ферибот – Kurir.mk

Најмалку 15 луѓе загинаа при превртување на ферибот траект во близина на Сулавеси

Ивона Петрова — Mon, 24 Jul 2023 05:41:00 +0000

Најмалку 15 лица загинаа откако преоптоварен ферибот потона кај индонезискиот остров Сулавеси, соопштија локалните власти. Уште 19 лица се водат како исчезнати. На бродот имало вкупно 40 луѓе, кои ја прославувале годишнината од својот роден град, кога ферибот се превртел. Шест лица се спасени и пренесени во локалниот медицински центар.

Се трага по телата: Се уште е непознат бројот на жртви од превртениот ферибот во Кеба

Катерина Бојаџиева — Thu, 27 May 2021 15:08:38 +0000

Се уште не се знае колку лица загинаа во Кеба, во северозапад од Нигерија, каде вчера се преврте речен ферибот со околу 200 патници, изјави денеска портпаролот на владата. Британските медиуми пренесуваат дека дрвениот брод се превртел вчераутро во близина на Вара, град на брегот на езерото Каинџи. -Телата се уште не се пронајдени. Засега не можеме да го одредиме точниот број на жртви, изјави портпаролот. Бухари Абубакар, еден од преживеаните патници од бродот, кажа дека досега се спасени околу 40-тина лица, иако многу други патници се уште се водат за исчезнати. Патниците, главно жени и деца, патувале од државата Нигер кон државата Кеба. Очевидци велат дека бродот одеднаш се преполовил и превртел на половина од реката. Патниците од бродот ги бараат нуркачи и агенциите за итни случаи, соопштија властите во Кеба.

Пожар на ферибот со повеќе од 1.000 луѓе во Грција

Матеја Петровски — Wed, 29 Aug 2018 06:01:52 +0000

Грчки ферибот со 875 патници и 141 член на екипажот утрово се врати во пристаништето Пиреја, откако избувнал пожар на палубата за автомобили, соопшти Грчката крајбрежна стража. Патничкиот брод „Елефтериос Венизелос“, кој пловел кон островот Крит, се вратил во Пиреја, од каде што отпловил. Капетанот на бродот и кажал на крајбрежната стража дека пожарот избувнал во камион и оти противопожарниот систем на фериботот веднаш се активирал. Пожарот бил совладан, но поради големото количество чад патниците биле замолени да се преместат на надворешните палуби на бродот, јавија грчките медиуми. Засега нема информации за повредени луѓе. (Миа)