феникс санс – Kurir.mk

Портланд и Феникс подготвија трејд

Бошко Тасиќ — Sat, 23 Sep 2023 05:29:33 +0000

По нешто повеќе од шест години, Јусуф Нуркиќ би можел да го промени НБА тимот. Портланд Трејл Блејзерс се подготвени да направат трејд за 29. годишниот центар од БиХ. Јусуф Нуркиќ повторно е во трејд комбинациите на Портланд Трејл Блејзерс. Тимот од Орегон е подготвен да преговара со други франшизи. Феникс Санс покажуваат огромен интерес за Нуркиќ. Тимот од Аризона е подготвен да направи договор во кој на Трејл Блејзерс ќе им понуди една од ѕвездите на тимот на ДеАндре Ејтон. Во трејдот би можел да биде вклучен и Демијан Лилард. Тој од поодамна сакаше да замине од Портланд во Мајами Хит и нема да биде изненадување доколку три екипи се вклучат во голем размена на кошаркари.

Крис Пол доаѓа во Голден Стејт

Бошко Тасиќ — Fri, 23 Jun 2023 04:55:56 +0000

Еден од најдобрите стрелци во НБА, Бредли Бил, пристигна во Феникс Санс и им се придружи на уште двајца фантастични стрелци, Кевин Дурент и Девин Букер, а тимот речиси и да не изгуби вредност во тој процес. Тие го испратија Крис Пол во Вашингтон, кого беа подготвени да го отпуштат само за да се ослободат од него, ротацискиот шутер Лендри Шамет и голем број драфт пикови во втората рунда и право да трејдуваат уште неколку идни пикови. Сепак, Пол не треба долго да остане во Вашингтон, кој е во процес на целосна „обнова“. Најсигурниот НБА инсајдер Адријан Војнаровски известува дека Пол ќе замине во Голден Стејт Вориорс, каде што ќе ги здружи силите со Стеф Кари, а младиот Џордан Пул треба да замине во Вашингтон, заедно со идни пикови на драфтот.

Дурент и Букер добија нова Ол-стар ѕвезда во тимот на Феникс

Бошко Тасиќ — Tue, 20 Jun 2023 04:56:01 +0000

Во Феникс Санс се решени да ги размрдаат работите и уште еден доказ за тоа е големиот трејд кој го прават со Вашингтон Визардс во кој го добиваат Бредли Бил. Американските медиуми информораа дека Бил доаѓа во Аризона и ќе формира опасно трио со Кевин Дурент и Девин Букер. Од друга страна пак си заминува ветеранот Крис Пол, Лендри Шемет, плус вклучени ќе бидат и неколку пикови. Со ова Феникс ќе добие нова напаѓачка опција затоа што е Бил е играч кој 11 години беше дел од Визардс, период во кој го носеше тимот, беше еден од најдобрите на теренот. Трипати беше дел од Ол-стар натпреварите, а настапуваше и за американската селекција со што доволно говори за каков кошаркар се работи.

Крис Пол сака да остане во Феникс

Ивана Ефремовски — Fri, 16 Jun 2023 12:07:13 +0000

Кошаркарот на Феникс санс, Крис Пол сака да продолжи да игра во тимот од Аризона. Ова желба самиот Пол ја кажа при претставувањето на својата книга која е посветена на дедото на кошаркарот. - Апсолутно точно. Затоа сум овде сега, одговори Пол на прашањето дали сака да остане во Феникс. На 7 јуни медиумите објавија информација дека 38-годишниот играч ќе биде избркан. Подоцна беше објавено дека Санс разгледуваат различни опции, вклучително и трејд за ветеранот. Новиот тренер на тимот Франк Вогел коментирајќи ја веста за можно исклучување на Пол изјави дека „дошло до недоразбирање“. Договорот на Пол за сезоната 2023/24 (30,8 милиони долари) ќе стане целосно загарантиран на 28 јуни. (МИА)

Феникс го отпушти Крис Пол

Бошко Тасиќ — Fri, 09 Jun 2023 06:16:23 +0000

НБА тимот на Феникс го извести Крис Пол дека ќе ја прекине соработката со него. Искусниот 38-годишен плејмејкер претстојното лето ќе биде слободен агент. Санс има право да го задржи Пол уште една година за 30,8 милиони долари, но, најверојатно, ќе се откаже од таа опција. За да се ослободат од неговиот договор, ќе мора да му платат 15,8 милиони долари, освен ако не најдат друг начин да се разделат како, на пример, размена. Пол ги помина претходните три сезони со Санс, со кој стигна до финалето на НБА во 2021 година.

