Фенербахче – Kurir.mk

Жагарс пред потпис со Фенербахче

Бошко Тасиќ — Mon, 11 Sep 2023 17:14:21 +0000

Летонскиот кошаркарски репрезентативец Артурс Жагарс е мета на неколку клубови кои настапуваат во Евролигата. Кошаркарот роден во 2000 година имаше фантастичен настап предводејќи ја Летонија до сензационалното петто место со просек од 12.4 поени и 7.4 асистенции, место кое е големо изненадување со оглед на тоа што балтичната држава настапи без НБА ѕвездата Криштапс Порзингис. За Жагарс постои интерес од Партизан, Басконија, Жалгирис и Фенебахче, а се чини дека Летонецот е најблиску до гигантот од Истанбул. Евролигашкиот шампион на сезоната 2016/17 му понудил тригодишен договор со тоа што младиот плејмејкер следната сезона ќе ја помине на позајмица во литванскиот прволигаш Волвс со можност за премин во Фенебахче во било кој момент.

Ник Калатес и Немања Бјелица заминуваат од Фенербахче

Бошко Тасиќ — Sat, 26 Aug 2023 05:24:09 +0000

Фенербахче прави коренити промени во тимот за наредната сезона, па турскиот гигант бара начин да се ослободи од обврските кон плејмејкерот Ник Калатес, но и српскиот кошаркар Немања Бјелица. Калатес веќе извесно време беше во војна со тренерот Итудис и извесно беше дека Фенер ќе бара начин да го раскине договорот со него. Бјелица пак требаше да биде големо засилување откако лани дојде од НБА-лигата, но серијата повреди го ограничи на само седум евролигашки средби на кои имаше скромен просек од 2,7 поени по натпревар.

„Донесовме одлука – Бјелица и Калатес не се дел од нашите планови за наредната сезона. Веќе ги контактиравме нивните менаџери и одлуката им е соопштена. Тие имаат уште по една година од договорот со нашиот клуб, но се надеваме дека наскоро ќе најдеме заеднички јазик“, изјави генералниот менаџер на Фенербахче, Дерва Јаниер.

Доминик Ливаковиќ е нов голман на Фенербахче

Бошко Тасиќ — Sat, 26 Aug 2023 05:08:11 +0000

Хрватскиот голман, Доминик Ливаковиќ е нов член на Фенербахче, потврди денес турскиот клуб. Ливаковиќ со клубот од Истанбул потпиша договор на пет години. Кариерата голманот ја започна во Задар, потоа осум години настапуваше за Динамо за кој одигра 293 натпревари. Дресот на репрезентацијата на Хрватска го носеше на 45 натпревари и освои сребро и брзона на Мундијалите во 2018. и 2022. година

Турскиот гигант објави, Доминик Ливаковиќ е нов голман на Фенербахче

Ристе Здравков — Thu, 24 Aug 2023 07:39:36 +0000

Досегашниот голман на тимот на Динамо Загреб, и соиграч на нашиот Стефан Ристовски, Доминик Ливаковиќ е нов голман на турскиот гигант Фенербахче. По осум години минати на Максимир и шест освоени титули, Ливаковиќ заминува што се вели во вистинско време, затоа што реално како прв голман на репрезентацијата на Хрватска би требало да заигра во некоја од топ лигите во светот. Фенерабахче цело лето преговара со Динамо околу трансферот на Ливаковиќ, а откако загрепчани испаднаа од квалификациите за Лигата на Шампионите, се што во моментов може да биде продадено за сериозна сума на пари, го наапушта Максимир.

Bilgilendirme

Kulübümüz, profesyonel futbolcu Dominik Livakovic’in transferi konusunda futbolcu ve kulübü Dinamo Zagreb ile prensip anlaşmasına varmıştır.

Futbolcu sağlık kontrollerinden geçmek ve ileri transfer görüşmeleri için bugün İstanbul'a gelecektir.

Kamuoyunun… pic.twitter.com/6155aekozG
— Fenerbahçe SK (@Fenerbahce) August 24, 2023

Фред нов играч на Фенербахче

Бошко Тасиќ — Sun, 13 Aug 2023 15:48:41 +0000

Бразилецот Фред, денеска и официјално е нов фудбалер на Фенербахче, откако го потпиша договорот со турскиот тим. Фред вчера се прости на навивачите на Манчестер јунајтед, а денеска Фенербахче преку социјалните мрежи објави дека Бразилецот кариерата ќе ја продолжи токму во турскиот тим. Тој со Фенербахче потпиша четиригодишен договор, со можност да се продолжи за уште една сезона. „Многу сум среќен што дојдов во најголемиот турски тим и клуб кој има голема историја. И јас сакам да бидам дел од таа традиција. Првите впечатоци се многу добри. Ќе дадам сè од себе да му донесам на Фенербахче нови трофеи“, изјави Фред.

