Фелипе Шести – Kurir.mk

Шпанскиот крал во изолација по контакт со заболен од Ковид-19

Тале Кристо — Tue, 24 Nov 2020 07:00:22 +0000

Шпанскиот крал Фелипе Шести (52) од вчера влезе во десетдневен карантин, откако бил во близок контакт со лице заразено со коронавирусот, соопшти кралското семејство. Британските медиуми јавуваат дека кралот ги откажал сите јавни собири за време на карантинот, иако вчера присуствуваше на научен состанок во Мадрид. Кралицата Летиција и нејзините две ќерки ќе продолжат со планираната кралска програма, додаваат извори од кралското семејество. Шпанија од почетокот на пандемијата регистрира 1,58 милиони случаи на коронавирус, а 43.131 лица досега го загубија животот од болеста.

Шпанскиот крај Фелипе се откажа од наследството на татко му Хуан Карлос

Ивона Петрова — Mon, 16 Mar 2020 06:56:38 +0000

Шпанскиот крал Фелипе Шести се откажа од наследството на својот татко Хуан Карлос заради неговите финансиски малверзации. Во соопштението на шпанското кралско семејство се наведува дека кралот Фелипе ја укинал годишната апанажа за татко му (82), кој абдицира од престолот во 2014 година. Одлуката следеше по истрагата на швајцарските истражители за офшор сметката на Хуан Карлос, кој наводно во 2008 година примил 88 милиони долари од покојниот саудсики крал Абдулах. Британскиот весник „Телеграф“ објави дека кралот Фелипе е наводен корисник на офшор фонд што ја контролира швајцарската сметка со наводни 65 милиони евра подарок од Саудиска Арабија, дадени на неговиот татко додека тој бил на престолот. Кралот Фелипе денеска негираше дека знаел било што за овој фонд

Шпанскиот крал официјално го именува Педро Санчез за нов премиер

Даниел Василев — Fri, 01 Jun 2018 15:43:05 +0000

Шпанскиот крал Фелипе Шести попладнево го потпиша указот за именување на лидерот на Социјалистичка работничка партија на Шпанија (ПСОЕ), Педро Санчез, за премиер на државата. Кралот претходно се сретна со претседателка на Долниот дом на шапанскиот Парламент Ана Марија Пастор Хулијан, која го информирала за денешното изгласување недоверба на досегашната Влада на Маријано Рахој. За недоверба на малцинската Влада на Рахој гласаа 180 пратеници, додека 169 беа против. Изгласувањето недоверба беше иницирано од страна на социјалистите и проследено со предлог Санчез да ја преземе премиерскаата функција. МИА

Шпанскиот крал ги повика Каталонците да се откажат од отцепување

Катерина Бојаџиева — Mon, 25 Dec 2017 08:14:03 +0000

Шпанскиот крал Фелипе Шести го искористи традиционалното божикно обраќање на Бадник да ги повика новоизбраните пратеници во каталонскиот Парламент, да се откажат од понатамошни чекори за отцепување. - Патот што е пред нас, не смее уште еднаш да не донесе до судири или исклучување кое, како што знаеме, само создава неслога, неизвеснот и мака, нагласи шпанскиот монарх во вечерното телевизиско обраќање. Кралот Фелипе истакна дека каталонските лидери мора да се „соочат со проблемите што ги погодуваат сите Каталонци, почитувајќи ја нивната разноликост и размислувајќи одговорно за доброто на сите“. Шпанскиот крал се обрати синоќа, четири дена откако регионалните парламентарни избори резултираа со гласање за враќање на сепаратистичките партии на власт.