Фернандињо – Kurir.mk

Манчестер Сити го продолжи договорот со капитенот Фернандињо

Ивана Ефремовски — Tue, 29 Jun 2021 16:46:52 +0000

Капитенот на Манчестер Сити, 36-годишниот бразилски фудбалер Фернандињо, потпиша нов едногодишен договор и ќе остане во клубот до лето 2022 година, соопшти денеска англискиот шампион. Фернандињо дојде во Сити во 2013 година од украински Шахтјор и за осум сезони одигра 350 натпревари во сите натпреварувања, освојувајќи, притоа, четири шампионски титули и шест трофеи во Лига купот. –Како што во моментов размислувам, мојата работа сè уште не е завршена. Затоа одлучив да останам уште една година и да се обидам да им помогнам на екипата и клубот да ги остварат своите зацртани цели, изјави Фернандињо. –Ќе бидам најсреќниот човек на светот доколку успеам да им помогнам да напредуваат да станат уште подобри и да играат подобро, на ист начин како тоа што досега го правев, предводејќи ги на теренот и надвор од него, додаде капитенот на англискиот првак. (МИА)

Сити ги прекина преговорите со Фернандињо

Ивона Петрова — Tue, 03 Dec 2019 07:11:48 +0000

Манчестер сити ги прекина преговорите за нов договор со фудбалерот од средниот ред Фернандињо. Сегашниот договор на 34-годишниот Бразилец истекува наредното лето, пренесува „Гардијан“. Претходно, тренерот на „граѓаните“, Пеп Гвардиола изјави дека смета на играчот и има намера да го користи како централен дефанзивец. Оваа сезона, Фернандињо има 10 натпревари во Премиер лигата.

Фернандињо одбива да настапи за бразилската репрезентација поради закани

Ристе Здравков — Mon, 24 Dec 2018 09:32:12 +0000

Фудбалерот на Манчестер Сити, Фернандињо, побарал да не биде повикуван во бразилската репрезентација поради заканите што му се случиле него и на неговото семејство по Светското првенство. Фернандињо ова му го кажал на селекторот Тите. – По Светското првенство, сакав да го повикам Фернандињо во националниот тим. Тој е одличен играч. Јас лично разговарав со него. Бразил е горд што може да смета на играч со вакви лични и професионални квалитети. Се надевам дека ситуацијата ќе се смени. Подготвен сум да му помогнам колку што е потребно, изјави Тите. За потсетување, Фернандињо постигна автогол во четвртфиналето на Светското првенство против Белгија (1:2) и поради тоа доби смртни закани од некои бразилски фанови.

Фернандињо со нов договор, во Сити до 2020 година

Ивона Петрова — Sat, 20 Jan 2018 08:09:31 +0000

Бразилецот Фернандињо го продолжи договорот со Манчестер Сити до 2020 година, потврди англискиот клуб. Фернандино пристигна во Сити летото 2013 година од Шахтјор и ја освои Премиер Лигата и Лига купот, а за неполни пет сезони одигра 150 натпревари и постигна 14 гола. Оваа сезона во екипата на Пеп Гвардиола ги одигра сите 23 лигашки натпревари. Фернандино, кој има 41 настапи за репрезентација на Бразил и учество во Мундијалот во оваа земја пред четири години, пред Сити и Шахтјор играше за Атлетико Параненс. Лидерот на англиското првенство, само два дена пред продолжувањето на соработката со Фернандињо, го стори истото со неговиот соговорник Николас Отаменди, додека на крајот од минатата година го продолжи договорот со Давид Силва.