Ференцварош – Kurir.mk

Дејан Станковиќ најде нов ангажман како тренер

Бошко Тасиќ — Tue, 05 Sep 2023 04:13:10 +0000

Српскиот фудбалски стратег, Дејан Станковиќ, официјално е претставен како нов тренер на Ференцварош. Поранешниот тренер на Црвена Звезда и Сампдорија бргу најде ангажман и ќе седне на клупата на унгарскиот гигант. Актуелниот шампион на Унгарија го најави новиот тренер и изрази задоволство од соработката, а од Станковиќ ќе се очекува одбрана на титулата во домашното првенство, како и солидно претставување на тимот во Конференциската лига на УЕФА.

Лекиќ и Цвијиќ го продолжија договорот со Ференцварош

Бошко Тасиќ — Thu, 06 Jul 2023 05:26:29 +0000

Српските ракометарки Андреа Лекиќ и Драгана Цвијиќ, ја продолжија соработката со европскиот вицепрвак Ференцварош. Раководството на клубот од Будимпешта беше задоволно од прикажаната игра на српскиот тандем и успеа да го задржи за уште најмалку една сезона. Лекиќ и Цвијиќ беа едни од најзаслуѓните за обезбедениот пласман на Ференцварош во финалето од Лигата на шампионите. Ференцварош ги продолжи договорите и со голманката Кинга Јанурик, левиот бек Сандра Зачик, левото крило Јулија Харшфалви и кружниот напаѓач Анет Кишвалди.

Андреа Лекиќ уште една сезона во Ференцварош

Бошко Тасиќ — Fri, 19 May 2023 04:55:19 +0000

Некогашната ракометарка на Вардар, Андреа Лекиќ, ќе остане уште една сезона во унгарскиот Ференцварош. По остварениот успех и пласманот на завршниот турнир во Лигата на шампионите, челниците на Ференцварош веднаш и понудија нов договор на Лекиќ. Српската интернационалка со Ѓер oсвои европска титула, а oткако беше воведен завршниот турнир има пет настапи со Вардар, три трети места и две втори. Во јуни со Ференцварош ќе го има шестиот настап во Будимпешта, а ривал во полуфиналето ќе им биде данскиот Есбјерг.

Меси, Кутињо и Тер Штеген нема да играат со Ференцварош

Тале Кристо — Tue, 01 Dec 2020 13:52:18 +0000

Напаѓачот на Барселона, Лионел Меси, играчот за врска Филип Кутињо и голманот Марк-Андре тер Штеген нема да играат на натпреварот од групната фаза во 5. коло од Лигата на шампионите против Ференцварош. Тројцата го пропуштија денешниот тренинг на каталонскиот клуб. „Diario Sport“ забележува дека главниот тренер на Каталонците, Роналд Куман им даде одмор на овие играчи. Ференцварош ќе биде домаќин на Барселона утревечер (2 декември) со почеток во 21 часот во Будимпешта.

Александар Ставрев ќе го суди натпреварот Ференцварош-ЦСКА од ЛЕ

Ивона Петрова — Mon, 04 Nov 2019 11:26:04 +0000

Македонскиот судија Александар Ставрев ќе ја дели правдата на натпреварот во групната фаза од Лигата на Европа меѓу Ференцварош и ЦСКА, објавено е на веб-страницата на УЕФА. Натпреварот во Х-групата ќе се одржи на 7 ноември во Будимпешта. На Ставрев ќе му помагаат Маријан Кировски и Дејан Костадинов. Четврти судија ќе биде Димитар Мечкароски.