел овој појас овде од околу над 200 домаќинства ќе бидат покриени и на тој начин ќе го решиме овој нивни долгогодишен проблем. Дополнително за овој проект ние како општина издвоивме 17.5 милиони денари средства пари од нашите граѓани кои што ги насочуваме директно кон нив, вели Ѓорѓиевски.

Стефковски: Фекалната канализација во Смилковци ќе биде готова до септември 2022 година

Ивона Петрова — Thu, 11 Nov 2021 11:25:29 +0000

Граѓаните на овие локални избори испратија јасна порака дека се потребни промени во Македонија, а резултатите од изборите јасно ја наметнаа и темата дека владата на Зоран Заев и СДСМ немаат повеќе кредибилитет и дека се потребни брзи избори. Тоа впрочем се докажа и со обединувањето на целата опозиција, вклучително и БЕСА и е голем чекор напред во однос на демократските процеси во државата, вели градоначалникот на Гази Баба, Бобан Стефковски. Во однос на буџетската каса Стефковски вели дека општината има доволен буџет, но дополнително преку развојни програми ќе се обезбедат средства за да ги реализираат проектите за кои како што рече се обврзале пред граѓаните. Во однос на Буџетот на општината имаме буџет за да функционираме нормално, меѓутоа планираме и голем број на развојни програми со кои ќе обезбедиме дополнителни средства за да ги реализираме сите оние проекти со кои што се обврзавме пред граѓаните, изјави тој. Секој проект знаеме дека треба да започне од фаза на основен проект, изработка итн за да дојдеме до фазна реализација. Јас откако стапив на функција веднаш мојата изборна програма ја преточив во програма на општината и проектите се поделени по сектори и секој сектор е задолжен да направи динамика за реализација на проектите и Акциски план. И нормално таа веќе програма е програма на општината и која во наредните 4 години ќе ја реализираме и веќе дадов насока за изработка на проектна документација на голем дел на капитални проекти, рече Стефковски. Стефковски посочи дека голем број на жители во руралните среди се соочување со немање на вода за пиење и фекална канализација, додавајќи дека тој горлив проблем мора да се реши. -Најголем проблем во руралниот дел се немањето на водовод и фекална канализација. Значи ние имаме населени места коишто немаат вода за пиење, како што се Раштак, дел од Булачани, Брњарци и Страчинци и поголем дел од населените места се уште немаат фекална канализација и тоа се едни од горливите проблемите кои што почнуваме да ги решаваме уште еднаш. Јас минатата недела заедно со Светска Банка бев на увид кои што работи на еден проект преку грант од Светска Банка и кредитен заем за фекални канализации во Смилковци и Јурумлери и направивме увид и ги динамизираме активностите кои што се однесуваат во однос на фекалната канализација, меѓутоа детектиравме и голем дел на пропусти при изработка на овој проект, односно испуштени се повеќе краци во населеното место Смилковци и работиме на отклонување на тоа и побрзо завршување на оваа фаза. Крајниот рок на комплетно завршување на фекалната канализација во Смилковци ни е септември 2022 година, што значи секое домаќинство да биде приклучено на фекална канализација, рече Стефковски.

Изградба на фекална канализација и пречистителни станици во општина Илинден

Ивона Петрова — Wed, 29 Jul 2020 09:36:04 +0000

Во рамките на реализацијата на капиталниот проект Изградба на фекална канализација и пречистителни станици, во соработка со Агенцијата за финансиска поддршка на земјоделието и руралниот развој, во општина Илинден во тек е изградба на канализациски систем за прифаќање и третман на отпадни води во населено место Кадино во должина од 4.982 метри, со препумпни уреди. Вкупната инвестиција за реализација на овој проект изнесува 23 милиони денари, од кои 14,5 милиони денари се обезбедени од Агенцијата за финансиска поддршка на земјоделието и руралниот развој, а преостанатиот дел од буџетот на општина Илинден. Со канализацискиот систем ќе бидат опфатени 330 домаќинства од ова населено место, како и други јавни објекти со што значително ќе се подобри животната средина и квалитетот на живот. Изградбата на овој систем што се наоѓа во најнискиот дел од Кадино каде што нема фекална канализација треба да биде завршен до крајот на оваа година. Заедно со веќе постоечкиот канализациски систем припадна површина 4, сега со фекална канализација ќе бидат опфатени над 660 домаќинства или, 80% од вкупното население од ова населено место. По завршувањето на изградбата на канализацискиот систем, како што најави градоначалникот Жика Стојановски кој на самото место се запозна со текот на градежните работите, локалната самоуправа планира да работи на подобрување на патната инфраструктура, токму на овие улици каде што минува канализацискиот систем. Во рамките на реализацијата на проектот Изградба на фекална канализација и пречистителни станици досега се изградени 4 сегменти од фекалната канализација, со 5 пречистителни станици на 5 локации, во 4 населени места, и канализациска мрежа во должина од 21.000 метри. На канализацискиот систем кој опфаќа 1500 домаќинства, досега се приклучени 1243 домаќинства. Приоритет во изградбата на сегментите имаат места, области и локации кои подлежат на високо ниво на подземните води. Главна цел е да се прочистат отпадните фекални води од домаќинствата и стопанските објекти и потоа да се пуштат во одводниот реципиент.