фелипе кутињо – Kurir.mk

Кутињо ќе остане во Премиерлигата

Бошко Тасиќ — Sun, 20 Mar 2022 15:29:26 +0000

Шпанскиот весник „Спорт“ пишува дека „топчиите“ се најсериозниот кандидат да го доведат Бразлилецот во своите редови. Арсенал е подготвен да плати 40 милиони фунти обештетување и да му даде висока плата на фудбалерот. Астон Вила барем засега не може да ја изедначи оваа понуда на лондонскиот тим. Кутињо е среќен во Бирмингам, но неговата иднина можеби е во друг премиерлигаш.

Кутињо: Му се восхитувам на Џерард, ми кажа за амбициите на Астон Вила

Дарко Андоновски — Wed, 12 Jan 2022 11:15:21 +0000

Новајлијата на Астон Вила, Филипе Кутињо проговори за својата преселба од Барселона во Англија. – Многу ми е драго што сум овде во овој прекрасен клуб. Разговарав многу со тренерот Стивен Џерард, тој ми кажа за клубот, за неговите амбиции. Мило ми е што сум тука и се надевам дека ќе уживам во фудбалот. Стивен го познавам долго време. Играв со него и научив многу од него. Се восхитувам на оваа личност. Се надевам дека ќе се докажам овде. Дефинитивно ќе работам напорно. Се надевам дека ќе работиме заедно успешно, изјави Кутињо. Астон Вила во моментов е на 14. место во премиерлигашкиот поредок со освоено 22 бода од 19 натпревари.

Кутињо доаѓа на заем во Арсенал

Предраг Кукиќ — Tue, 06 Aug 2019 14:43:44 +0000

Угледниот француски спортски весник „Л'Екип“ објави денеска дека бразилската ѕвезда на Барселона, Фелипе Кутињо ќе потпише за лондонски Арсенал, откако „топчиите“ и Каталонците веќе го договориле едногодишниот заем. Кутињо е најскапото засилување на Барселона во историјата, откако пред година ипол дојде за 160 милиони евра од Ливерпул, но не успеа да ги оправда вложувањата и играше далеку под просекот во однос на неговите настапи за англискиот великан, кој по неговото заминување успеа да стигне до две финалиња по ред во Лигата на шампионите, а во јуни годинава и да ја освои шестата европска круна. Според информациите на францускиот весник, Кутињо ќе дојде на заем, но не е познато дали Арсенал ќе добие право на откуп идното лето или Бразилецот ќе се врати на „Камп Ноу“, ниту колку ќе платат лондончани за овој заем. Пред неколку дена се шпекулираше дека Барселона веќе му нашла дестинација на Кутињо за заем до 25 милиони евра.

L'equipe reports that Philippe Coutinho is close to joining Arsenal on loan this season. ? pic.twitter.com/n3uV1desuY
— SoccerMatrix ⚽ (@Soccer_Matrix) August 6, 2019

Кутињо на продажба, Барса бара 120 милиони

Ивона Петрова — Fri, 26 Jul 2019 09:32:36 +0000

Раководството на Барселона е подготвено да се раздели со Филипе Кутињо, но само при добра понуда, вели „Мундо Депортиво“. Од „Камп Ноу“ бараат 120 милиони евра откако досега платија 135 на Ливерпул за неговите услуги. Бразилецот дојде во Каталонија во јануари 2018 година за 120 милиони евра плус 40 милиони бонуси (од кои 25 милиони ќе бидат платени поодигрување на 100 натпревари). Платата на Бразилецот е исто така доста висока – 14 милиони насезона. Барса сметаат дека има неколку клубови кои можат да ја платат бараната сума – Манчестер Јунајтед, Манчестер Сити и Пари Сен Жермен. До моментов нема официјални предлози

Кутињо: Нејмар е значаен, но фокусот мора да биде на тимот

Даниел Василев — Wed, 20 Jun 2018 13:25:30 +0000

Бразилецот Фелипе Кутињо не е загрижен за повредата на првата ѕвезда на репрезентацијата Нејмар да Силва, потенцирајќи дека фокусот треба да биде на тимот. Нејмар во текот на вчерашниот ден го повредил зглобот, истиот оној поради што до неодамна имаше тримесечна пауза од фудбалот. Тој е неизвесен за натпреварот против Костарика во рамките на 2.коло од Е-групата. - Нејмар е еден од најдобрите во светот, но ние треба да се фокусираме на колективот, а не на поединецот. Така треба да размислуваме. Мораме да направиме се што се бара од нас, изјави Кутињо. Тој верува дека Бразил ќе ја подобри играта во продолжение на Мундијалот. - Имаме шанса да се подобриме, ние сме ментално силни, мораме да ја преземеме одговорноста затоа што го носиме дресот со бразилскиот грб, нагласи фудбалерот на Барселона. Следниот меч на СП Бразил го игра в петок од 14 часот во Санкт Петербург против Костарика. МИА

Пирло објасни зошто Кутињо вреди 160 милиони евра, сите се сложуваат со него

Курир — Sun, 07 Jan 2018 21:36:49 +0000

Поранешниот играч на Јувентус и Милан Андреа Пирло вели дека Барселона не згрешила што платила 160 милиони евра за Филип Кутињо. Барселона вчера конечно успеа да го реализира трансферот на Бразилецот од Ливерпул, но сумата што ќе плати е втор најголем трансфер во историјата на фудбалот, помала само од 222-та милиони што ги доби Барселона од ПСЖ за Нејмар. – Настрана тоа што полудеа цените на фудбалерите, цената на Кутињо е во согласност со останатите цени денеска. Ако Ван Дајк вреди 80 милиони евра, тогаш тој чини двојно. Мислам дека е фер цена – вели Пирло.