феран торес – Kurir.mk

Феран Торес во врска со ќерката на Енрике: Шпанскиот селектор јасно кажа што ќе го снајде ако го направи „бебешка цуцла“ потегот на Мундијалот

Ивона Петрова — Sat, 26 Nov 2022 18:49:59 +0000

Шпанскиот селектор Луис Енрике шеговито се закани дека ќе го исфрли Феран Торес од репрезентацијата, ако ја направи „бебе прославата“ додека игра за Шпанија на Мундијалот во Катар. Напаѓачот на Барселона е во врска со ќерката на Енрике, Сира Мартинез, па оттука шпанскиот селектор му дава јасни знаци која прослава треба да ја избегнува. Зборувајќи од кампот на репрезентацијата во Катар, тој беше прашан што ќе се случи ако Торес слави со ставање на палецот во уста, славје кое фудбалерите често го прават доколку очекуваат бебе на тој начин покажувајќи цуцла. -Ако Феран Терес постигне гол и слави со „бебешкиот палец“ во уста, веднаш ќе го седнам на клупата. Никогаш повеќе нема да стапне на фудбалски терен, шеговито изјави Енрике.

La pregunta del millón. 😂😂😂 Si Ferran Torres al marcar un gol hace el gesto del chupete Luis Enrique ya sabe lo que tiene que hacer. pic.twitter.com/eW4zaT7voW
— Relevo (@relevo) November 25, 2022

Феран Торес стана најскап фудбалер во историјата на Барселона

Дарко Андоновски — Tue, 28 Dec 2021 16:38:48 +0000

Шпанскиот фудбалер Феран Торес е нов играч на Барселона, потпишувајќи денеска договор со важност до 30 јуни 2027 година, потврди каталонскиот клуб. Феран доаѓа од редовите на англискиот шампион Манчестер сити за сума од 55 милиони евра, плус дополнителни десет милиони евра во вид на бонуси, што го прави најскап фудбалер во историјата на Барселона. Рекордот досега го држеше Давид Виља за кого каталонскиот гигант своевремено плати 40 милиони евра. Шпанскиот напаѓач од август 2020 беше член на Манчестер сити и за англискиот клуб постигна 16 голови на 43 натпревари.

Феран Торес пристигна во Барселона, наскоро потпис на договорот

Ристе Здравков — Mon, 27 Dec 2021 15:29:19 +0000

Феран Торес е во Барселона каде денеска ќе ги помине медицинските тестови по што треба да го потпише договорот и официјално да стане член на каталонскиот клуб. Се очекува денеска Феран Торес да потпише за Барса. Документацијата меѓу Манчестер Сити и Барселона е комплетирана. Напаѓачот е во Барселона, каде утринава ги почнува медицинските тестови. Се верува дека во вториот дел од денот ќе го потпише и договорот по што Барселона официјално ќе го соопшти неговиот ангажман.

Барса ќе му ја исполни желбата на Чави, договорен е трансфер на Феран Торес вреден 65 милиони евра

Ристе Здравков — Thu, 23 Dec 2021 07:52:06 +0000

Неколку извори пренесуваат дека Барселона и Манчестер Сити договориле трансфер на Феран Торес, се работи за зделка вредна 55 милиони евра, плус додатни 10 милииони евра во бонуси. Чави го идентификуваше Феран Торес како приоритетно засилување во јануари, тренерот го известил раководството дека нема компромиси кога е во прашање Шпанецот и тој мора да биде ангажиран. Па „каталонците“ направија голем напор и успеаја да му ја исполнат желбата. Неколку извори пренесуваат дека паднал договор со Манчестер Сити за трансфер вреден 55 милиони евра, плус додатни 10 милиони евра во бонуси. Барселона од поодамна си има подадено рака со играчот, и сега се очекува само зделката официјално да биде потврдена во следните денови.

Феран Торес се сели во Барселона

Бошко Тасиќ — Wed, 22 Dec 2021 22:35:37 +0000

Шпанскиот фудбалски гигант Барселона се согласи да му плати на Манчестер Сити 55 милиони евра за услугите на фудбалерот од нападот на оваа екипа Феран Торес објавија британските медиуми. Во сезоната 2020/21 шпанскиот напаѓач постигна 16 голови во 43 настапи за Манчестер сити со кој го освои англиското првенство и Лига купот и стигна до финалето во Лигата на шампиони, откако една година претходно се пресели во Премиер лигата од редовите на Валенсија за сума 20 милиони евра. Дваесетиедногодишниот Торес оваа сезона не е на истото ниво и повеќе од два месеци отсуствуваше од терените поради фрактура на стапалото.

Главоболки за Гвардиола, Торес се врати повреден

Ристе Здравков — Fri, 15 Oct 2021 08:07:51 +0000

Шпанскиот фудбалер, Феран Торес ќе биде надвор од теренот извесен период откако заработил скршеница на стапалото. Феран Торес со Шпанија играше во финалето од Лигата на нации и се повреди. Прегледите покажаа дека има скршеница на стапалото на десната нога. Од Сити објавија дека се работи за мала скршеница, но во моментов не можат да кажат колку време тој ќе биде надвор од теренот. „Торес дојде повреден, ние продолжуваме да ја надгледуваме неговата состојба, засега не се знае колку ќе трае рехабилитацијата“, објави Манчетер Сити.

Феран Торес по хет-трикот против Германија: Не можам да изразам колку сум среќен

Дарко Андоновски — Wed, 18 Nov 2020 11:11:28 +0000

Фудбалерот за врска на шпанската репрезентација, Феран Торес рече дека е пресреќен по големата победа над Германија (6:0) во Лигата на нациите и неговиот хет-трик на овој натпревар. – Сите сме воодушевени од групата играчи што се собраа во националниот тим и од тоа како работите се развиваат. Секој фудбалер сонува да направи хет-трик за репрезентацијата. Не можам да изразам колку сум среќен што успеав да го сторам ова на ваков важен натпревар и да му помогнам на тимот. Ја искористивме иницијативата од првите минути и не дозволивме репрезентацијата на Германија да игра. Ги затворивме сите приоди кон нашиот гол и не им дозволивме да не загрозат, изјави Торес. Шпанија го освои првото место во групата и се пласира во плејофот за трофејот во ова натпреварување.