Раул Нето е нов кошаркар на Фенербахче

Бошко Тасиќ — Sun, 06 Aug 2023 12:12:48 +0000

Бразилскиот плејмејкер Раул Нето и официјално стана играч на турскиот Фенербахче. Извесно е дека тој ќе биде еден од големите адути на тимот кој од клупата го предводи Димитрис Итудис а еден од главните играчи е српскиот репрезентативец Марко Гудуриќ. Турскиот клуб летово на позицијата број еден го доведе и Јам Мадар од Партизан.Покрај Мадар и Нето, Фенербахче летово се засили и со Санли од Барселона, Папајанис од Панатинаикос и Нејт Сестин од Турк Телеком.

Фенербахче ќе потпише со Ливаковиќ и Тадиќ

Бошко Тасиќ — Sun, 16 Jul 2023 06:13:58 +0000

Турскиот фудбалски клуб Фенербахче се договори со Динамо Загреб за сума од девет милиони евра да го купи Доминик Ливаковиќ. Личните услови на голманот се договорени, а наскоро и официјално ќе бидат потпишани договорите по што трансферот ќе биде комплетиран. Во Фенербахче пристигнува и Душан Тадиќ откако Србинот го раскина договорот со Ајакс. Тој за турскиот клуб ќе потпише како слободен фудбалер. Тадиќ имаше понуди и од Саудиска Арабија, но ги одби, неговата желба е да продолжи во Европа.

Познати се деталите за трансфер на Ѓулер во Реал Мадрид

Бошко Тасиќ — Thu, 06 Jul 2023 05:03:28 +0000

Фудбалските тимови на Реал Мадрид и Фенербахче си подадоа рака каде големиот турски фудбалси талент Арда Ѓулер се сели на Сантијаго Бернабеу во Мадрид. Во наредните денови Ѓулер и официјално ќе биде промовиран како ново засилување за Реал Мадрид. Кралскиот клуб за овој трансфер ќе плати 20 милиони евра фиксна сума како обесштетување, плус бонуси и даноци за трансферот. Надвор од овие трошоци, Реал Мадрид ќе плати и провизија на агентот на Ѓулер, односно на неговиот татко. Фенербахче ќе има 20 проценти од следната продажба на Ѓулер Турчинот ова лето ќе му се приклучи на Реал Мадрид, не во 2024 како што некои шпекулираа. Медицинските тестови се закажани. Договорот кој ќе го потпише Ѓулер со Реал Мадрид ќе биде на шест години.

Фенер испратиле понуда до Тијаго Алкантара

Ристе Здравков — Tue, 04 Jul 2023 07:35:40 +0000

Ливерпул прави целосна реконструкција во редот за врска. Во клубот веќе пристигнаа Алексис Мекалистер и Доминик Собослај, а се очекува во наредните денови да потпишат со уште еден играч, најверојатно тоа ќе биде Лавија од Саутемптон. Тројца нови играчи во редот за врска, значи дека Тијаго Алкантара ќе го напушти клубот. Поранешниот шпански репрезентативец, речиси цела сезона беше повреден. Медиумите во Турција тврдат дека Алкантара влегол во преговори со Фенербахче. Турскиот великан му понудил тригодишен договор.

Алиоски се збогува од Фенербахче: Чест беше да се играм, тешко е секое збогување

Бошко Тасиќ — Sun, 02 Jul 2023 06:46:08 +0000

Македонскиот фудбалски репрезентативец Езџјан Алиоски по една година на позајмица во турскиот гигант Фенербашхе се збогува од истанбулскиот клуб и се враќа во саудиски Ал Ахли. Алиоски ланското лето дојде на едногодишен заем од Ал Ахли откако овој клуб испадна во втората лига, но се врати експресно во елитата, иако прашање е дали Алиоски ќе продолжи пак во Саудиска Арабија или ќе бара друг клуб, зашто се појавуваа изминатиов период низа информации дека сака да остане во Турција и дека има понуди од други клубови од оваа земја. „Секогаш е тешко да се каже збогум, но таков е животот. Благодарам на големата поддршка и ми беше чест да бидам дел од овој голем клуб“, објави Алиоски.