Феникс Санс од наредната сезона со нов тренер

Бошко Тасиќ — Sat, 03 Jun 2023 06:29:24 +0000

Управата на Феникс санс одлучи нов тренер на Сонцата да биде Френк Вогел, објави новинската агенција Асошиејтед прес. Вогел во својата кариера беше тренер на Индијана пејсерс, Орландо меџик и Лос Анџелес лејкерс и токму со Езерцата во 2020 година ја освои титулата, која е 17-та во клупската историја. Токму ЛА Лејкерс и Бостон селтикс се екипи со највеќе шампионски титули во НБА.Вогел во досегашната тренерска кариера има скор од 431 победа и 389 порази во регуларниот дел, додека во плејофот има учинок од 49 победи и 39 порази.

Феникс го отпушти тренерот Вилијамс

Бошко Тасиќ — Sun, 14 May 2023 09:23:05 +0000

Според инсајдерот на „ESPN“, Адријан Војнаровски, „итна одлука“ донел новиот сопственик Мат Ишбија веднаш по поразот од Денвер во натпреварот 6 од 2. коло од плеј-офот. Ишбија, наводно, ја презел целосната контрола врз кошаркарските операции на организацијата, вклучително и преговорите за февруарскиот трејд на Кевин Дурант и сега отпуштањето на Вилијамс. Сè уште нема јасен кандидат за замена. Вилијамс имаше уште три години од договорот. Се очекува тој да стане баран на пазарот. За неговите услуги е заинтересиран Торонто. Во 2021 година, под водство на Вилијамс, Санс стигнаа до финалето на НБА, губејќи од Милвоки во шест средби. Во 309 натпревари од регуларната сезона, Вилијамс победи на 194 од нив – 63%. Резултатот на Феникс во четири сезони пред доаѓањето на тренерот е 87-241. „ Сонцата“ минатата година заврши на првото место на Западот (64-18), а Вилијамс ја доби наградата за најдобар тренер на годината во НБА-лигата.

Крис Пол го пропушта следниот меч со Денвер

Бошко Тасиќ — Thu, 11 May 2023 18:49:50 +0000

Плејмејкерот на Феникс санс, Крис Пол, ќе го пропушти шестиот натпревар од серијата против Денвер поради повреда на препоните. Ветеранот на Феникс се повреди за време на натпреварот 2 од серијата и оттогаш не е на теренот. Без Пол, Санс победија на два домашни натпревари од пресметката во четвртфиналето во НБА-плејофот. - Тој дефинитивно почна да работи повеќе на тренинзите, но внимаваме да не избрзаме со неговото враќање. Сè уште немам извештај кој вели дека Крис е подготвен 80 или 90 проценти, изјави главниот тренер Монти Вилијамс. Резултатот во серијата прв до четири е 3:2 за Денвер.

Кевин Дурант три недели надвор од терените

Бошко Тасиќ — Sat, 11 Mar 2023 05:44:29 +0000

Американскиот кошаркар Кевин Дурент поради повреда на зглобот ќе отсуствува три недели, соопштија од Феникс. По прегледите со магнетна резонанца, утврдено е дека паузата ќе биде значително пократка од првично претпоставеното. Дурант го повреди зглобот на загревањето пред натпреварот со Оклахома Сити Тандер. Откако дојде од Бруклин, Дурант одигра три натпревари за Феникс, со просек од 26,7 поени, 7,3 скока и 3,7 асистенции.

Дурант во аут до крајот на регуларниот дел од сезоната

Бошко Тасиќ — Fri, 10 Mar 2023 05:46:54 +0000

Публиката во Феникс синоќа требаше да види домашното деби на Кевин Дурант како член на Санс, но НБА ѕвездата се повреди на загревањето пред мечот со Оклахома Сити тандер. Информациите од САД се дека Дурант можеби ќе паузира до крајот на регуларната сезона, и на терен ќе се врати кога ќе почне плејофот.